Comhairliúchán Poiblí maidir le Ráiteas Straitéise na Roinne Iompair, 2025 - 2028

Tá an Roinn Iompair ag ullmhú a Ráitis Straitéise don tréimhse 2025-2028 faoi láthair, doiciméad tábhachtach ina leagfar amach ár spriocanna agus ár gcuspóirí ardleibhéil agus muid ag déanamh dul chun cinn ar ár misean chun “córas iompair inrochtana a chur ar fáil atá éifeachtach, sábháilte agus inbhuanaithe agus a thacaíonn le pobail, teaghlaigh agus gnólachtaí”.

Is iad na gealltanais atá i gClár an Rialtais: Ag cinntiú todhchaí na hÉireann, sa Phlean Gníomhaíochta ar son na hAeráide, sa Phlean Forbartha Náisiúnta agus i mbeartais ábhartha eile a chuirfidh bonn eolais faoi fhorbairt ár Ráitis Straitéise. Leagfar amach ann na príomhchuspóirí a bheidh againn agus na príomhthorthaí a mbeimid ag súil leo as seo go ceann roinnt blianta.

Mar chuid den phróiseas comhairliúcháin, tá cuireadh á thabhairt duit do chuid tuairimí a chur in iúl, rud a chuirfidh bonn tuilleadh eolais fós faoi fhorbairt ár Ráitis Straitéise nua. Tá an ráiteas straitéise reatha (Ráiteas Straitéise 2023-2025) ar fáil Item was unpublished or removed

Seol do chuid tuairimí tríd an ríomhphost chuig StatementofStrategy@transport.gov.ie faoi Dé Luain, 31 Márta 2025 .

Cuirtear in iúl do fhreagróirí go bhfuil an Roinn faoi réir an Achta um Shaoráil Faisnéise, 2014, Rialacháin na gComhphobal Eorpach (Rochtain ar Fhaisnéis maidir leis an gComhshaol), 2007-2014 agus na reachtaíochta um Chosaint Sonraí.

Níor cheart faisnéis phearsanta ná rúnda ná faisnéis atá íogair ó thaobh na tráchtála de a áireamh i do fhreagra, agus glacfar leis gur ceadmhach gach faisnéis atá sa fhreagra a scaoileadh faoin Acht um Shaoráil Faisnéise, 2014.