Treoir do Scoileanna maidir le Reáchtáil Scrúduithe na hArdteistiméireachta 2021

Is é aidhm an doiciméid seo treoir a chur ar fáil do scoileanna maidir leis na socruithe do scrúduithe na hArdteistiméireachta, 2021. Déanfar scrúduithe 2021 a reáchtáil trí líonra d’iar-bhunscoileanna agus ionaid eile atá aitheanta ag Coimisiún na Scrúduithe Stáit (CSS) leis na scrúduithe teistiméireachta a rith. San áireamh anseo tá suíomhanna breisoideachais; suíomhanna Ógtheagmhála; príosúin; ionaid choinneála d’ógánaigh agus coláistí príobháideacha chomh maith le scoileanna dara leibhéal aitheanta. Is é an lucht spéise don doiciméad seo ná údarás bainistíochta na scoileanna agus baill foirne iomchuí na scoileanna chomh maith le hionaid oideachais eile ina mbeidh scrúduithe na hArdteistiméireachta ar siúl i mbliana. Is é is brí leis an téarma scoil síos tríd an doiciméad seo ná scoileanna agus ionaid oideachais eile.