Preasráitis

Fógraíonn an tAire Foley maoiniú do 49 tionscadal piarthacaíochta tuismitheoireachta

Ó: An Roinn Leanaí, Míchumais agus Comhionannais
Foilsithe: 11 Márta 2026
An t-eolas is déanaí: 18 Márta 2026

Inniu, d'fhógair an tAire Leanaí, Míchumais, agus Comhionannais, Norma Foley, sonraí maidir le 49 tionscadal piarthacaíochta tuismitheoireachta.

Tarlaíonn piarthacaíocht tuismitheoireachta nuair a thacaíonn tuismitheoirí lena chéile trína gcuid eolais a chomhroinnt, gníomh a laghdaíonn an t-uaigneas agus a spreagann tuismitheoirí chun aghaidh a thabhairt ar dhúshláin agus chun folláine a bhaint amach.

Áirítear leis seo piarthacaíocht do thuismitheoirí a bhfuil eispéiris chomhchosúla saoil acu, amhail páiste a thógáil a bhfuil riachtanais chasta aige nó aici nó a bhfuil fadhb mheabhairshláinte aige nó aici.

Tugann taighde le fios go mbíonn tuismitheoirí níos compordaí ag lorg tacaíochta óna gcuid piaraí agus go gcuireann tionscadail piarthacaíochta tuismitheoireachta scileanna sláintiúla tuismitheoireachta, cumhachtú tuismitheoirí agus muintearas chun cinn.

I mbliana, tháinig méadú ar luach iomlán Ag Tacú le Tuismitheoirí, an Ciste Piarthacaíochta do Thuismitheoirí 2026, ó €100,000 go €152,500. Tá méadú tagtha ar líon iomlán na seirbhísí ar ar bronnadh maoiniú ó 42 seirbhís go 49 seirbhís.

Tá deontais suas le €5,000 á gcur ar fáil d’eagraíochtaí a oibríonn le tuismitheoirí agus/nó le cúramóirí chun tacú leo tionscnaimh piarthacaíochta tuismitheoireachta a fhorbairt.

Dúirt an tAire Foley:

“Tá lúcháir orm sonraí na dtionscadal a bheidh ag fáil maoiniú ón gCiste Piarthacaíochta do Thuismitheoirí 2025/26 a fhógairt.
Is léir go mbaineann an-chuid buntáistí leis na cláir seo ina dtacaíonn tuismitheoirí lena chéile. Is é sin an fáth ar chuir mé leis an méid maoinithe atá ar fáil, le go bhféadfaimis tacú go díreach le seachadadh níos mó tionscadail piarthacaíochta ar fud na tíre.”

Bronnfar deontais de €5,000 ar dhá thionscadal déag chun tógáil ar thionscnamh tacaíochta tuismitheoireachta atá ag oibriú ar son tuismitheoirí cheana, agus bronnfar deontais de €2,500 ar 37 tionscadal le gur féidir iad a reáchtáil fós nó le gur féidir leo tionscnamh nua piarthacaíochta do thuismitheoirí a bhunú.

Bronntar an maoiniú seo faoi Ag Tacú le Tuismitheoirí, Samhail Náisiúnta do Sheirbhísí Tacaíochta Tuismitheoireachta, samhail a bhfuil sé mar aidhm léi muinín agus cumas gach tuismitheora agus cúramóra a chothú agus iad ag feidhmiú ina ról tuismitheoireachta féin, ag cinntiú go mbaintear amach na torthaí is fearr do pháistí agus dá dteaghlaigh.

Le ciste 2026, tacaítear le réimse leathan tionscnamh faoi stiúir piaraí, lena n-áirítear tacaíochtaí do thuismitheoirí ag a bhfuil páistí a bhfuil riachtanais bhreise acu, cláir do theaghlaigh a dtéann an foréigean teaghlaigh i bhfeidhm orthu, agus tuismitheoirí a bhfuil páistí LADTIA+ acu.

Faoi Leibhéal 1 den chiste, bronntar deontais de €2,500 ar iarratasóirí rathúla a oibríonn tionscadal piarthacaíochta tuismitheoireachta faoi láthair, nó ar mian leo tionscadal piarthacaíochta tuismitheoireachta nua a bhunú.

Faoi Leibhéal 2 den chiste, bronntar deontais de €5,000 ar iarratasóirí rathúla ar mian leo tionscadal piarthacaíochta tuismitheoireachta atá ann cheana a fhorbairt a bhfuil tionchar dearfach cruthaithe aige ar thuismitheoirí.

Cuirfear faisnéis ar fáil maidir le tionscnaimh mhaoinithe a bheidh ann amach anseo faoin tSamhail Náisiúnta do Sheirbhísí Tacaíochta Tuismitheoireachta ar shuíomh gréasáin na Roinne agus ar chainéil meán sóisialta níos déanaí i mbliana.

Iarratasóirí rathúla

Ainm na Seirbhíse	Seoladh na Seirbhíse	Maoiniú a Bronnadh
Ionad Acmhainní Teaghlaigh na Sionainne	Radharc Rinn Eanaigh, Co. an Chláir, V14 XV97	€5,000
FASD Éireann	51 Sráid Uí Chonaill, Inis, Co. an Chláir, V95 YY19	€2,500
Cumann na mBodhar, Corcaigh	5 Sráid Mhic Curtáin, Cathair Chorcaí, Co. Chorcaí, T23 KD39	€2,500
Ionad Acmhainní Teaghlaigh Mhaigh Chromtha	Coill na nGoirtíní, Baile Mheasaigh, Maigh Chromtha, Co. Chorcaí, P12 Y932	€2,500
The Together Collective	Sráid Sackville, Dún Mánmhaí, Co. Chorcaí, P47 V500	€2,500
Ionad Crann	Bóthar Chlais an Ghainimh, Na hUamhanna, Co. Chorcaí, P31 PX39	€2,500
Spraoi agus Spórt CTR	Aonad 7 SuperValu, Carn Domhnach, Co. Dhún na nGall, F93 AY6D	€2,500
Ionad Acmhainní Teaghlaigh Fatima, Seirbhís Tacaíochta agus Teiripe Teaghlaigh Fatima	Ionad F2, 3 Plaza Reuben, Baile Átha Cliath 8, D08 DKP6	€5,000
Saoirse, Seirbhísí Foréigin Teaghlaigh	Aonad 23, Bloc 3, Faiche an tSráidbhaile, Tamhlacht, Baile Átha Cliath,	€5,000
Oifig Ealaíon Chomhairle Cathrach Bhaile Átha Cliath (Gaeilge 365)	Oifigí na Cathrach, An Ché Adhmaid, Baile Átha Cliath 8, D08RF3F	€5,000
Páistí san Ospidéal, Éire	Svuít 113, 4-5 Bóthar Halla an Bhurtúnaigh, Áth an Ghainimh, Baile Átha Cliath 18, D18 A094	€5,000
Belong To LGBTQ+, Éire	Teach na Parlaiminte, 13 Sráid na Parlaiminte, Baile Átha Cliath 2, D02 P658	€2,500
Tionscnamh Luathfhoghlama	Coláiste Náisiúnta na hÉireann, Sráid an Mhéara Íochtarach, Baile Átha Cliath 1, D01 K6W2	€2,500
Arfid Advocacy, Éire	6 Bóthar Fhearna, Áth an Ghainimh, Baile Átha Cliath 18, D18 FP98	€2,500
Aoibheann’s Pink Tie	Aonad 13, Tairseach C, Céide Pháirc Chnocán na Rós, Páirc Ghnó Pháirc Chnocán na Rós, Baile Átha Cliath 11, D11 FTP4	€2,500
Muscular Dystrophy Ireland	75 Bóthar Leamhcáin, Séipéal Iosóid, Baile Átha Cliath 20, D20 DR77	€2,500
Teach Naomh Mícheál, Foireann Líonra Míchumais Leanaí Cois Cósta	Teach Naomh Mícheál, Sráid an Choláiste, Baile Dúill, Baile Átha Cliath 13, D13 W827	€2,500
Tionscadal na Saoirsí	90 Sráid na Mí, Baile Átha Cliath 8, D08 TPH9	€2,500
Foireann Líonra Míchumais Leanaí na Gaillimhe Thoir, Ros Comáin Theas, FSS an Iarthair/an Iarthuaiscirt	Campas Bhreandáin, Bóthar an Locha, Baile Locha Riach, Co. na Gaillimhe, H62 Y437	€5,000
Seirbhísí Sóisialta Bhéal Átha na Sluaighe	Ionad Acmhainní Teaghlaigh agus Pobail Bhéal Átha na Sluaighe, Breacarnach, Béal Átha na Sluaighe, Co. na Gaillimhe, H53 KC98	€2,500
COPE, Gaillimh	Teach Calbro, Bóthar Thuama, Cathair na Gaillimhe, Co. na Gaillimhe, H91 XR97	€2,500
Ionad Acmhainní Teaghlaigh an Ghoirt	Sráid na hEaglaise, Ballyhugh, An Gort, Co. na Gaillimhe, H91 A7XV	€2,500
Scoil Speisialta Ghleanntán na Rós	Ionad Woodlands, Bóthar Bhaile Átha Cliath, An Rinn Mhór, Gaillimh, H91 PC96	€2,500
Scoil Ealaíon Theach West End	An tSráid Nua, Cill Airne, Co. Chiarraí, V93 HH64	€2,500
Coiste Contae Chill Dara um Chúram Leanaí	Aonad 21, Ionad Fiontraíochta Thompson, Páirc Ghnó Chlaonta, Claonadh, Co. Chill Dara, W91 E6NY	€2,500
Ionad Acmhainní Teaghlaigh Chnoc Theas	267/268 Páirc Dhonnchaidh Uí Mháille, Cnoc Theas, Co. Luimnigh, V94 X998	€5,000
Dóchas, Tacaíocht Uathachais an Iarthair Láir	14 Sráid Parnell, Co. Luimnigh, V94 D378	€5,000
Siondróm Down Luimnigh	Aonad 2, Ionad Gnó Pháirc Chaladh an Treoigh, Caladh an Treoigh, Co. Luimnigh, V94 D998	€2,500
Ionad Acmhainní Teaghlaigh Chromadh	Muileann Chromadh, Bóthar na hEaglaise, Cromadh, Co. Luimnigh, V35 E306	€2,500
Ionad Acmhainní Teaghlaigh an Ospidéil CTR	Bóthar Chnoc Áine, Co. Luimnigh, V35 RP26	€2,500
Ionad Acmhainní Teaghlaigh Thuaisceart na Cathrach	Bóthar Chluain Canáin, Baile na Neanta, Co. Luimnigh, V94 APX8	€2,500
Ionad Síciteiripe Phoenix Creative	Teach Tait, Ascaill Uí Choileáin, Bóthar Bhaile an Róistigh, Co. Luimnigh, V94 NXT8	€2,500
Ionad Tearmainn do Mhná agus do Leanaí, Droichead Átha	Lána an tSagairt, Droichead Átha, Co. Lú, A92 N90P	€5,000
Ionad Tacaíochta Teaghlaigh agus Pobail Iorrais	f/ch Ionad Chumann Cathaoireacha Rothaí na hÉireann, Logmore, Béal an Mhuirthead, Co. Mhaigh Eo, F26 NY73	€2,500
Ionad Acmhainní Teaghlaigh TACÚ CTR, Baile an Róba, A Space of Our Own Club	Teach an Chomhair Creidmheasa, An Phríomhshráid, Baile an Róba, Co. Mhaigh Eo, F31 KT57	€2,500
Tearmann do Mhná agus Seirbhísí Tacaíochta, An Mhí	39 Cnoc na mBláth, An Uaimh, Co. na Mí, C15 HF72	€2,500
Ionad Acmhainní Teaghlaigh Bhaile Átha Troim	22 Céide Bhaile Uí Mhornáin, Baile Átha Troim, Co. na Mí, C15 R853	€2,500
Coiste Bhaile Átha Troim atá Oiriúntach don Uathachas	Ballardin, Dún Doire, Baile Átha Troim, Co. na Mí, C15 YFH9	€2,500
Ionad Acmhainní Teaghlaigh Ros Comáin Theas	17 Radharc an Chaisleáin, Sráid an Chaisleáin, Co. Ros Comáin, F42 N971	€2,500
Lifestart Supporting Parents	Lifestart Supporting Parents, Liatroim, Sligeach agus Iarthar an Chabháin, Bóthar an Phiarsaigh, Co. Shligigh, F91 K5TF	€2,500
Piarghrúpa Tacaíochta an Phoirt Nua do Thuismitheoirí a bhfuil riachtanais bhreise oideachais ag a gcuid páistí	f/ch Coláiste an Phoirt Nua, An Bóthar Dubh, An Port Nua, Co. Thiobraid Árann, V94 A3W4	€2,500
Seirbhís Tacaíochta Teaghlaigh Responds	Cnocán an Aeir, Plás Dhoiminic, Co. Phort Láirge, X91 A397	€5,000
Tacaíocht Uathachais Dhún Garbháin	Coill Bhaile Choilltigh, Ráth Ó gCormaic, Carraig na Siúire, Co. Phort Láirge, E32 XR88	€5,000
Chronic Health Advocate CTR	Cill Chonáin, Dún Aill, Co. Phort Láirge, X91F2Y9	€5,000
Ionad Teaghlaigh agus Pobail Naomh Bríd	37 An Bóthar Buí Íochtarach, Co. Phort Láirge, X91 C7WT	€2,500
PETE, Port Láirge	PETE, Port Láirge – Focus Éireann, An Chéad Urlár, Uimh. 7 An Meal, Co. Phort Láirge, X91 FY7K	€2,500
The Behaviour Clinic	Aonad R6, Bóthar Chluain Ard, Ionad Pobail Chluain Ard, Co. Loch Garman, Y35 WR02	€2,500
Finding Motherhood	An Ghreanach Mhór, An Chrois, Baile Coimín, Co. Chill Mhantáin, W91 TX33	€2,500
Tacaíocht Ailse Teach Corcra	Teach Corcra, 2 Ardán Duncairn, Bóthar Bhaile Uí Chuinn, Bré, Cill Mhantáin, A98 W6Y8	€2,500

Notes to Editor

Forbraíodh Ag Tacú le Tuismitheoirí: Samhail Náisiúnta do Sheirbhísí Tacaíochta Tuismitheoireachta i gcomhréir le gealltanas a tugadh in Na Chéad 5: Straitéis Uile-Rialtais do Naíonáin, Leanaí Óga agus a dTeaghlaigh 2019-2028. Ba mheitheal chomhoibríoch faoi stiúir na Roinne Leanaí, Míchumais agus Comhionannais (DCDE) a d’fhorbair an tsamhail, i gcomhar le réimse leathan páirtithe leasmhara ar fud ranna éagsúla rialtais, gníomhaireachtaí éagsúla agus eagraíochtaí éagsúla pobail agus deonacha.

Leis an gCiste Piarthacaíochta do Thuismitheoirí, tógtar ar ghealltanais a leagtar amach in Ag Tacú le Tuismitheoirí, trí mhaoiniú a chur ar fáil d’fheabhsú agus do chur chun cinn tacaíochtaí do thuismitheoirí. Bunaíodh an ciste seo in 2023 agus is féidir le heagraíochtaí pobail, deonacha agus reachtúla a oibríonn tionscnaimh piarthacaíochta tuismitheoireachta cur isteach air.

Bhíothas in ann cur isteach ar an gCiste Piarthacaíochta do Thuismitheoirí 2026 idir an 30 Meán Fómhair agus an 31 Deireadh Fómhair 2025, agus dáileadh maoiniú iomlán de €152,500 ar fud 49 eagraíocht.

Is féidir ceisteanna a chur chuig parentingsupport@dcde.gov.ie

Fógraíonn an tAire Foley maoiniú do 49 tionscadal piarthacaíochta tuismitheoireachta

Conas mar a bhí d’eispéireas ar an leathanach reatha? * (ag teastáil)

Conas mar a bhí d’eispéireas ar an leathanach reatha? (ag teastáil)