Cuireann an tAire Oideachais fáilte roimh an bhfógra ó Aontas Múinteoirí Éireann (TUI)

Cuireann an tAire Oideachais, Helen McEntee, TD, fáilte roimh an bhfógra ó Aontas Múinteoirí Éireann (TUI) gur vótáil a bhaill i bhfabhar glacadh leis an bpacáiste de bhearta tacaíochta breise a socraíodh trí idirbheartaíocht idir an tAontas agus an Roinn le cúpla seachtain anuas.

Foilsíodh an pacáiste de Bhearta Tacaíochta go luath i mí na Bealtaine tar éis dlúthrannpháirtíochta idir an Roinn agus an TUI, chomh maith leis an ASTI, tar éis cuireadh a bheith faighte ag an Aire chuig na hAontais go luath i mí Aibreáin.

Um thráthnóna, ghlac an tAire buíochas leis an TUI as ucht a rannpháirtíochta dearfaí i rith na hidirbheartaíochta sin agus as ucht a thiomantais le bealach roinnte chun tosaigh a aimsiú i dtreo athfhorbairt leanúnach na Sraithe Sinsearaí a chur i bhfeidhm a bheidh chun tairbhe na scoláirí uile.

Ós rud é go bhfuil an pacáiste de Bhearta Tacaíochta á mheas go fóill ag ballraíocht an ASTI agus nach ndúnfaidh a bhallóid go dtí níos déanaí an tseachtain seo chugainn, ní bheidh aon rud eile le rá ag an Aire ag an bpointe seo.

San áireamh sna Bearta Tacaíochta a fógraíodh go luath i mí na Bealtaine agus atá aontaithe anois ag baill an TUI, tá tacaíochtaí ar nós an méid seo a leanas:

• An scóip d’ábhar Deontais bliantúil Fisice agus Ceimice san Ardteistiméireacht a leathnú le go mbeidh Bitheolaíochta agus Eolaíocht Talmhaíochta san áireamh, agus leibhéal an deontais a mhéadú faoi dhó beagnach go €25 do gach scoláire in aghaidh gach ábhair cháilithe;
• Post Freagrachta tiomnaithe a bhunú i scoileanna ina ndéanfar Cláir Foghlama Leibhéal 1/Leibhéal 2 a thairiscint le héifeacht ón 1 Meán Fómhair 2026;
• Tograí a thabhairt chun tosaigh le rochtain uilíoch ar an Idirbhliain a bhaint amach;
• Athchumrú a dhéanamh, ar bhonn eatramhach, ar fheidhmiú ghné na scoile uile de shocruithe Uaireanta Pháirc an Chrócaigh (CPH) mar is infheidhme do mhúinteoirí;
• Na riachtanais ar thaobh na bainistíochta a dheimhniú chun an clásal um margáil áitiúil de Chomhaontú na hEarnála Poiblí a chomhlíonadh, agus ag an am céanna a thabhairt faoi deara go bhfuil na gnéithe sin faoi réir a bheith faofa ag an Roinn Caiteachais Phoiblí, Confirming the management side requirements to satisfy the local bargaining clause of the Public Sector Agreement, whilst noting that those elements are subject to approval by the Department of Public Expenditure, Seachadadh PFN agus Athchóirithe i gcomhréir le Comhaontú na Seirbhíse Poiblí;
• Ceart a fhorbairt le beartais a dhícheangal is infheidhme ar scoileanna.