Cáilíocht agus Cothroime: Córas Sláinte duitse

Le ceithre bliana anuas bhain seirbhísí sláinte in Éirinn leas as an méadú is mó riamh ar mhaoiniú.

Tá áiseanna á bhforbairt agus á n-athchóiriú, tá níos mó foirne á bhfostú agus tá méadú suntasach tagtha ar líon na ndaoine a bhaineann leas as seirbhísí sláinte.

Tá go leor bainte amach, ach tá go leor le déanamh fós. Tá easnaimh an-soiléir i seirbhísí fós ann nach mór aghaidh a thabhairt orthu. Tá amanna feithimh do-ghlactha fada i gcodanna éagsúla den chóras, tá seirbhísí tábhachtacha tearcfhorbartha agus caithfear aghaidh a thabhairt ar dhúshláin mhóra dhéimeagrafacha.

Trí mhaoiniú sláinte a dhúbailt le ceithre bliana anuas, bhog an rialtas an díospóireacht ar mhaoiniú sláinte ó acmhainní amháin go hacmhainní agus athchóiriú araon.