Painéal Saineolaithe Tithe Altranais
- Foilsithe: 5 Meitheamh 2020
- An t-eolas is déanaí: 27 Lúnasa 2020
Tar éis a chruinnithe an 14 Bealtaine, mhol NPHET go mbunófaí Painéal Saineolaithe ar Thithe Altranais, chun scrúdú a dhéanamh ar na saincheisteanna casta a bhaineann le bainistíocht COVID-19 i measc an chohóirt seo atá an-leochaileach.
Is é aidhm an Phainéil na freagraí náisiúnta agus idirnáisiúnta ar ghéarchéim COVID-19 a scrúdú, agus an cleachtas is fearr atá ag teacht chun cinn a scrúdú. Is galar nua é COVID-19, ar féidir leis a bheith aitíopúil i measc daoine scothaosta leochaileacha, agus tá fianaise nua agus dea-chleachtas maidir lena bhainistíocht ag teacht chun cinn i gcónaí.
Iarradh ar an bPainéal moltaí a dhéanamh don Aire Sláinte, chun a chinntiú go bhfuil sé i gceist pleanáil a dhéanamh do gach beart freagartha cosanta COVID-19, i bhfianaise riosca agus tionchar leanúnach COVID-19 do thithe altranais sna 6-18 mí amach romhainn.
Téarmaí Tagartha
Ballraíocht
Comhairliúchán
Mar chuid d’obair an Phainéil Saineolaithe, tá sé ag tabhairt faoi phróisis chomhairliúcháin thapa chun teagmháil a dhéanamh le raon páirtithe leasmhara ar bhealaí éagsúla.
Tá áthas ar an bPainéal Saineolaithe cuireadh a thabhairt do pháirtithe leasmhara páirt a ghlacadh i bpróiseas rannpháirtíochta gonta, dírithe.
Is é aidhm an chaidrimh seo ionchur, peirspictíocht agus eispéiris a fháil maidir le paindéim COVID-19 agus a héifeachtaí ar thithe altranais, le béim ar leith ar fhreagairtí breise a phleanáil maidir le tithe altranais sna 18 mí amach romhainn.