An Comhrá Náisiúnta ar an Oideachas – na Chéad 5 Bliana agus Cúram Leanaí in Aois Scoile

Mar chuid den Chomhrá Náisiúnta ar an Oideachas, tá an Roinn Leanaí, Míchumais agus Comhionannais (DCDE) ag tabhairt faoi phróiseas comhairliúcháin phoiblí leathan ar thodhchaí fhoghlaim agus chúram na luath-óige agus cúraim leanaí in aois scoile, feighlithe leanaí san áireamh.

Ciallaíonn Foghlaim agus Cúram na Luath-Óige aon socrú rialaithe a sholáthraíonn oideachas agus cúram ó bhreith go dtí an aois éigeantach bhunscoile – gan aird ar an suíomh, cistiú, uaireanta oscailte nó ábhar cláir.

Ciallaíonn cúram leanaí in aois scoile aon seirbhís rialaithe do leanaí scoile 4-14 bliana d’aois (na haoiseanna siúd san áireamh), a oibrítear i rith ceann amháin nó níos mó de na tréimhsí a leanas: – roimh an scoil – i ndiaidh na scoile – i rith laethanta saoire scoile.

Duine féinfhostaithe é feighlí leanaí a thugann aire, leis nó léi féin amháin, do leanbh amháin nó grúpa beag leanaí in áit chónaithe féin an fheighlí leanaí. Mar thoradh ar thosach feidhme chodanna bainteacha an Achta um Chúram Leanaí (Leasú), 2024 agus na Rialachán um Sheirbhísí Feighlíochta Leanaí, a tháinig i bhfeidhm an 30 Meán Fómhair 2024, is féidir le feighlithe leanaí iarratas a dhéanamh anois chun clárú le Tusla. Foráiltear in Acht 2024 d’idirthréimhse trí bliana sula ndéanfar clárú éigeantach.

Cibé acu más tuismitheoir, oideoir luathbhlianta, cleachtóir cúraim leanaí ar aois scoile, feighlí leanaí, soláthraí thú nó más spéis leat todhchaí fhoghlaim agus chúram na luath-óige agus cúraim leanaí in aois scoile, ba mhaith linn cloisteáil uait.

Cabhróidh do dhearcthaí chun bonn eolais a chur faoi shaincheisteanna atá le plé mar chuid den Chomhrá Náisiúnta ar an Oideachas. D’fhéadfaí a áireamh leis sin ná rudaí faoi fhoghlaim agus cúram na luath-óige agus cúram leanaí ar aois scoile ba cheart nó ná cheart a athrú, na rudaí ar cheart tús áite a thabhairt dóibh, agus conas foghlaim agus cúram na luath-óige agus cúram leanaí in aois scoile a fheabhsú do leanaí agus a dteaghlaigh.

Cuirfidh do dhearcthaí bonn eolais faoi An Todhchaí a Mhúnlú a fhorbairt, ina leagfar amach cur chuige an Rialtais chun córas inacmhainne ardchaighdeáin inrochtana fhoghlaim agus chúram na luath-óige agus cúraim leanaí in aois scoile a fhorbairt.

Cuirfidh do dhearcthaí bonn eolais freisin faoin straitéis a thiocfaidh in ionad Na Chéad 5, an Straitéis Uile-Rialtais do Naíonáin, Leanaí Óga agus a dTeaghlaigh.

Tá eolas breise ar Na Chéad 5 ar fáil anseo.

Tá eolas breise ar An Todhchaí a Mhúnlú ar fáil anseo.

Céim 1: suirbhé ar líne

Seolfar suirbhé náisiúnta ina n-iarrfar ar rannpháirtithe smaoineamh faoi ról fhoghlaim agus chúram na luath-óige agus cúraim leanaí in aois scoile laistigh de chóras oideachais na hÉireann.

Céim 2: Imeachtaí comhairliúcháin áitiúla

Cuirfidh comhairliúchán áitiúil deis eile ar fáil do pháirtithe leasmhara (tuismitheoirí, oideachasóirí luathbhlianta, cleachtóirí cúraim leanaí in aois scoile, feighlithe leanaí agus soláthraithe) páirt ghníomhach a ghlacadh chun an straitéis a mhúnlú don earnáil do na blianta amach romhainn. Cabhróidh ionchur ó na himeachtaí seo agus an suirbhé ar líne chun an clár a leagan amach d’imeacht comhairliúcháin náisiúnta.

Céim 3: imeacht comhairliúcháin náisiúnta

Iarrfar i rith an imeachta seo ar pháirtithe leasmhara machnamh a dhéanamh ar an gComhrá Náisiúnta go dtí seo anuas ar chéimeanna féideartha a theastaíonn chun córas inacmhainne, ardchaighdeáin, inrochtana fhoghlaim agus chúram na luath-óige agus cúraim leanaí in aois scoile a chruthú.