Cur I bhfeidhm marcanna bónais do gach comhpháirt de scrúduithe Stáit trí mheán na Gaeilge a scrúdófar san Ardteistiméireacht sa bhliain 2027 agus i mblianta ina dhiaidh sin

Is é cuspóir an chiorcláin seo údaráis bainistíochta iar-bhunscoileanna a chur ar an eolas go bhfuil cur i bhfeidhm marcanna bónais Gaeilge á leathnú chun go n-áireofar leis gach comhpháirt de scrúduithe Stáit, lena n-áirítear comhpháirteanna measúnaithe breise agus obair chúrsa. Gabhann an ciorclán seo in ionad na bhforálacha de chur i bhfeidhm marcanna bónais a leagadh amach roimhe seo i Riail 29 de na Rialacha agus Clár do Mheánscoileanna 2004/2005.