An Beartas um Theiripe Athsholáthair Hormón (HRT) saor in aisce

Mar a bhí fógartha mar chuid de Bhuiséad 2025, beidh costas na gcógas agus na dtáirgí Teiripe Athsholáthair Hormón (HRT) do mhná a bhfuil siomptóim de mheanapás orthu, anois clúdaithe ag an Stát.

D'fhéadfaí oideas HRT a bheith scríofa ag soláthraí cúraim sláinte chun na siomptóim a bhaineann leis an meanapás a laghdú.

Chun críocha an bheartais seo, is focal ginearálta é "meanapás" chun na céimeanna agus na cineálacha athruithe éagsúla a thagann ar choirp na mban i rith na tréimhse seo a chur in iúl, lena n-áirítear perimenopause, iarmheanapás, meanapás luath, meanapás roimh am, agus meanapás spreagtha.

Is féidir leat tuilleadh eolais faoin meanapás a aimsiú anseo.

Faoin mbeartas nua seo, i gcás go bhfuil oideas do tháirge Teiripe Athsholáthair Hormón faighte ag an mbean óna soláthraí cúraim sláinte chun na siomptóim a bhaineann le gach céim den mheanapás a laghdú, clúdóidh an Stát costas na gcógas nó na dtáirgí, chomh maith leis na táillí dáilte.

Is féidir leat an chógaslann is gaire atá páirteach a aimsiú tríd an Eolaire Cógaslainne HRT a úsáid.

Clúdóidh sé seo aon chógas nó táirge HRT atá inchúitithe faoi láthair ag Feidhmeannacht na Seirbhíse Sláinte (FSS).

Níl coinní dochtúra nó leighis a bhaineann le meanapás clúdaithe faoi seo.

Chun a bheith incháilithe don bheartas seo, is gá do bhean:

1. A bheith cláraithe ar an Scéim Íocaíochta Drugaí FSS, mura bhfuil cárta leighis agat.
2. Oideas bailí le haghaidh HRT a bheith agat (labhair le do dhochtúir teaghlaigh nó le do ghairmí cúraim sláinte le haghaidh roghanna cóireála).

Le haghaidh tuilleadh eolais faoi Theiripe Athsholáthair Hormón, na buntáistí, na rioscaí, agus na roghanna eile, téigh anseo.

Labhair le do dhochtúir teaghlaigh nó do ghairmí cúraim sláinte má tá imní ort nó ceisteanna agat faoi Theiripe Athsholáthair Hormón a ghlacadh chun siomptóim de mheanapás a laghdú.

Cuireann an Plean Gníomhaíochta um Shláinte na mBan 2024-2025 Céim 2: Éabhlóid i Sláinte na mBan spotsolas ar mhná ag meánaois agus níos sine “ag maireachtáil go folláin agus níos faide”, agus beidh an costas bainte ó tháirgí HRT le haghaidh meanapáis mar chuid de seo.