Ceapachán ar Bhord Ospidéal Naomh Shéamais - 29 Meitheamh 202

Ar ainmniú an Chathaoirligh, cheap an tAire Sláinte, Stephen Donnelly T.D., an tUasal Lionel Alexander mar bhall de Bhord Ospidéal Naomh Shéamais. Tá an ceapachán seo ann don tréimhse ó 29 Meitheamh 2021 go dtí an 29 Lúnasa 2025.

Lionel Alexander

Chaith Lionel níos mó ná 30 bliain le cuideachta teicneolaíochta domhanda HP, i Singeapór agus in Éirinn araon a chríochnaigh ina ról mar Leas-Uachtarán, ag déanamh maoirseachta ar na hoibríochtaí agus infheistíochtaí substaintiúla in Éirinn. Lena chois sin, bhí sé freagrach freisin as Gnó Soláthairtí Tomhaltóirí ilbhilliún dollar HP a chuimsigh oibríochtaí déantúsaíochta domhanda, margaíocht agus T & F.

Ina theannta sin, tá stair shaibhir ag Lionel maidir le ceapacháin boird, lena n-áirítear freastal ar an mBord ag Gníomhaireacht Forbartha Tionscail Éire (IDA Ireland) ar feadh naoi mbliana agus tá taithí shuntasach aige ar fhás gnó a thiomáint do chorparáidí ilnáisiúnta agus do ghnólachtaí dúchasacha Éireannacha.

Bhí sé freisin ina Uachtarán agus ina bhall den Bhord de Chumann Tráchtála Mheiriceá, agus comhalta Boird de Chónaidhm Ghnó agus Fostóirí na hÉireann (IBEC).

Le déanaí, chríochnaigh Lionel téarma cúig bliana mar Chathaoirleach ar an Institiúid Teicneolaíochta, Trá Lí, áit a ndearna sé maoirseacht ar an gcónascadh le hInstitiúid Teicneolaíochta Chorcaí chun bheith ina Ollscoil Teicneolaíochta na Mumhan.

Faoi láthair tá Lionel ina Chathaoirleach ar Intact Software agus ina Chomhalta Boird ar Finegrain Properties. Freastalaíonn sé freisin i ngrúpa comhairleach I-Form, Ionad Taighde Ard-Déantúsaíochta SFI.