“Aithnítear sa Chlár Rialtais, mar náisiún oileánach le daonra scaipthe agus geilleagar oscailte, go bhfuil sé ríthábhachtach d’Éirinn go mbeadh nascacht mhaith aici ar fud na tíre agus leis an gcuid eile den domhan. Tá an nascacht seo ríthábhachtach chun tacú le fás eacnamaíoch chomh maith le pobail áitiúla.

Táim tiomanta go hiomlán seirbhís lóin a chur ar fáil idir Dún na nGall agus Baile Átha Cliath lena chinntiú go gcuirtear seirbhís éifeachtach ar fáil ag amanna a oireann do chách a bhaineann leas as an tseirbhís, lena n-áirítear othair chúraim chriticiúil.

D’oibrigh mo Roinn go gníomhach le Emerald Airlines chun téarmaí a chomhaontú maidir le hathbhunú an sceidil roimhe seo, lena n-áirítear an t-aerárthach ag fanacht thar oíche in Aerfort Dhún na nGall. Ba mhaith liom buíochas a ghabháil freisin leis an Teachta Pat the Cope Gallagher, leis an Aire Charlie McConalogue, agus leis an Seanadóir Manus Boyle as a gcuid oibre ag déanamh ionadaíochta do riachtanais an phobail i ndáil le hathbhunú na n-eitiltí.

Ba mhaith liom buíochas a ghabháil le Emerald Airlines as a rannpháirtíocht chuiditheach chun an t-ábhar seo a thabhairt chun críche go rathúil inniu agus guím gach rath orthu i gcónaí agus iad ag tabhairt faoin mbealach tábhachtach seo. Tháinig fás ar líon na bpaisinéirí bliain i ndiaidh bliana faoin gconradh roimhe seo, ag sroicheadh 23% os cionn na mbuaicleibhéal a baineadh amach faoin gconradh roimhe, rud atá ina éacht suntasach.”

An tAire Iompair, Darragh Ó Briain