Plean Gníomhaíochta na hÉireann chun Astaíochtaí Eitlíochta a Laghdú

Pleananna Gníomhaíochta Stáit um Laghdú Astaíochtaí Eitlíochta, is cuid de thionscnamh domhanda iad tríd an Eagraíocht Eiltíochta Sibhialta Idirnáisiúnta (EESI), chun cabhrú le tíortha bearta a phleanáil go straitéiseach chun astaíochtaí CO2 eitlíochta a laghdú, agus chun tacú leis an Sprioc Uaillmhianach Fadtéarmach maidir le hastaíochtaí CO2 glan-nialasacha ó eitlíocht idirnáisiúnta faoi 2050.

Tá an cur chuige domhanda i dtaca le dícharbónú an tionscail bunaithe ar ‘chiseán beart’ EESI ina sainaithnítear ceithre cholún as a mbainfear laghduithe amach. Is iad seo feabhsuithe ar theicneolaíocht aerárthaí, feabhsuithe oibríochtúla, méadú ar fhorbairt agus úsáid breoslaí eitlíochta inbhuanaithe (SAF), agus bearta domhanda atá bunaithe ar an margadh amhail an Scéim Fritháireamh agus Laghdú Carbóin d’Eitlíocht Idirnáisiúnta.

I bPlean Gníomhaíochta Stáit na hÉireann um Laghdú Astaíochtaí Eitlíochta, tugtar achoimre ar ghníomhaíochtaí ag leibhéal an Aontais Eorpaigh, ag leibhéal Comhdháil Eitlíochta Sibhialta na hEorpa, agus ag leibhéal náisiúnta, chun astaíochtaí CO2 ón eitlíocht a laghdú de réir chur chuige chiseán beart EESI.

Tá an Plean Gníomhaíochta Stáit nuashonraithe curtha faoi bhráid an EESI lena fhoilsiú.