Treoir do Bhunscoileanna Gaeltachta: Naisc a threisiú idir bunscoileanna agus suíomhanna luathfhoghlama agus cúraim (LFC)

Aithníonn an Polasaí don Oideachas Gaeltachta ‘an ról atá ag scoileanna agus suíomhanna luathfhoghlama agus cúraim (naíonraí) chun oideachas ardchaighdeáin trí mheán na Gaeilge a sholáthar agus chun inniúlacht teanga agus úsáid na Gaeilge a chothú sa phobal Gaeltachta i gcoitinne’. I gcás na suíomhanna luathfhoghlama agus cúraim (LFC) sa Ghaeltacht, tá tábhacht ar leith ag baint le bunscileanna sa teanga, sa litearthacht agus san uimhearthacht a fhorbairt, agus leanaí á sóisialú sa Ghaeilge.