An tSeirbhís Cúnaimh d’Fhostaithe i mbunscoileanna agus iar-bhunscoileanna aitheanta

I ndiaidh don Oifig um Sholáthar Rialtais próiseas tairisceana a chur i gcrích, bronnadh an conradh don tSeirbhís Cúnaimh d’Fhostaithe (EAS), ar Spectrum.Life ón 26 Iúil 2024. Tugtar ‘Folláine le Chéile’ ar an tseirbhís do na fostaithe sin. Le haghaidh tuilleadh faisnéise, féach le do thoil ar Ciorclán 0033/2022.

Is féidir leis an EAS cabhrú le réimse leathan fadhbanna. Tá a lán taithí ag foireann chomhairleoirí agus shaineolaithe EAS ó thaobh fadhbanna pearsanta nó fadhbanna a bhaineann leis an obair, agus is féidir leo tacú le haon duine atá thíos le fadhbanna lena n-áirítear:

• Dúlagar, imní, strus
• Brón agus bás
• Andúil
• Caidrimh agus fadhbanna sa phósadh
• Strus oibre agus fadhbanna maidir le cothromaíocht oibre is saoil
• Coimhlint agus cumarsáid san ionad oibre
• Aistriú saoil amhail dul chun cinn ghairme nó dul ar scor.

Cuireann an EAS comhairle agus tacaíocht agus idirghabhálacha ar fáil freisin do bhainisteoirí chun cabhrú leo déileáil le fadhbanna sláinte agus folláine san ionad oibre.

Más cuí go cliniciúil, bíonn comhairleoireacht ghearrthéarmach ar fáil d'fhostaithe agus do dhaoine dá dteaghlaigh. Áirítear le duine den teaghlach céile, páirtí sibhialta nó cleithiúnaí, i gcás gur féidir cur síos a dhéanamh ar an dhuine den teaghlach mar dhuine atá níos sine ná 16 bhliana d'aois agus ag maireachtáil i dteach an theaghlaigh. Ina theannta sin, cuirtear teiripe iompraíochta cognaíochta ar líne ar fáil freisin d'fhostaithe.

Tá ardán agus aip fholláine shaincheaptha ar fáil ag tairiscint réimse sheirbhísí ar líne le rochtain ar Gym Digiteach, ar Shraith Fholláine mhíosúil, ar fhíseáin, ar phodchraoltaí agus ar bhlaganna ar ábhair a bhaineann le meabhairshláinte, le saol an teaghlaigh, leis an aclaíocht agus leis an mbeathú. Tá an t-ardán ar fáil tríd an ngréasán, trí aip iOS nó trí aip Android.

Mar chuid den EAS, cabhraíonn Bainisteoir Bolscaireachta Meabhairshláinte chun tacú le tionscnaimh mheabhairshláinte agus fholláine atá bunaithe ar fhianaise a sholáthar lena n-áirítear sraith sheimineáir agus sheimineár gréasáin atá ar fáil ó cheann ceann na bliana.

Tá an tseirbhís ar fáil air 24 uair an chloig sa lá, 365 lá sa bhliain,

• líne chabhrach rúnda saorghlao ar leith 1800 411 057
• téacs 'Hi' a chur chuig 087 339 0010 le tacaíocht SCF a úsáid ar SMS agus WhatsApp

Is féidir le fostaithe rochtain a fháil ar thairseach folláine Spectrum.Life mar a leanas:

• nasc le clárú: https://wellbeingtogether.spectrum.life/login?org=ylVIIU17
• beidh an cód eagair réamhshonraithe Mura mbíonn is é ylVIIU17 an cód eagair.
• logáil isteach as sin amach ag: https://wellbeingtogether.spectrum.life/login

Gaolmhar

Straitéis Sláinte Ceirdre

• EAS FAQs
• EAS Employee Guide
• EAS Manager’s Guide
• EAS Platform