Athbhreithniú ar Ráiteas Polasaí Folláine agus ar Chreat Chleachtais na Roinne Oideachais agus Óige

Agus an Ráiteas Polasaí Folláine agus Plean Cur Chun Feidhme an Chreata Chleachtais curtha i gcrích in 2025, tá tús curtha againn le hathbhreithniú ar an dul chun cinn a rinneadh agus táimid ag pleanáil anois dá chomharba.

Is é príomhsprioc an athbhreithnithe sin ná Polasaí Folláine nuashonraithe a fhorbairt don Roinn oideachais agus Óige agus Plean Cur Chun Feidhme nua a fhorbairt agus a chomhaontú don tréimhse 2026 – 2030. Ina theannta sin, is é an sprioc ná cuspóirí agus táscairí a neartú agus cur chuige seasmhach i leith tionchar a thomhas a fhorbairt.

Páirt a ghlacadh

Beidh do mheonta agus do thaithí thábhachtach mar chuid den athbhreithniú sin. Cliceáil ar an suirbhé, chun a fháil amach conas is féidir leat cur leis.

Tá trí chéim ar leith sa suirbhé:

• Céim 1: Athbhreithniú Inmheánach – bhailigh agus thiomsaigh Oifig Folláine na ROÓ aiseolas ó phríomhpháirtithe leasmhara inmheánacha na roinne chun fáil amach faoi 1) dhul chun cinn agus gaiscí go dtí seo, 2) faoi dhúshláin ar tugadh aghaidh orthu, 3) faoi phríomhcheachtanna a foghlaimíodh, 4) faoi mholtaí do na chéad chéimeanna eile. Tá sé seo curtha i gcrích.
  
  
• Céim 2: Athbhreithniú ar Litríocht - choimisiúnaigh Oifig Folláine na ROÓ an ITES chun tabhairt faoi Athbhreithniú ar Litríocht a bhaineann le cur chun cinn na folláine i scoileanna ar breathnaíodh go forleathan ar:
  
  • Láidreachtaí chóras na hÉireann
  • Réimsí gur féidir a fheabhsú i gcóras na hÉireann
  • Fianaise idirnáisiúnta ar dhea-chleachtas
  • Tomhas agus monatóireacht a dhéanamh ar fholláine
  • Conclúidí
  • Tá sé seo i gcrích anois agus d’fhoilsigh an ITES a dtorthaí ar an 20 Eanáir 2026. Féach preaseisiúint agus tuarascáil anseo
    
• Céim 3: Comhairliúchán na bPáirtithe Leasmhara – In 2026 cuirfidh Oifig Folláine na ROÓ an t-athbhreithniú i gcrích le comhairliúchán leathan na bpáirtithe leasmhara. Beidh torthaí na gcéimeanna 1 agus 2 mar bhonn eolais faoin gcomhairliúchán le páirtithe leasmhara i gCéim 3.