RGCS (GDPR) Fógraí Príobháideachta

Tá Fógraí Príobháideachta na Roinne ar an leathanach seo. Déanfar é a uasdhátú ó am go ham. Má tá aon cheist agat maidir leis an nóta príobháideachta, cuir ríomhphost le do thoil chuig dpo@education.gov.ie

Féach le do thoil achoimre ardleibhéil ar an bhFógra Príobháideachta do roinnt de na príomhghníomhaíochtaí próiseála a tharlaíonn laistigh den Roinn:

Féach thíos chun na Fógraí Príobháideachta a rochtain a bhaineann le sainghníomhaíochtaí próiseála na Roinne lena mbaineann sonraí pearsanta na ndaoine sonraí seo a leanas a rochtain, déanfar é seo a uasdhátú ó am go ham.

I ndiaidh an fhógra ón Aire Oideachais agus Scileanna ar an 17 Feabhra 2021, beidh sé de rogha ag gach iarrthóir Ardteistiméireachta in 2021 scrúduithe na hArdteistiméireachta a dhéanamh, (na scrúduithe scríofa agus na comhpháirteanna breise i ngach ábhar de réir mar is cuí san áireamh) agus/nó glacadh leis an rogha iarratas a dhéanamh ar Ghráid Chreidiúnaithe.

Tá leasuithe reachtacha (ar an Acht Oideachais, 1998) á dtabhairt chun cinn ag an Aire Oideachais lena gceadófar do Choimisiún na Scrúduithe Stáit (CSS) Scéim na nGrád Creidiúnaithe don Ardteistiméireacht 2021 a riar. Beidh an phleanáil agus na céimeanna tosaigh maidir le feidhmiú chóras na nGrád Creidiúnaithe á mbainistiú ag an Roinn Oideachais.

Féach Fógra Príobháideachais thíos:

D’fhógair an tAire Oideachais agus Scileanna ar an 08 Bealtaine 2020 go bhfuil Ardteistiméireacht 2020 curtha ar athlá agus go mbunófaí an tsamhail Grád Ríofa ionas gur féidir le scoláirí na hArdteistiméireachta a dteastas Stáit a fháil le haghaidh a ngnóthachtála foghlama agus dul chun cinn a dhéanamh chuig oideachas tríú leibhéal nó chuig an saol oibre san Fhómhar in 2020. Tá roinnt sonraí pearsanta scoláirí de dhíth ar an Roinn Oideachais agus Scileanna le gráid ríofa a chur ar fáil. Cuirfear roinnt sonraí pearsanta a chuireann na scoláirí ar fáil ar aghaidh go dtí a scoil ionas gur féidir tús a chur leis an bpróiseas.

Féach Fógra Príobháideachais anseo.

Mar atá leagtha amach san fhógra príobháideachais, sa reachtaíocht um chosaint sonraí déantar foráil do shrianta a chur i bhfeidhm ar rochtain ar chineálacha áirithe sonraí pearsanta lena n-áirítear torthaí scrúduithe. Ní bheidh iarratais ar rochtain a dhéanamh ar marc céatadáin measta agus ordú rangaithe na scoile gníomhach go dtí an dáta a eisítear na torthaí. Tar éis don Roinn na torthaí a eisiúint, beidh tú in ann rochtain a dhéanamh ar an eolas seo.

D’fhógair an t-iar-Aire Oideachais agus Scileanna socruithe athbhreithnithe don tSraith Shóisearach sa bhliain acadúil 2019/20 ar an 29 Aibreán 2020. Is féidir tuilleadh eolais faoin bhfógra sin a fháil anseo.

Faoi na socruithe athbhreithnithe agus i bhfianaise na gcúinsí eisceachtúla a eascraíonn ó phaindéim COVID-19 faoi láthair, iarradh ar scoileanna, a luaithe ab fhéidir tar éis dheireadh na scoilbhliana 2019/20, tuarascáil scoile scríofa a sholáthar do scoláirí ar ghnóthachtálacha foghlama i ngach ábhar, gearrchúrsa agus/nó aonad foghlama tosaíochta.

Tabharfar aitheantas d’obair agus do ghnóthachtáil scoláirí ina dtríú bliain den tSraith Shóisearach sa bhliain acadúil 2019/20 le teastas críochnaithe stáit ón Roinn Oideachais. Tá obair idir lámha i bhforbairt an teastais seo agus eiseofar tuilleadh eolais chuig gach scoil nuair a bheidh sé críochnaithe.

Féach Nóta Príobháideachta anseo.

Cosaint Sonraí