Treoir Sábháilteachta Loingseoireachta Muirí do Shuiteálacha Fuinnimh In-athnuaite Amach ón gCósta (OREI)

D'fhorbair an Roinn seo Treoir Sábháilteachta Loingseoireachta Muirí do Shuiteálacha Fuinnimh In-athnuaite Amach ón gCósta (OREI) de réir an dea-chleachtais idirnáisiúnta, mar fhreagairt ar an bhforbairt atá beartaithe ar OREInna in uiscí na hÉireann. Rachaidh na breithnithe agus na critéir atá sa treoir i ngleic leis na héifeachtaí a bheidh ar loingseoireacht agus freagrachtaí éigeandála ag na OREInna atá beartaithe d’ uiscí na hÉireann.

Forbraíodh an treoir i gcomhthráth le Treoir Gharda Cósta na hÉireann maidir le Cuardach agus Tarrtháil agus Freagairt Éigeandála do OREI (Nós Imeachta Oibríochta Caighdeánach 07-2025). Cumhdaíonn an Nós Imeachta Oibríochta Caighdeánach seo an sainchúram atá ag Garda Cósta na hÉireann chun seirbhís cuardaigh agus tarrthála muirí (SAR), taismeach muirí agus seirbhís freagartha ar thruailliú a sholáthar.

Molann an Roinn gur chóir an Treoir Sábháilteachta Loingseoireachta Muirí a úsáid chun gach riosca loingseoireachta agus práinnfhreagairt a mheas, le linn na gcéimeanna tógála, oibríochta agus díchoimisiúnaithe d'fhorbairt OREI. Molann an Roinn freisin gur cheart an treoir a úsáid chun measúnú a dhéanamh ar athruithe féideartha ar phatrúin tráchta. Ba cheart d'fhorbróirí OREI atá ag lorg toiliú forbartha le haghaidh forbairtí feirme gaoithe amach ón gcósta an treoir a chur san áireamh chun a chinntiú go gcoinnítear ardchaighdeán sábháilteachta muirí in uiscí na hÉireann.

Tá Modheolaíocht um Measúnú Riosca Loingseoireachta (NRA) san áireamh leis an Treoir freisin. Is é is cuspóir do Mhodheolaíocht an NRA ná treoir a chur ar fáil d’fhorbróirí maidir lena measúnuithe riosca loingseoireachta agus práinnfhreagartha a ullmhú. Ba cheart go léireodh tograí forbartha go bhfuil nó go mbeidh rialú riosca oiriúnacha agus iomchuí i bhfeidhm. Ina theannta sin, tá seicliosta curtha le chéile le húsáid mar uirlis ag Oifig Suirbhéireachta Muirí na Roinne (MSO) chun comhlíonadh na treorach a cuireadh ar fáil a fhíorú, de réir mar is gá.

Beidh an treoir faoi réir athbhreithnithe ag an Roinn amach anseo, má aithnítear agus má éilítear príomhleasuithe.