BLAST: Ealaíon san Oideachas

Na hEalaíona Beo a Thabhairt chuig Daltaí & Múinteoirí (BLAST) i mBunscoileanna, i Scoileanna Speisialta agus in Iar-Bhunscoileanna agus in Ionaid Ógtheagmhála

Oibríonn daltaí i scoileanna ar fud na tíre le healaíontóirí gairmiúla/cleachtóirí cruthaitheacha ar thionscadail shamhlaíocha agus lúcháireacha. Tugann BLAST an t-am agus an spás dóibh chun cónaitheachtaí nuálacha a dhearadh agus a fhorbairt atá ceaptha chun a gcruthaitheacht a chothú agus a scileanna comhoibrithe, a smaointeoireacht chriticiúil agus a gcumas réitithe fadhbanna a fhorbairt.

Príomhthionscnamh de chuid na Roinne Oideachais agus Óige is ea BLAST, cuid den Phlean Óige Ildánach 2023-2027. Tá sé á reáchtáil ag líonra Ionaid Tacaíochta Oideachais na hÉireann (ESCI) trína 21 ionad oideachais lánaimseartha ar fad agus á chomhordú go náisiúnta ag oifig Náisiúnta na nEalaíon san Oideachas in Ionad Tacaíochta Oideachais Thrá Lí.

Gach bliain, déanann scoileanna agus ionaid Ógtheagmhála iarratas ar Chónaitheacht BLAST trí nasc láraithe. Déanann a ESC lánaimseartha áitiúil na hiarratais a phróiseáil ansin.

Tá Clár d’Ealaíontóirí agus Cleachtóirí Cruthaitheacha BLAST ag gach ionad atá oilte chun na cónaitheachtaí sin a sheachadadh agus a bhfuil grinnfhiosrúcháin déanta orthu ag an nGarda Síochána. Tá an Clár BLAST eagraithe de réir ealaíontóra/cleachtóra chruthaitheach agus disciplíne. Áiríonn sé oiliúint riachtanach, samplaí d’obair roimhe seo agus taithí ábhartha i gcomhthéacs oideachais agus pobail. Féadfaidh scoileanna agus ionaid Ógtheagmhála cur isteach ar cheann de na cleachtóirí cruthaitheacha seo chun oibriú leo. Déanann ESCanna áitiúla an íocaíocht do chleachtóirí cruthaitheacha a riaradh rud a bhaineann an t-ualach riaracháin ó mhúinteoirí agus ó scoileanna.

Tá breis agus 600 gairmí oilte cláraithe ar Chlár na nEalaíontóirí agus na gCleachtóirí Cruthaitheacha go náisiúnta.

An preasráiteas is déanaí: Fógraíonn an tAire McEntee sonraí faoi chláir na hÓige Ildánach lena n-áirítear uirlis nua mapála sonraí