Fógraíonn an tAire McEntee 37 eagraíocht a bhainfidh tairbhe as deontais oideachais ceoil
- Foilsithe: 1 Iúil 2025
- An t-eolas is déanaí: 1 Iúil 2025
Inniu (1 Iúil) d'fhógair an tAire Oideachais agus Óige, Helen McEntee TD, na 37 eagraíocht a gheobhaidh deontas tríd an Scéim Sparánachta um Oideachas Ceoil Neamh-Phríomhshrutha 2025.
Cuireann an Scéim Sparánachta Oideachais Ceoil Neamh-Phríomhshrutha deontas beag airgid ar fáil chun tacú le hoideachas ceoil agus tionscnaimh cheoil chun tacú le tallann ceoltóirí óga agus í a chothú. Soláthraíonn na heagraíochtaí, na grúpaí agus na daoine aonair atá i gceist rochtain neamh-phríomhshrutha ar feadh na bliana ar eispéiris éagsúla oideachais ceoil áitiúla do dhaoine óga agus do leanaí.
Dúirt an tAire McEntee:
"Tá sé an-tábhachtach gur féidir lenár ndaoine óga rochtain a fháil ar dheiseanna a ligeann dóibh iad féin a chur in iúl, a gcruthaitheacht agus a gcuid scileanna a chothú agus tacú lena bhfolláine agus lena gcumas cairde a dhéanamh. Sin é an fáth a bhfuil ríméad orm an sparánacht seo a thairiscint, ar sparánacht í a chabhróidh chun ár gceoltóirí óga cumasacha a chothú ag an leibhéal áitiúil agus a thacóidh le mórán tionscnamh iontach ceoil ar fud na tíre.
"Ba mhaith liom aitheantas a thabhairt do thiomantas na n-eagraíochtaí agus an iliomad oibrithe deonacha a thugann a gcuid ama agus a gcuid scileanna chun oibriú le ceoltóirí óga, rud a thugann deiseanna luachmhara dóibh a lánacmhainneacht a iniúchadh."
Nótaí don Eagarthóir
I measc cuid de na Faighteoirí tá:
Baile Átha Cliath 2 - Tionscadal Sreinge Shráid na mBráithre Bána: Íocaíocht Sparánachta €10,000
Is clár uirlisí sreinge é Tionscadal Sreinge Shráid na mBráithre Bána do leanaí idir 6-12 bhliain d'aois a oibríonn as Ionad Pobail na gCairmilíteach ar Shráid Aungier, Baile Átha Cliath 2.
Bunaíodh é in 2011 agus freastalaíonn sé anois ar 96 scoláire ar fud ranganna 1 go 6 i suíomh neamh-phríomhshrutha lasmuigh d'amanna scoile.
Cuireann an clár teagasc gairmiúil saor in aisce ar fáil do leanaí áitiúla atá ag freastal ar scoileanna áitiúla DEIS agus, ar an gcaoi sin, cothaíonn sé cuimsiú sóisialta agus imeascadh leanaí agus teaghlaigh áitiúla.
Feidhmíonn an tionscadal taobh amuigh de churaclam na scoile agus tá níos mó ná 200 leanbh tar éis freastal air ó cuireadh tús leis.
Gach bliain, bronntar scoláireacht ar thriúr scoláirí atá rannpháirteach ann chun páirt a ghlacadh i gClár na gCeolfhoireann Óige (www.yops-ireland.com) chun oiliúint uirlise a chur chun cinn tuilleadh.
Tá sé i gceist ag an tionscadal uirlisí a cheannach leis an sparánacht.
Liatroim - Comhaltas Dhroim ar Snámh: Íocaíocht Sparánachta €3,000
Bunaíodh CCÉ Dhroim ar Snámh in 1978, agus cuireadh tús leis an teagasc in 2010. Anois, glacann thart ar 200 scoláire páirt gach seachtain i rith na bliana.
Cuireadh tús leis na ranganna chun timpeallacht foghlama dhearfach, chuimsitheach a chruthú do leanaí agus do dhaoine óga ar spéis leo ceol agus amhránaíocht a fhoghlaim.
Chomh maith le ranganna seachtainiúla, tagann scoláirí le chéile chun ceol a sheinm le chéile ag imeachtaí a eagraíonn an chraobh ionas gur féidir leo taithí a fháil ar an áthas a bhaineann le "teanga" chomhroinnte an cheoil.
Tá súil ag na ceannairí uirlisí a cheannach leis an maoiniú sparánachta chun feabhas a chur ar a mbanc ionstraimí agus córas iasachta a chruthú d'uirlisí d'fhoghlaimeoirí a bhféadfadh sé nach bhfuil teacht acu ar uirlisí den sórt sin amhail píb uilleann agus na ranganna gaolmhara.
Cill Dara – Club Amhránaíochta agus Chomharthaíochta Bhaile Átha Í Íocaíocht Sparánachta €2,000
Is grúpa pobail é Club Amhránaíochta agus Chomharthaíochta Bhaile Átha Í, a bunaíodh in 2007, a mhúineann Teanga Chomharthaíochta na hÉireann i dtimpeallacht spraíúil agus chairdiúil trí cheol agus trí chruthaitheacht.
Cuireann an club ceardlanna uathúla aistriúcháin ceoil ar fáil i rith na bliana do dhaoine de gach aois idir 5 agus 75 bliain d'aois a bhfuil lagú éisteachta orthu, atá bodhar nó nach bhfuil an éisteacht go maith acu.
Díríonn a gclár ceoil ar cheol a dhéanamh inrochtana don phobal bodhar trí amhráin a aistriú go Teanga Chomharthaíochta na hÉireann (TCÉ).
Faoi láthair, reáchtálann an club ranganna Cairde Comharthaíochta Sóisearacha ó aois 6 go 10 mbliana, chomh maith le ranganna Cairde Comharthaíochta do Dhéagóirí Óga ó 11 go 13 bliana d'aois agus ranganna Comharthaíochta Sinsearacha do dhaoine idir 14 agus 17 mbliana d'aois.
Soláthraíonn na daoine atá páirteach rang speisialta "Sign Able" do bhaill óga le huathachas agus nó riachtanais bhreise.
Is é an plean atá acu ná a gclár a leathnú le maoiniú sparánachta in 2025.
Na critéir a úsáidtear chun iarratais a mheas:
- Dea-theist atá seanbhunaithe maidir le hoideachas ceoil a sholáthar
- Soláthar seirbhíse in oideachas ceoil neamh-phríomhshrutha/ceol pobail
- Oideachas ceoil neamh-phríomhshrutha a sholáthar do dhaoine óga ocht mbliana déag d'aois agus níos óige
- Torthaí maithe foghlama ag na rannpháirtithe
- Tugadh tús áite freisin do na heagraíochtaí/grúpaí sin ar féidir leo a léiriú go ndéanann siad freastal ar ghrúpaí atá faoi mhíbhuntáiste socheacnamaíoch.
Tá an liosta iomlán de na 37 faighteoir rathúil ar fáil thíos.
Liosta Iomlán na bhFaighteoirí
|
Méid |
Faighteoir |
Contae |
|
25,000 |
St Agnes CCMA |
Baile Átha Cliath |
|
10,000 |
Whitefriar Street Sing |
Baile Átha Cliath |
|
3,000 |
Cahir Comhaltas |
Tiobráid Árann |
|
3,000 |
Diarmuid O Cathain Cultural Centre |
Ciarraí |
|
3,000 |
Drumsna Comhaltas Carrick Trad |
Liatroim |
|
3,000 |
Portalington CCE |
Cill Dara |
|
3,000 |
Riverstown CCE |
Sligeach |
|
3,000 |
St Ultans Childcare Project - PRESTO |
Baile Átha Cliath |
|
3,000 |
Wicklow Miners CCE |
Cill Mhantáin |
|
2,000 |
Anne Devlin CCE |
Cill Mhantáin |
|
2,000 |
Athy Sing and Sign |
Cill Dara |
|
2,000 |
Bofield CCE |
Maigh Eo |
|
2,000 |
Buionn Ceoil Mullachduff (Mullaghduff Band) |
Dún na nGall |
|
2,000 |
Comhaltas Craobh Fhanada |
Dún na nGall |
|
2,000 |
Craobh Caiseal Mumhan CCE |
Tiobráid Árann |
|
2,000 |
Craobh Osrai Comhaltas Kilkenny |
Cill Chainnigh |
|
2,000 |
Dublin Choral Foundation |
Baile Átha Cliath |
|
2,000 |
Listowel Duagh CCE |
Ciarraí |
|
2,000 |
Loughmore CCE |
Tiobraid Árann |
|
2,000 |
Major Minors Junior Orchestra |
Cill Mhantáin |
|
2,000 |
Manorcunningham Pipe Band |
Dún na nGall |
|
2,000 |
Masamba Youth Project |
Baile Átha Cliath |
|
2,000 |
Musica Fusion |
Corcaigh |
|
2,000 |
Sandyford Youth Band |
Baile Átha Cliath |
|
2,000 |
Tigh na Coille CCE |
An Clár |
|
1,000 |
Bandon Concert Band |
Corcaigh |
|
1,000 |
Banna Piob Arainn Mhor (Arranmore Pipe Band) |
Dún na nGall |
|
1,000 |
Cullen Pipe Band |
Corcaigh |
|
1,000 |
Ennis Brass Band |
An Clár |
|
1,000 |
Naomh Brid Laois |
Laois |
|
1,000 |
Newmarket-on-Fergus Community Centre Brass Band |
An Clár |
|
1,000 |
Party Community Kids Music Group |
Maigh Eo |
|
1,000 |
Cullen Pipe Band |
Dún na nGall |
|
1,000 |
St Catherine's Accordion Band |
Dún na nGall |
|
1,000 |
St Joseph's Pipe Band |
Baile Átha Cliath |
|
1,000 |
St Patrick's Brass Junior Band |
Cill Chainnigh |
|
1,000 |
Tralee Pipes and Drums (St John's Pipe Band) |
Ciarraí |