Pátrúnacht/Éiteas

Na bunscoileanna aitheanta uile (beag beann ar an bpátrún):

• a leanann an curaclam náisiúnta
• a leanann rialacha agus rialacháin na Roinne Oideachais
• a bhfuil pátrún scoile acu.

Ceapann an pátrún scoile Bord Bainistíochta chun an scoil a bhainistiú thar a cheann. Faoin Acht Oideachais 1998, déanann an pátrún cinneadh freisin faoi éiteas na scoile.

Is scoil shainchreidmheach í scoil a bhfuil pátrún reiligiúnach aici – tá tromlach mór na mbunscoileanna faoi phátrúnacht Chaitliceach. Is scoil il-sainchreidmheach í scoil atá faoi phátrún neamhreiligiúnach, áit a bhfoghlaimíonn leanaí faoi na creidimh agus na córais chreidimh uile trí chlár il-sainchreidmheach. Samplaí ná Scoileanna Pobail Náisiúnta in earnáil an BOO, scoileanna Ag Foghlaim Le Chéile (Educate Together) agus scoileanna de chuid An Fhorais Phátrúnachta.

Sa Suirbhé Bunscoile, tá an cheist seo a leanas san áireamh maidir le rogha pátrúnachta/éitis:

Arbh fhearr leat go n-oibreodh do bhunscoil faoi phátrún sainchreidmheach (reiligiúnach) nó go n-oibreodh sí faoi phátrún il-sainchreidmheach (neamhreiligiúnach)?

Ní céim deiridh é an suirbhé. Áit a bhfuil tacaíocht shoiléir ó na tuismitheoirí agus na caomhnóirí le hathrú a dhéanamh ó phátrúin shainchreidmheacha (reiligiúnacha) go pátrúin il-sainchreidmheacha (neamhreiligiúnacha) a chur san áireamh, tosóidh próiseas eile maidir le plé cuimsitheach chun cuidiú le scoileanna ar a n-aistear um athrú.

Tá tuilleadh eolais faoi phátrúnacht, éiteas, athchumrú, scoileanna il-sainchreidmheacha, na príomhfhorais phátrúin il-sainchreidmheacha agus eolas úsáideach eile ar fáil anseo:

www.gov.ie/schoolsreconfiguration