Seirbhísí Comhroinnte Párolla Ardoideachais (SCPAO)

Is aonad gnó é Seirbhísí Gnó Comhroinnte Oideachais (SGCO) i Rannán Mór-Oibríochtaí na Roinne Oideachais. Bunaíodh an Lárionad SGCO chun roinnt d’oibríochtaí na Seirbhíse Comhroinnte atá le soláthar go díreach ag an Roinn faoina Plean Seirbhísí Comhroinnte a óstáil. Tá Seirbhísí Comhroinnte Párolla Ardoideachais (SCPAO) mar chuid den SCGO.

Cad is Seirbhís Chomhroinnte ann?

Baineann seirbhísí comhroinnte i gcoitinne le comhdhlúthú feidhmeanna riaracháin ar nós Párolla, AD, Airgeadas agus TF. Áirítear le spriocanna samhail seachadta seirbhísí comhroinnte cuidiú le héifeachtacht próisis a éascú, coigilteas costais a ghiniúint agus gníomhaíocht chúl-oifige a chomhdhlúthú chun deis a thabhairt d’eagraíochtaí acmhainní teoranta a dhíriú ar ghníomhaíochtaí a thacaíonn lena bpríomhspriocanna eagraíochtúla.

Cruthúnas ar Choincheap Seirbhísí Comhroinnte Párolla Ardoideachais (SCPAO)

I mí an Mheithimh 2019, d’fhaomhaigh Bord Cláir na Seirbhísí Comhroinnte Ardoideachais tuarascáil ar chás gnó do thionscadal SCPAO. Tugadh faomhadh don tuarascáil seo faoi réir tabhairt chun críche na céime Cruthúnas Coincheapa (CC) chun an réiteach molta a thástáil agus a bhailíochtú. Aontaíodh go roghnófaí trí institiúid ar a laghad (ollscoil amháin, Institiúid Teicneolaíochta amháin agus coláiste amháin) don Chruthúnas Coincheapa seo, ceann amháin mar ionadaí ar gach fo-earnáil den Earnáil Ardoideachais. Má oibríonn an réiteach atá beartaithe don Chruthúnas Coincheapa, déanfar an réiteach seo a rolladh amach chuig gach institiúid eile san earnáil.

Is iad na trí Institiúid Cruthúnas Coincheapa:

• Ollscoil Teicneolaíochta an Oirdheiscirt (SETU)
• Institiúid Oideachais Marino (MIE)
• Ollscoil Luimnigh (UL)
• Ollscoil Teicneolaíochta na Sionainne (TUS)*
• Ollscoil Teicneolaíochta an Atlantaigh (ATU)*
• *Le cuidiú ó HEPSS, chuir TUS agus ATU cónascadh a gcóras AD agus Párolla i gcrích mar chuid den aistriú.

Tá sé beartaithe go ndéanfaí dhá institiúid ardoideachais eile, Coláiste Mhuire Gan Smál (MIC) agus Institiúid Teicneolaíochta Dhún Dealgan (DKIT) a aistriú chuig seirbhísí comhroinnte párolla in 2025.

Tá SCPAO á fheidhmiú ag na Seirbhísí Gnó Comhroinnte Oideachais (SGCO) sa Roinn Oideachais agus Scileanna. Mar chuid den tseirbhís a thairgeann SCPAO beidh Foireann Deasc Chabhrach ann a chuideoidh le do Fhiosruithe Párolla Ábhartha.

Is féidir aon cheisteanna a bhaineann le do dhuillín pá a dhíriú chuig an fhoireann SCPAO ag HEPSS_Helpdesk@esbs.gov.ie .

Leantar le fiosruithe bainteach le AD (tuarastal, conarthaí, saoire) a láimhseáil ag leibhéal AD áitiúil.

Is iad uaireanta oscailte gnó d’fhiosruithe ríomhphoist ná Luan go hAoine idir 9am agus 5pm .

Tabhair aird: Baileofar ríomhphoist a fhaightear lasmuigh d’uaireanta oibre, ach ní dhéanfar aon rud fúthu go dtí an chéad lá oibre eile.

Beidh línte Gutháin SCPAO ar oscailt gach Déardaoin idir 9am agus 5pm más mian leat teagmháil a dhéanamh go díreach le ball den Fhoireann Deasc Chabhrach.

Is é an uimhir fóin Deasc Chabrach SCPAO ná 01-8896628