Comhoideachas

Cuireann tuairim is 90% de bhunscoileanna in Éirinn oideachas ar fáil do bhuachaillí agus do chailíní ar fud na ranganna ar fad ar a dtugtar comhoideachas. Is bunscoileanna aonghnéis iad an 10% atá fágtha agus cuireann siad oideachas ar fáil do bhuachaillí amháin nó do chailíní amháin i roinnt ranganna nó sna ranganna ar fad.

Sa tábla thíos, leagtar amach briseadh síos na mbunscoileanna de réir stádas comhoideachais agus aonghnéis.

San áireamh sa Suirbhé Bunscoile 2030 tá an cheist seo a leanas maidir le rogha le haghaidh comhoideachais:

Arbh fhearr leat go mbeadh do bhunscoil ina scoil chomhoideachais nó ina scoil aonghnéis?

Ní céim deiridh é an suirbhé. I gcás ina bhfuil tacaíocht shoiléir ó thuismitheoirí agus ó chaomhnóirí le breithniú a dhéanamh ar athrú ó scoil aonghnéis go scoil chomhoideachais, cuirfear tús le próiseas breise comhphlé cuimsitheach.

Tá pátrún ag gach scoil, a cheapann Bord Bainistíochta chun an scoil a bhainistiú thar a cheann. Faoin Acht Oideachais 1998, déanann an pátrún cinneadh ar éiteas na scoile agus is é an t-údarás cinnteoireachta é ar chinntí suntasacha ar nós athrú stádais go scoil chomhoideachais, faoi réir fhaomhadh na Roinne Oideachais.