An tAcht um Brústocaireacht a Rialáil 2015 – Oifigigh Phoiblí Ainmnithe

Tháinig an tAcht um Brústocaireacht a Rialáil, 2015 i bhfeidhm ar an 1 Meán Fómhair 2015.

Foráiltear san Acht go mbunóidh an Coimisiún um Chaighdeáin in Oifigí Poiblí Clár ar líne maidir le gníomhaíocht bhrústocaireachta, chun faisnéis a chur ar fáil don phobal maidir le cé hiad na daoine a rinne teagmháil le hoifigigh phoiblí ainmnithe i ndáil le beartais shonracha, ábhair reachtúla nó cinntí ionchasacha, agus go gcoinneoidh sé an clár sin cothrom le dáta. Ní mór do bhrústocairí tuairisciú a dhéanamh i dtaobh na hidirghníomhaíochta eatarthu féin agus Oifigigh Phoiblí Ainmnithe.

Éilítear in Alt 6(4) den Acht go bhfoilseoidh gach comhlacht poiblí liosta d'Oifigigh Phoiblí Ainmnithe an chomhlachta sin. Is acmhainn é an liosta do bhrústocairí a bhfuil tuairisceán á chomhdú acu leis an gClár, más gá dóibh sonraí oifigigh phoiblí ainmnithe a aimsiú. Tá liosta Oifigigh Phoiblí Ainmnithe An Roinn Gnóthaí Eachtracha agus Trádála sa tábla thíos:

Is í Martina Feeney, Stiúrthóir an Aonaid um Shlándáil, Comhordú agus Comhlíonadh, an Roinn Gnóthaí Eachtracha agus Trádála, an tOifigeach Ainmnithe maidir le dul i gcomhairle leis an gCoimisiún um Chaighdeáin in Oifigí Poiblí.

Faoin reachtaíocht, tá ról ag an gCoimisiún um Chaighdeáin i dtaobh treoir agus faisnéis a eisiúint agus an tuiscint ar an reachtaíocht a chur chun cinn. D'fhoilsigh an Coimisiún um Chaighdeáin, i gcomhar leis an Roinn Caiteachais Phoiblí agus Athchóirithe, treoir d'Oifigigh Phoiblí Ainmnithe maidir leis an Acht um Brústocaireacht a Rialáil.

Tá tuilleadh faisnéise maidir leis an reachtaíocht agus treoir bhreise faoin Acht ar fáil ar an suíomh gréasáin maidir le Brústocaireacht a Rialáil ag lobbying.ie. Is féidir tuilleadh faisnéise a fháil freisin.