Comhdháil Náisiúnta Ag Leanúint leis an t-Aistear: Ag Iniúchadh ar an Aistear nuashonraithe: Creatchuraclam na Luath-Óige
- Foilsithe: 23 Bealtaine 2025
- An t-eolas is déanaí: 23 Bealtaine 2025
Dé Sathairn 24 Bealtaine 2025
Dublin Royal Convention Centre
Réamhrá
Fáilte chuig an gcomhdháil náisiúnta seo Ag Leanúint leis an t-Aistear: Ag Iniúchadh ar an Aistear nuashonraithe: Creatchuraclam na Luath-Óige. Tá an ócáid seo á óstáil ag an Roinn Leanaí, Míchumais agus Comhionannais (RLMC), i gcomhpháirtíocht leis an Roinn Oideachais agus Óige (ROÓ), agus an Chomhairle Náisiúnta Curaclaim agus Measúnachta (CNCM).
Forléargas ar an gComhdháil
Soláthróidh an chomhdháil náisiúnta seo fóram d’oideachasóirí, lucht déanta beartas, lucht acadúil, agus eagraíochtaí tacaíochta chun iniúchadh i gcomhar le daoine eile a dhéanamh ar nuashonruithe, ar choincheapa nua agus ar phríomhtheachtaireachtaí laistigh den Chreat nuashonraithe. Cuimseoidh an chomhdháil meascán de láithreoireachtaí agus deiseanna líonraithe a bhfuil sé mar aidhm acu oideachasóirí a chur ar an eolas agus a spreagadh chun breathnú ar conas is féidir an Creat nuashonraithe a léiriú i gcleachtas laethúil.
Óstach
Elaine Coffey O'Connor, Roinn Leanaí, Míchumais agus Comhionannais (RLMC)
Clár Oibre na Comhdhála
|
8.30-10.00 Próiseas clárúcháin |
Tae agus Caife Seastáin Taispeántas |
|
10.00-10.30 Fáilte Óráidí Tosach |
Elaine Coffey O’ Connor, Roinn Leanaí, Míchumais agus Comhionannais (RLMC) An tAire Oideachais agus Óige: Helen McEntee TD (fístaifeadta) An tAire Leanaí, Míchumais agus Comhionannais: Norma Foley TD (fístaifeadta) Seoladh suíomh gréasáin Scileanna a Chothú - www.nurturingskills.ie |
|
10.30-11.00 Aistear |
Maresa Duignan, Roinn Oideachais agus Óige (ROO) Arlene Forster, POF, An Chomhairle Náisiúnta Curaclaim agus Measúnachta (CNCM) - Ag Breathnú ar do Thuras féin Aistear: Machnamh ar Thaighde, Beartas agus Cleachtas |
|
11.00-11.50 Eochairchainteoir |
An tOllamh Iram Siraj, Ollscoil Oxford & Ollscoil na hÉireann, Maigh Nuad: Éirim a Fhorbairt: Ról an oideachasóra i dtacú le cur chuige curaclaim atá ag teacht chun cinn agus fiosrúbhunaithe |
|
11.50-12.20 Sos |
Tae, Caife agus Líonrú Seastáin taispeántais |
|
12.20-13.10 Seisiúin ar an imeall
|
· Seisiún ar an imeall A Hyde Suite An Dr. Geraldine French (Ollscoil Chathair Bhaile Áth Cliath) Cathaoirleach: An Dr. Jacinta O’ Regan (CNCM) Caidreamh a Fhorbairt: An Neart atá ag Oideolaíocht Chaidreamhach Mhall le Naíonáin agus Lapadáin. Pléitear sa cheardlann an méid atá i gceist le hoideolaíocht chaidreamhach mhall i gcomhthéacs caidreamh a fhorbairt agus foghlaim agus forbairt naíonán agus lapadán a fheabhsú go freagrúil go híogair agus le meas. Dírítear ar an bhfáth go bhfuil oideolaíocht chaidreamhach mhall tábhachtach. Ar deireadh, scrúdaímid na gnéithe faoi leith a bhaineann le tabhairt faoi oideolaíocht chaidreamhach mhall i gcleachtas gairmiúil i suíomhanna oideachas agus chúram na luath-óige (ECEC) chun obair leis an raon aoise seo. Teastaíonn an tuiscint seo chun go n-éireoidh go geal le leanaí an-óga. · Seisiún ar an imeall B Robinson Suite (Seomra 1) Shirley Heaney (Coláiste Mhuire gan Smál) Cathaoirleach: Donna Carolan (CNCM) Timpeallachtaí Foghlama a Chothú ina gcuirtear Éagsúlacht, Cothroime agus Ionchuimsiú chun cinn do gach naíonán, lapadán agus leanbh óg. Fiosrófar sa seisiún seo conas a chuirtear cur chuige láidreachtaí-bhunaithe i ngníomh i bPrionsabail agus Téamaí Aistear, Creat an Churaclaim Luath-Óige, i dtaobh timpeallachtaí foghlama ionchuimsitheacha a chruthú ina gcuirtear folláine chun cinn agus ina gcumasaítear naíonáin, lapadáin agus leanaí óga braistint láidir féiniúlachta agus mhuintearais a fhorbairt. · Seisiún ar an imeall C: Higgins Suite (Seomra 1) Gráinne McKenna (Ollscoil Chathair Bhaile Átha Cliath) Cathaoirleach: Toby Wolfe (RLMC) Tionchar dúchasach an oideachasóra ghníomhaíoch - an ról, an clúdach agus na tairbhí. Díreofar sa seisiún seo ar ‘Oideachasóirí Gníomhaíocha’ mar phrionsabal foghlama agus forbartha in Aistear, ina bhfiosraítear cad atá i gceist leis seo maidir le féiniúlacht ghairmiúil agus an méid a d’fhéadfadh a bheith i gceist leis seo i gcleachtas. Déanfaimid breithniú ar thionchar suntasach an oideachasóra ghníomhaíoch ar fhoghlaim agus forbairt leanaí, anuas ar an rannchuidiú agus na ceangail thábhachtacha a thugaimid agus a dhéanaimid le teaghlaigh agus pobail leanaí. · Seisiún ar an imeall D: Higgins Suite (Seomra 2) An Dr. Mary Daly (CNCM) Cathaoirleach: Lorraine Farrell (CNCM) Ag éisteacht le agus ag éisteacht le haghaidh glórtha naíonán, lapadán agus leanaí óga sa phróiseas aistrithe. Díreofar sa chur i láthair seo ar a thábhachtaí atá sé tacú le haistrithe dearfacha i saol laethúil naíonán, lapadán agus leanaí óga. Fiosrófar a thábhachtaí atá sé tacú le gach aistriú do naíonáin, do lapadáin, agus do leanaí óga iad a shaibhriú agus taispeánfar conas a thacaíonn an creat nuashonraithe, sa mhullach ar an Treoir Dea-Chleachtais, leo seo. Mínítear aistrithe mar na próisis athraithe agus ghluaiseachta laistigh de agus idir na gnáthaimh laethúla, ó sheomra amháin go seomra eile agus ó shuíomh amháin go suíomh eile. Cuirfear eolas ar fáil sa chur i láthair ar conas éisteacht le agus éisteacht le haghaidh glórtha naíonán, lapadán agus leanaí óga sa phróiseas aistrithe chun tacú leis na heispéiris seo agus iad a shaibhriú. Fiosrófar ról an phríomhdhuine agus na hoideolaíochta caidreamhaí moille freisin mar gheall gur fusa an t-athrú a dhéanamh nuair a bhraitheann naíonáin, lapadáin agus leanaí óga sábháilte agus nuair a bhíonn daoine timpeall orthu a thugann aire dóibh agus a bhfuil aithne mhaith acu orthu. Tabharfar chun solais sa chur i láthair chomh maith gur freagracht chomhroinnte atá i dtacú le haistrithe idir teaghlaigh, feighlithe leanaí, oideachasóirí luathbhlianta, suíomhanna agus scoileanna chun sárleasa an naíonáin, an lapadáin agus an linbh óg. · Seisiún ar an imeall E: Robinson Suite (Seomra 1) Máire Uí Mhurchú Cathaoirleach: Jacqui de Paor (RLMC) An Ghaeilge a Shealbhú trí Ghluaiseacht, Amhráin agus Damhsa.
Tá mar aidhm agam a thaispeáint sa chur i láthair seo conas is féidir an Ghaeilge a thabhairt isteach go nádúrtha agus go spraíúil i ngnáthamh laethúil nó seachtainiúil suímh — go háirithe trí ghníomhaíochtaí a thaitníonn go mór le leanaí, cosúil leis an amhránaíocht agus an ghluaiseacht. Ní gá duit a bheith inniúil sa Ghaeilge chun páirt a ghlacadh sna gníomhaíochtaí seo. Bainfidh gné idirghníomhach leis an gcur i láthair seo, agus cuirfidh mé treoir phraiticiúil ar fáil freisin ar conas chun teacht ar réimse acmhainní ar líne chun tacú le do chleachtas agus iad a úsáid.
· Seisiún ar an imeall F Swift Suite (san óstán Radisson Blu Royal Hotel - in aice leis an Royal Convention Centre) An Dr. Sharon Skehill (CNCM) Cathaoirleach: Ann Lane (Tús Níos Fearr) ‘Ómós Áite: Ag tabhairt faoi deara an fhoghlaim i spásanna agus áiteanna lasmuigh.’
Cuirtear beocht sa chur i láthair seo ar Aistear nuashonraithe trí shamplaí praiticiúla de shaorshúgradh, súgradh treoraithe agus eispéiris spraíúla faoi stiúir oideachasóra taobh amuigh. Léirítear ann conas a dhéantar Prionsabail agus Téamaí Aistear a chur i bhfeidhm i ngnáthaimh laethúla, i dtimpeallachtaí éagsúla foghlama, agus ról an oideachasóra chun spásanna a chruthú ina gcothaítear foghlaim agus folláine do naíonáin, lapadáin agus leanaí óga - anuas orthu siúd a oibríonn i gcleachtas.
|
|
13.10-14.25 Am Lóin |
Lón agus Líonrú Seastáin Taispeántas |
|
14.25-15.15 Seisiúin ar an imeall um thráthnóna |
Seisiún ar an imeall A
Hyde Suite An Dr Sharon Skehill (CNCM) Cathaoirleach: Ann Lane (Tús Níos Fearr) ‘Ómós Áite: Ag tabhairt faoi deara an fhoghlaim i spásanna agus áiteanna lasmuigh.’ Cuirtear beocht sa chur i láthair seo ar Aistear nuashonraithe trí shamplaí praiticiúla de shaorshúgradh, súgradh treoraithe agus eispéiris spraíúla faoi stiúir oideachasóra taobh amuigh. Léirítear ann conas a dhéantar Prionsabail agus Téamaí Aistear a chur i bhfeidhm i ngnáthaimh laethúla, i dtimpeallachtaí éagsúla foghlama, agus ról an oideachasóra chun spásanna a chruthú ina gcothaítear foghlaim agus folláine do naíonáin, lapadáin agus leanaí óga - anuas orthu siúd a oibríonn i gcleachtas. · Seisiún ar an imeall B
Robinson Suite (Seomra 1) Shirley Heaney (Coláiste Mhuire gan Smál) Cathaoirleach: Donna Carolan (CNCM) Timpeallachtaí Foghlama a Chothú ina gcuirtear Éagsúlacht, Cothroime agus Ionchuimsiú chun cinn do gach naíonán, lapadán agus leanbh óg. Fiosrófar sa seisiún seo conas a chuirtear cur chuige láidreachtaí-bhunaithe i ngníomh i bPrionsabail agus Téamaí Aistear, Creat an Churaclaim Luath-Óige, i dtaobh timpeallachtaí foghlama ionchuimsitheacha a chruthú ina gcuirtear folláine chun cinn agus ina gcumasaítear naíonáin, lapadáin agus leanaí óga braistint láidir féiniúlachta agus mhuintearais a fhorbairt.
· Seisún ar an imeall C
Higgins Suite (Room 1) Gráinne McKenna (Ollscoil Chathair Bhaile Átha Cliath) Cathaoirleach: Toby Wolfe (RLMC) Tionchar dúchasach an oideachasóra ghníomhaíoch - an ról, an clúdach agus na tairbhí. Díreofar sa seisiún seo ar ‘Oideachasóirí Gníomhaíocha’ mar phrionsabal foghlama agus forbartha in Aistear, ina bhfiosraítear cad atá i gceist leis seo maidir le féiniúlacht ghairmiúil agus an méid a d’fhéadfadh a bheith i gceist leis seo i gcleachtas. Déanfaimid breithniú ar thionchar suntasach an oideachasóra ghníomhaíoch ar fhoghlaim agus forbairt leanaí, anuas ar an rannchuidiú agus na ceangail thábhachtacha a thugaimid agus a dhéanaimid le teaghlaigh agus pobail leanaí. Seisiún ar an imeall DHiggins Suite (Seomra 2) An Dr. Mary Daly (CNCM) Chair: Lorraine Farrell (CNCM) Ag éisteacht le agus ag éisteacht le haghaidh glórtha naíonán, lapadán agus leanaí óga sa phróiseas aistrithe. Díreofar sa chur i láthair seo ar a thábhachtaí atá sé tacú le haistrithe dearfacha i saol laethúil naíonán, lapadán agus leanaí óga. Fiosrófar a thábhachtaí atá sé tacú le gach aistriú do naíonáin, do lapadáin, agus do leanaí óga iad a shaibhriú agus taispeánfar conas a thacaíonn an creat nuashonraithe, sa mhullach ar an Treoir Dea-Chleachtais, leo seo. Mínítear aistrithe mar na próisis athraithe agus ghluaiseachta laistigh de agus idir na gnáthaimh laethúla, ó sheomra amháin go seomra eile agus ó shuíomh amháin go suíomh eile. Cuirfear eolas ar fáil sa chur i láthair ar conas éisteacht le agus éisteacht le haghaidh glórtha naíonán, lapadán agus leanaí óga sa phróiseas aistrithe chun tacú leis na heispéiris seo agus iad a shaibhriú. Fiosrófar ról an phríomhdhuine agus na hoideolaíochta caidreamhaí moille freisin mar gheall gur fusa an t-athrú a dhéanamh nuair a bhraitheann naíonáin, lapadáin agus leanaí óga sábháilte agus nuair a bhíonn daoine timpeall orthu a thugann aire dóibh agus a bhfuil aithne mhaith acu orthu. Tabharfar chun solais sa chur i láthair chomh maith gur freagracht chomhroinnte atá i dtacú le haistrithe idir teaghlaigh, feighlithe leanaí, oideachasóirí luathbhlianta, suíomhanna agus scoileanna chun sárleasa an naíonáin, an lapadáin agus an linbh óg.
· Seisiún ar an imeall E:
Robinson Suite (Seomra 2) Máire Uí Mhurchú Cathaoirleach: Jacqui de Paor (RLMC) An Ghaeilge a Shealbhú trí Ghluaiseacht, Amhráin agus Damhsa. Tá mar aidhm agam a thaispeáint sa chur i láthair seo conas is féidir an Ghaeilge a thabhairt isteach go nádúrtha agus go spraíúil i ngnáthamh laethúil nó seachtainiúil suímh — go háirithe trí ghníomhaíochtaí a thaitníonn go mór le leanaí, cosúil leis an amhránaíocht agus an ghluaiseacht. Ní gá duit a bheith inniúil sa Ghaeilge chun páirt a ghlacadh sna gníomhaíochtaí seo. Bainfidh gné idirghníomhach leis an gcur i láthair seo, agus cuirfidh mé treoir phraiticiúil ar fáil freisin ar conas chun teacht ar réimse acmhainní ar líne chun tacú le do chleachtas agus iad a úsáid. Seisiún ar an imeall FSwift Suite (san óstán Radisson Blu Royal– in aice leis an Royal Convention Centre) An Dr. Geraldine French (Ollscoil Chathair Bhaile Átha Cliath) Cathaoirleach: An Dr. Jacinta O’ Regan (CNCM) Caidreamh a Fhorbairt: An Neart atá ag Oideolaíocht Chaidreamhach Mhall le Naíonáin agus Lapadáin. Pléitear sa cheardlann an méid atá i gceist le hoideolaíocht chaidreamhach mhall i gcomhthéacs caidreamh a fhorbairt agus foghlaim agus forbairt naíonán agus lapadán a fheabhsú go freagrúil go híogair agus le meas. Dírítear ar an bhfáth go bhfuil oideolaíocht chaidreamhach mhall tábhachtach. Ar deireadh, scrúdaímid na gnéithe faoi leith a bhaineann le tabhairt faoi oideolaíocht chaidreamhach mhall i gcleachtas gairmiúil i suíomhanna oideachas agus chúram na luath-óige (ECEC) chun obair leis an raon aoise seo. Teastaíonn an tuiscint seo chun go n-éireoidh go geal le leanaí an-óga.
|
|
15.20-15.45 Tacaíochtaí |
Réamhrá: Eimear Carron (RLMC) Tionscnamh Náisiúnta Síolta Aistear (TNSA) & the Treoir Chleachtais Aistear Síolta (TCAS): Lorraine Farrell (CNCM) |
|
15.45-16.00 Ráiteas Clabhsúir |
Toby Wolfe, Roinn Leanaí, Míchumais agus Comhionannais (RLMC)
|
Beathaisnéisí Cainteoirí
An tAire Leanaí, Míchumais agus Comhionannais, Norma Foley TD
An tAire Leanaí, Míchumais agus Comhionannais. Bhí Norma ina hAire Oideachais (2020-2025). Rugadh agus tógadh í i dTrá Lí, tá Norma pósta le Denis Maguire, agus é ina mhúinteoir freisin.
Tháinig borradh ar a paisean sa pholaitíocht ag aois óg agus bhí sí go rialta ar rian an fheachtais, ag canbhasáil ar a hathair Denis, TD do Chiarraí Thuaidh le breis agus 18 mbliana.
Ó 2004, tá Norma Foley ina hionadaí do mhuintir Cheantar Bardasach Thrá Lí ar Chomhairle Contae Chiarraí. Bhí sí ar Chomhairle Baile Thrá Lí freisin, agus bhí sí ina Méara ar Thrá Lí trí huaire chomh maith le bheith tofa mar Mhéara ar Chiarraí.
Ceapadh í ina hAire Oideachais i Meitheamh 2020 tar éis bhunú an Rialtais agus ba í an chéad bhean as Ciarraí a shuigh ag bord na Comh-Aireachta. Ceapadh í ina hAire Leanaí, Míchumais agus Comhionannais i mí Eanáir na bliana seo.
An tAire Oideachais agus Óige, Helen McEntee TD
Is í Helen McEntee an tAire Oideachais agus Óige. Ceapadh sa ról seo í an 23 Eanáir 2025.
Roimhe sin, bhí sí ina hAire Dlí agus Cirt ó mhí an Mheithimh 2020.
Toghadh Helen do Dháil Éireann i bhfothoghchán i mí an Mhárta 2013, agus atoghadh í in olltoghchán Feabhra 2016. Cheap an Taoiseach Enda Kenny an Teachta McEntee le bheith ina Aire Sláinte Meabhrach agus Daoine Scothaosta sa Roinn Sláinte i mBealtaine 2016 mar chuid den Rialtas Comhpháirtíochta nua.
I mí an Mheithimh 2017, mar chuid d’athshocrú rialtais a rinne an Taoiseach nuacheaptha Leo Varadkar, tugadh ardú céime don Aire McEntee go post an Aire Stáit do Ghnóthaí an AE.
Arlene Forster
Is í Arlene Príomhoifigeach Feidhmiúcháin na Comhairle Náisiúnta Curaclaim agus Measúnachta (CNCM). Déanann sí oideachas na Comhairle a stiúradh i dtaobh comhairle don Aire Oideachais agus Óige a fhorbairt agus a sholáthar ar churaclam agus ar mheasúnú don oideachas luath-óige, agus do bhunscoileanna agus iar-bhunscoileanna. Is éard a bhí i gceist leis an obair seo le blianta beaga anuas ná athbhreithniú agus nuashonrú an CNCM ar Aistear: Creat an Churaclaim Luath-Óige.
Dhírigh Arlene go speisialta ar oideachas luathbhlianta ina staidéar fochéime, agus thosaigh sí a gairm bheatha mar mhúinteoir bunscoile agus mhúin sí ar gach leibhéal ranga i measc suíomhanna ilghráid agus grád singil i Muineachán, Tír Eoghain agus Baile Átha Cliath. Thosaigh Arlene ag obair leis an CNCM ag tús obair na Comhairle chun comhairle a fhorbairt ar an gcuraclam don tréimhse luath-óige. Rinne sí forbairt Aistear, an chéad chreat curaclaim a d’fhorbair an CNCM, a stiúradh ina dhiaidh sin. Rinne sí stiúradh trína róil mar Stiúrthóir agus Leas-POF, ar obair freisin ar Threoir Chleachtais Aistear Síolta, Tionscnamh Teagascóirí Aistear, athbhreithniú ar an gcuraclam, measúnú agus tuairisciú do thuismitheoirí.
Céimí Choláiste Ollscoil an tSrutháin Mhilis, Béal Feirste agus an Choláiste Ollscoile, Baile Átha Cliath í Arlene.
An tOllamh Iram Siraj (OBE)
Cuireadh oiliúint ar Iram Siraj (OBE) agus d’oibrigh mar mhúinteoir luath-óige. Ollamh Taighde Gradamach í faoi láthair ag Ollscoil Mhá Nuad agus Ollamh Emeritus í le Forbairt an Linbh ag Ollscoil Oxford. Rinne sí staidéir fadaimseartha a stiúradh, E4Kids agus staidéar FEEL san Astráil agus staidéar EPPSE sa Ríocht Aontaithe agus i dTuaisceart Éireann ina measc. Rinne sí an Oideolaíocht Éifeachtach Taighde tionío a stiúradh sa staidéar Luathbhlianta (REPEY), inar forbraíodh i dtosach coincheap na Smaointeoireachta Comhroinnte Marthanaí (SST), a tháinig aníos mar phríomhghné in go leor curaclaim luath-óige. Comhúdar í ar roinnt scálaí comhlántacha a thacaíonn le feabhsú cáilíochta i bhforbairt chognaíoch shóisialta-mhothúchánach agus fhisiciúil leanaí. Baineann an obair is déanaí atá ar siúl aici le cáilíocht cheannaireachta oideolaíche i suíomhanna. D’fhoilsigh Routledge MOVERS (2024), SSTEW (2024), ECQRS-EC (2025) agus na scálaí PLEY is déanaí (Meán Fómhair 2025).
An Dr. Geraldine French
Ollamh Comhlach, Ceann Scoile Teanga, Litearthachta agus Oideachas na Luath-Óige, Cathaoirleach Cláir an Mháistir Oideachais in Oideachas Luath-Óige agus Comhalta Sinsearach le Advance HE (SFHEA) san Institiúid Oideachais, Ollscoil Chathair Bhaile Átha Cliath í Geraldine French. I gcomhthéacs oideachas agus chúram na luath-óige, d’fhoilsigh Geraldine ábhair ar chleachtas gairmiúil ardchaighdeáin, a thacaíonn le teanga, litearthacht agus uimhearthacht agus a chothaíonn foghlaim agus forbairt naíonán. I measc an taighde is déanaí a rinne sí, bhí an t-athbhreithniú litríochta a stiúradh chun Aistear a nuashonrú agus an straitéis leasaithe litríochta, uimhearthachta agus litearthachta digití a fhorbairt (ó pheirspictíocht luath-óige).
Shirley Heaney
Ollamh Cúnta í Shirley Heaney le Cúram agus Oideachas na Luath-Óige sa Roinn Oideolaíochta Machnamhaí agus Staidéir Luath-Óige ag Coláiste Mhuire gan Smál, Luimneach (MIC), áit a ndéanann sí léachtóireacht i réimse fairsing ábhar, cleachtas, curaclam agus oideolaíocht agus forbairt ghairmiúil ina measc. D’oibrigh Shirley roimhe seo leis an gCeannaireacht Ionchuimsithe sa Chlár Luathbhlianta (LINC) ó cuireadh tús leis in 2016 i róil éagsúla, forbairt clár, soláthar, athbhreithniú agus measúnú cáilíochta ina measc, agus ba Chomhordaitheoir Náisiúnta é ar Chlár LINC ó 2021 go 2024. Tacaíonn sí go láidir le cearta leanaí, teaghlach agus oideachasóirí chun teacht ar thimpeallachtaí ionchuimsitheacha luathbhlianta agus páirt a ghlacadh iontu. Tá taithí fhairsing aici ar limistéar an chleachtais ionchuimsithigh sa luath-óige agus d’fhoilsigh sí ábhair sa limistéar seo. I measc ábhair thaighde Shirley, tá cleachtas ionchuimsitheach, folláine linbh, dearadh uilíoch agus forbairt ghairmiúil.
Grainne McKenna
Ollamh Cúnta Oideachas agus Chúram na Luath-Óige í Gráinne McKenna ag Institiúid Oideachais Ollscoil Chathair Bhaile Átha Cliath (DCU). Díríonn sí sa taighde atá ar siúl aici faoi láthair ar chothroime agus ar cheartas sóisialta san oideachas, go háirithe ar thionchar an chaidrimh cothaithe agus an chaidrimh idir múinteoirí agus leanaí ar rochtain oideachais, ar rannpháirtíocht agus ar eispéiris foghlama leanaí. Bhí Gráinne ina Comh-Phríomhimscrúdaitheoir ar an athbhreithniú litríochta chun Aistear, Creat Churaclam Luath-Óige na hÉireann (an CNCM, 2022), a nuashonrú agus a fheabhsú.
An Dr Sharon Skehill
Tá an Dr Sharon Skehill ag obair leis an CNCM le 3 bliana anuas mar Oifigeach Oideachais a rinne Aistear a nuashonrú. Oideachasóir agus Taighdeoir Luathbhlianta í freisin ag a seirbhís cúraim lae iomláin taobh amuigh i nGaillimh. Tá sí ag obair le naíonáin, lapadáin agus leanaí óga le breis agus 20 bliain agus tacaíonn sí go paiseanta le hoideachas agus cúram na luath-óige.
Tá PhD san oideachas bainte amach aici ó Ollscoil Luimnigh / Choláiste Mhuire gan Smál agus tá staidéar á dhéanamh aici faoi láthair ar MSc i gCearta Leanaí in Ollscoil na Banríona, Béal Feirste. D’fhoilsigh Sharon ábhair ar go leor ábhar a bhaineann le luath-óige, ceannaireacht, curaclam, oideolaíocht dúlra, ionchuimsiú, agus cearta leanaí ina measc.
An Dr. Mary Daly
Tá Mary ag i limistéar chúram agus oideachas na luath-óige in Éirinn le 25 bliain anuas. Chríochnaigh Mary Baitsiléir Ealaíon sa Staidéar Luath-Óige in 1999 ó Choláiste na hOllscoile, Corcaigh chomh maith le PhD in 2002. D’oibrigh sí i roinnt cáileanna éagsúla sular thosaigh sí ag obair leis an CNCM in 2006. Bhí baint aici ina ról mar Oifigeach Oideachais le roinnt tionscadail éagsúla, Aistear, Creat an Churaclaim Luath-Óige (2009), Sraith Straitéisí Aistear, Treoir Chleachtais Aistear Síolta, agus teimpléid Tuairiscithe Mo Scéal a fhorbairt ina measc a thacaíonn le haistriú leanaí ón réamhscoil go dtí an bhunscoil. Bhí Mary mar chuid den fhoireann luath-óige a d’oibrigh ar Aistear nuashonraithe (GoI, 2024).
Is í Mary Leas-Uachtarán OMEP Ireland faoi láthair, atá tiomnaithe d’fholláine gach linbh a chur chun cinn ó bhreith go hocht mbliana d’aois agus do thacú leis an gceart atá acu i leith oideachas agus chúram na luath-óige ardchaighdeáin.
Máire Uí Mhurchú
Ba Phríomhstiúrthóir (úinéir/príomhoide) Naíonra Neasáin, Baile Hearmann, í Máire Uí Mhurchú ar feadh 28 bliain, áit a ndearna sí maoirseacht ar sheirbhís réamhscoile lántumtha 44 áit chúram agus oideachas na luath-óige (ECCE) i rith dhá sheisiún laethúla. D’oibrigh sí mar leaschathaoirleach Na Naíonraí Gaelacha agus ar bhord Fhorbairt Naíonraí Teoranta, agus chuir sí le seimineáir, comhdhálacha, ceardlanna oiliúna múinteoirí, agus le foilseacháin. Chuir Máire ceardlanna ar siúl freisin don CNCM as Gaeilge.
Tá léachtóireacht ar siúl aici ó 2017 sa mhodúl ‘Luath-Oideachas trí Ghaeilge’, sa chéim Oideachais Luath-Óige, ag Institiúid Oideachais Marino agus bhí sí mar bhall de ghrúpa oibre an CNCM don leagan nuashonraithe de Aistear (i mBéarla agus i nGaeilge araon). Cuir sí i láthair agus scríobh sí an script do 23 físeán oideachais do TG4 Foghlaim, a bhí spreagtha ag an gclár faisnéise Naíonra.
Is múinteoir cáilithe damhsa í Máire agus rinne sí damhsa go hidirnáisiúnta agus tá ceardlanna curtha ar siúl le déanaí aici sa damhsa agus san amhránaíocht as Gaeilge, sa Fhrainc.
Oibríonn sí faoi láthair ar bhord Oireachtas na Gaeilge.