Athchumrú Scoileanna don Éagsúlacht

Ba chóir do scoileanna éagsúlacht shochaí na hÉireann a léiriú ina hiomláine, ionas gur féidir le scoláirí de gach reiligiún agus scoláirí nach bhfuil aon reiligiún acu rochtain a dhéanamh ar oideachas is cuma faoina gcóras creidimh.

D'fhoilsigh an tAire Oideachais creat agus plean gníomhaíochta chun gealltanas Chláir an Rialtais a bhaint amach maidir le rogha a mhéadú do thuismitheoirí trína chinntiú gur féidir le teaghlaigh rochtain a fháil ar oideachas il-sainchreidmheach/neamh-sainchreidmheach agus creideamh-bhunaithe.

Is scoil ilchreidmheach í scoil faoi phátrún neamhreiligiúnach, ina bhfoghlaimíonn leanaí faoi gach creideamh agus córas creidimh trí chlár il-sainchreidmheach. I measc na samplaí tá Pobalscoileanna Náisiúnta san earnáil BOO, scoileanna Foghlaim le Chéile agus scoileanna an Fhorais Pátrúnachta. Faoi láthair tá éiteas ilchreidmheach (nó idirchreidmheach) ag 172 dár scoileanna.

Sa suíomh gréasáin seo, cuirtear rochtain ar fáil ar raon leathan faisnéise maidir leis an bpróiseas um Athchumrú Scoileanna don Éagsúlacht, agus é mar chuspóir chun cuidiú le pobail scoileanna suirbhé a chomhlánú chun a fháil amach faoin éileamh ar athrú.