Measúnú ar Chostas Eacnamaíoch Caitheamh Tobac in Éirinn

Is é aidhm an staidéir seo cur leis an mbonn fianaise ar thomhaltas tobac agus a éifeachtaí in Éirinn, chun cabhrú le cur i bhfeidhm na moltaí a rinneadh sa tuarascáil Saor ó Thobac in Éirinn (2013).

Cuireann an taighde go mór leis an mbonn fianaise ar chostas eacnamaíoch caitheamh tobac in Éirinn.

Is píosa taighde an-úsáideach é mar:

• ní dhearnadh an cineál staidéir seo i suíomh Éireannach roimhe seo
• ní chumhdaíonn tromlach na staidéar ar fud an domhain an raon costas a bhaineann le caitheamh tobac a leagtar amach sna téarmaí tagartha. Ciallaíonn sé seo gur dócha go ndéanfaidh siad gannmheas ar na costais a bhaineann le caitheamh tobac
• bunaíodh caidreamh cúiseach le caitheamh tobac le haghaidh níos mó galar ná mar a clúdaíodh i dtaighde roimhe seo

Rinne ICF International an staidéar don Roinn Sláinte. Chuir DKM Economic Consultants (DKM) tacaíocht taighde ar fáil. Chuir an tOllamh Anne Ludbrook (Ollscoil Aberdeen, an Ríocht Aontaithe (RA) sainchomhairle ar fáil faoin modheolaíocht.