Tá iarratais á lorg ag an Aire O’Gorman faoin gCiste um Fhianaise Tógála Cad a Oibríonn 2023.

• Cuirfear deontais suas le €50,000 ar fáil d’eagraíochtaí san earnáil phobail agus dheonach a oibríonn le leanaí agus daoine óga trí chur chuige um chosc agus luath-idirghabháil. Is é luach iomlán an cistiú ná €600,000.
• Tacóidh na deontais seo le heagraíochtaí chun tacú le húsáid éifeachtach sonraí i soláthar seirbhíse do leanaí agus do dhaoine óga ar fud na hÉireann.
• Tá an cistiú seo á chur ar fáil tríd an tionscnamh um chosc agus luath-idirghabháil Cad a Oibríonn a fhaigheann cistiú ó Chiste na gCuntas Díomhaoin (DAF). Tá an DAF á bhainistiú ag an Roinn Forbartha Tuaithe agus Pobail.

D’fhógair an tAire Leanaí, Comhionannais, Míchumais, Lánpháirtíochta agus Óige, Roderic O’Gorman, inniu go bhfuil ciste nua á chruthú faoin tionscnamh um chosc agus luath-idirghabháil Cad a Oibríonn, atá maoinithe trí Chiste na gCuntas Díomhaoin. Bunaíodh an Ciste um Fhianaise Tógála Cad a Oibríonn chun tacú le bailiú agus anailísiú sonraí agus fianaise laistigh den earnáil phobail agus dheonach.

Tá an Ciste oscailte do chleachtóirí agus do sholáthraithe seirbhíse a oibríonn in eagraíochtaí neamhbhrabúis a oibríonn le leanaí, daoine óga agus a dteaghlaigh agus a bhfuil béim láidir acu ar chosc agus ar luath-idirghabháil.

Tugtar cuireadh d’eagraíochtaí neamhbhrabúis iarratais a chur isteach ar mhaoiniú suas le €50,000 do thionscadail um chosc agus luath-idirghabháil a shainaithneoidh bearnaí i soláthar seirbhíse agus a fhorbróidh scileanna le haghaidh monatóireachta, meastóireachta agus anailíse éifeachtach ar sheirbhísí coiscthe agus luath-idirghabhála.

Tá sé mar aidhm ag an gCiste freisin cabhrú leo siúd a oibríonn le leanaí, daoine óga agus teaghlaigh rochtain a fháil ar oiliúint maidir le bailiú, taighde agus anailís a fheabhsaíonn torthaí do leanaí agus do dhaoine óga.

Is é an spriocdháta le haghaidh iarratais ná 5pm, Dé hAoine, 22 Meán Fómhair 2023.

Ag fógairt an lainseála ar an gCiste um Fhianaise Tógála Cad a Oibríonn, dúirt an tAire O’Gorman:

Tá tuilleadh eolais faoin scéim ar fáil ar shuíomh gréasáin What Works (Ár leithscéal nach bhfuil leagan Gaeilge ar fáil).

• Tá an Tionscnamh Cad a Oibríonn DCEDIY, arna mhaoiniú faoi Chuntais Dhíomhaoine, dírithe ar tionchar an chosc agus na luath-idirghabháil a uasmhéadú chun torthaí a fheabhsú do leanaí agus do dhaoine óga atá ina gcónaí in Éirinn.
• Tá fonn i gcroílár an tionscnaimh cabhrú leo siúd atá ag obair chun saol leanaí agus daoine óga a fheabhsú chun cur chuige atá bunaithe ar fhianaise a chur chun cinn. Tá an tionscnamh deartha chun cur chuige córais iomláin a ghlacadh chun úsáid, tuiscint agus infhaighteacht cur chuige um chosc agus luath-idirghabhála a fheabhsú, agus oibríonn sé thar cheithre phríomhréimse: sonraí, fianaise, cumas agus comhionannas.
• Is é sprioc Ciste um Fhianaise Tógála ná bailiú agus úsáid sonraí i seirbhísí coiscthe agus luath-idirghabhála ar ghníomhaíochtaí agus ar thorthaí do leanaí agus do dhaoine óga a chur chun cinn; agus chun tacú le forbairt agus le cur i bhfeidhm scileanna chun monatóireacht, meastóireacht agus anailís éifeachtach a dhéanamh ar sheirbhísí coiscthe agus luath-idirghabhála.
• Ceadóidh sé d’eagraíochtaí pobail agus deonacha am agus machnamh a thiomnú chun a mbailiú agus a n-úsáid sonraí a fhorbairt agus a fheabhsú chun tionchar fíorshaol a gcuid seirbhísí ar úsáideoirí seirbhísí a mheasúnú, agus tacú lena bhfoireann rochtain a fháil ar oiliúint ar bhailiú agus anailísiú sonraí ionas gur féidir leo sonraí a úsáid i dtuairisciú agus i measúnú a gcuid seirbhísí.
• Tá an Ciste beartaithe freisin chun cabhrú leo siúd a oibríonn le leanaí, daoine óga agus teaghlaigh rochtain a fháil ar oiliúint maidir le bailiú, taighde agus anailís a fheabhsaíonn torthaí do leanaí agus do dhaoine óga.
• Is é luach iomlán an chiste ná €600,000 agus bhí 12 iarratasóir rathúil in ann leas a bhaint as cistiú suas le €50,000.
• Caithfidh gach iarratas cur chuige um chosc agus luath-idirghabhál a bhfuil sé mar aidhm aige torthaí a fheabhsú do leanaí agus do dhaoine óga a chur san áireamh.
• Is féidir ceisteanna a chur chuig whatworks@equality.gov.ie