Fógraíonn an tAire Foley maoiniú dar luach €600,000 le clóis súgartha agus láithreáin súgartha ar fud na tíre a fhorbairt agus a athchóiriú
- Foilsithe: 22 Aibreán 2026
- An t-eolas is déanaí: 22 Aibreán 2026
Tá an tAire Leanaí, Míchumais agus Comhionannais, Norma Foley, tar éis faighteoirí na Scéime Deontais Caipitil don Súgradh agus Áineas i mbliana a fhógairt inniu, agus €600,000 san iomlán arna dhámhachtain ar 30 Údarás Áitiúil ar fud na tíre.
Tacaíonn an Scéim Deontais Caipitil don Súgradh agus Áineas le hobair na nÚdarás Áitiúil chun rochtain ar shaoráidí súgartha agus áineasa den scoth a fheabhsú laistigh dá bpobail. Féadann sé sin tarlú trí athchóiriú agus uasghrádú ar na saoráidí atá ann faoi láthair, nó trí chinn nua a fhorbairt. Cuireann an scéim luach suas le €22,000 ar fáil in aghaidh an tionscadail, infheistíocht a mbeidh tionchar dearfach aici do leanaí agus teaghlaigh ar fud na tíre.
In go leor de na tionscadail arna maoiniú faoi scéim na bliana seo leagtar béim ar leith ar chuimsiú agus rochtain, agus cabhróidh siad le leanaí, ag a bhfuil réimse éagsúil éileamh, tairbhe a bhaint as saoráidí den scoth i dteannta a bpiaraí. Áirítear le roinnt de na tionscadail chistithe sin suiteáil na nithe seo a leanas:
- Crandaithe bogadaí atá inrochtana do dhaoine i gcathaoireacha rotha
- Trealamh céadfach ionchuimsitheach don chlós súgartha agus spás súgartha ionchuimsitheach
- Gnéithe uasghrádaithe inrochtaineachta agus plandú bithéagsúlachta
- Trealamh Súgartha Rochtana Cothroime
- Spásanna do Dhéagóirí
Agus dámhachtain an mhaoinithe á fógairt, dúirt an tAire Foley:
"Is cúis áthais dom Deontais Chaipitil don Súgradh agus Áineas a fhógairt i mbliana, rud a chuirfidh tacaíocht ríthábhachtach ar fáil do phobail chun spásanna bríomhara ionchuimsitheacha inrochtana a fhorbairt do leanaí agus do dhaoine óga. Is léiriú iad na hinfheistíochtaí seo ar ár dtiomantas láidir chun a chinntiú go mbíonn an deis ag gach leanbh súgradh, fiosrú, agus forás a dhéanamh i dtimpeallachtaí sábháilte spreagúla
Táimid ag súil le bheith ag obair go dlúth le gach údarás áitiúil chun na tionscadail sin a sholáthar d'fhonn folláine a fheabhsú, stíleanna maireachtála gníomhacha a chur chun cinn, agus naisc phobail a neartú ar fud na tíre.”
Nótaí don Eagarthóir:
Tugadh isteach an Scéim Maoinithe Caipitil don Súgradh agus Áineas in 2013 chun tacú le saoráidí súgartha agus áineasa nua, agus cinn atá ann faoi láthair, do leanaí agus do dhaoine óga.
Tá sé d’aidhm ag scéim 2026 tacú leo seo a leanas:
- Athchóiriú ar shaoráidí reatha don súgradh agus don áineas
- Gnéithe nádúrtha súgartha a áireamh leo
- Saoráidí nua súgartha agus áineasa a fhorbairt.
Bhí an próiseas iarratais ar oscailt do gach Údarás Áitiúil, a d’fhéadfadh tionscadal amháin in aghaidh an údaráis a ainmniú le maoiniú a fháil. Cuireadh uasteorainn i bhfeidhm dar luach €22,000 in aghaidh an tionscadail. Braithfidh deonú an mhaoinithe sin ar chómhaoiniú ón Údarás Áitiúil dar luach 25% ar a laghad den mhéid arna chur ar fáil ag an Roinn Leanaí, Míchumais agus Comhionannais i leith an tionscadail.
Rinne an Roinn iarratais incháilithe a mheas trí mheán córas scórála ualaithe; rinneadh measúnú agus scóráil ar gach ceann de na 5 critéar cáilithe ar leith, agus rinneadh comhiomlánú ar na scóir chritéir chun an scór tionscadail a ríomh.
Áiríodh leis na critéir sin breisluach an tionscadail do dhaoine óga, an inrochtaineacht agus ionchuimsitheacht a bhaineann leis, cineál an chomhairliúcháin le leanaí áitiúla agus daoine óga, an fhianaise a cuireadh ar fáil ar an gcumas chun an tionscadal a chur i gcrích, agus ar chomhthacaíocht an éilimh a cuireadh ar fáil chun tacú le hiarratas.
Seo a leanas liosta de na tionscadail rathúla, agus an maoiniú le dámhachtain:
| Údarás Áitiúil |
Tionscadal: Teideal/Cur Síos |
Méid Maoiniúcháin |
|---|---|---|
| Ceatharlach |
Limistéar cluichí ilúsáide a shuiteáil i bPáirc na Tulaí (1 Sráid an Mhuilinn, Teampall Eoin, An Tulach, Co. Cheatharlach) |
€20,516 |
| An Cabhán |
Uasghrádú ar Chlós Súgartha Ármhach (Gort a’ Locha, Ármhach, Co. an Chabháin) |
€18,970 |
| An Clár |
Athchóiriú ar Chlós Súgartha Pháirc Tim Smyth, Inis (Bóthar Leifir, Inis, Co. an Chláir) |
€18,685 |
| Cathair Chorcaí |
Uasghrádú ar Chlós Súgartha - Páirc Popham (3 Faiche Pháirc an Aonaigh, Fearann an Rí, Corcaigh) |
€18,578 |
| Contae Chorcaí |
Athchóiriú ar Chlós Súgartha Charraig Thuathail (50 An Phríomhshráid, Carraig Thuathail, Co. Chorcaí) |
€20,516 |
| Dún na nGall |
Athchóiriú ar Chlós Súgartha Chonmhaí (18 Ard-Mhuileann, Baile an Mhuilinn, Conmhaigh, Co. Dhún na nGall) |
€21,470 |
| Cathair Bhaile Átha Cliath |
Uasghrádú ar Chlós Súgartha Pháirc Choláiste Albert, Glas Naíon (Bóthar Bhaile Munna, Glas Naíon, Baile Átha Cliath 11) |
€20,000 |
| Fine Gall |
Timpeallán agus painéil súgartha ionchuimsitheacha a cheannach agus a shuiteáil do Chlós Súgartha Ongar (Ongar, Baile Átha Cliath 15) |
€20,755 |
| Comhairle Cathrach na Gaillimhe |
Feabhsú ar Chlós Súgartha i bhfoirm Carraig Shleamhnach – Seantalamh (Bóthar Mhic Dara, Seantalamh, Cathair na Gaillimhe) |
€19,800 |
| Comhairle Contae na Gaillimhe |
Tionscadal 2026 do Shaoráidí Nua Súgartha agus Áineasa - Clós Súgartha Rinn Mhíl Thiar (Rinn Mhíl Thiar, an tÓrán Mór, Co. na Gaillimhe) |
€21,709 |
| Ciarraí |
Uasghrádú ionchuimsitheach ar Chlós Súgartha Oileán Chiarraí, le trealamh súgartha cothrom na rochtana á shuiteáil. (Radharc an Chaisleáin, An Tóin Bhuí, Oileán Chiarraí, Co. Chiarraí) |
€21,470 |
| Cill Dara |
Clós Súgartha Moorefield Park, An Droichead Nua (Moorfield, An Droichead Nua, Co. Chill Dara) |
€22,000 |
| Cill Channaigh |
Feabhsúcháin ar Chlós Súgartha Ghráig na Manach (Radharc an Aonaigh, Gráig na Manach, Contae Chill Channaigh) |
€17,415 |
| Laois |
Feabhsúchán maidir le hinrochtaineacht, bithéagsúlacht agus súgradh nádúrtha ar Chlós Súgartha Pháirc an Phobail, Port Laoise (Bóthar Thigh Mochua, Port Laoise, Contae Laoise) |
€21,470 |
| Liatroim |
Uasghrádú ionchuimsitheach inrochtana do Chlós Súgartha Dhreastarnáin, Droim Seanbhó (Dreastarnán, Droim Seanbhó, Contae Liatroma) |
€22,000 |
| Luimneach |
Páirc an Chanónaigh Uí Bhraoin, Spás Súgartha Gheata Thuamhumhan (Páirc an Chanónaigh Uí Bhraoin, Cathair Luimnigh) |
€20,755 |
| An Longfort |
An Fhaiche - Clós Súgartha Mheathas Troim (Tigh na nDéar, Meathas Troim, Co. an Longfoirt) |
€21,470 |
| Lú |
Athchóiriú ar Chlós Súgartha Thigh an Iúir (Tigh an Iúir, Co. Lú) |
€15,955 |
| Maigh Eo |
Athchóiriú ar Chlós Súgartha ag Muraisc (Diméin Mhuraisce, Co. Mhaigh Eo) |
€17,892 |
| An Mhí |
Trealamh nua súgartha a shuiteáil ag Clós Súgartha Pháirc na hAbhann Duibhe, An Uaimh (Bóthar Ráth Arlain, Fearann na Mainistreach, An Uaimh, Co. na Mí) |
€20,278 |
| Muineachán |
Áis do Dhéagóirí i Scairbh na gCaorach (Scairbh na gCaorach, Co. Mhuineacháin) |
€22,000 |
| Uíbh Fhailí |
Síneadh agus athchóiriú ar chlós súgartha leanaí ag Sráid an Gharráin, Críonchoill (Críonchoill, Biorra, Co. Uíbh Fhailí) |
€19,562 |
| Ros Comáin |
Oibreacha uasghrádaithe, Clós súgartha Phort Reanna, Cnoc an Chrochaire (Port Reanna, Co. Ros Comáin) |
€19,562 |
| Sligeach |
Clós Súgartha Mitchell Curley - trealamh ionchuimsitheach céadfach do chlós súgartha, Baile Shligigh (Baile Uí Dhúgáin, Co. Shligigh) |
€20,993 |
| Baile Átha Cliath Theas |
Athchóiriú agus síneadh le Spás Súgartha Bhaile Uaitéir, Baile Phámar (Ascaill Bhaile Uaitéir, Baile Phámar Íochtarach, Baile Átha Cliath 20) |
€20,278 |
| Tiobraid Árann |
Clós Súgartha Dhrom Inbhir – Oibreacha Feabhsúcháin (Drom Inbhir, Co. Thiobraid Árann) |
€19,562 |
| Phort Láirge |
Athsholáthar ar aonaid ilsúgartha – Clós Súgartha Pháirc Walton, Dún Garbháin (Páirc Walton, Dún Garbháin, Co. Phort Láirge) |
€19,562 |
| Contae na hIarmhí |
Oibreacha uasghrádaithe ar Chlós Súgartha an Rothail - Páirc Bhaile an Mhuilinn Chearr Sráid an Phiarsaigh, An Muileann gCearr, Co. na hIarmhí |
€20,516 |
| Loch Garman |
Feabhsú ar Chlós Súgartha Fhiodh Ard (Fiodh Ard, Co. Loch Garman) |
€18,369 |
| Cill Mhantáin |
Spás súgartha nádúrtha & callastéinice do leanaí agus déagóirí na Muirí, Baile Chill Mhantáin (An Mhuiríoch, Cill Mhantáin, Co. Chill Mhantáin) |
€17,892 |
| Iomlán | €600,000 |