Ceapachán chuig an mBord Árachais Sláinte Shaorálaigh:

Tar éis Feachtas ón tSeirbhís um Cheapacháin Phoiblí agus le faomhadh ó Bhanc Ceannais na hÉireann, tá an tUasal Paul Zollinger-Read ceaptha ag an Aire Sláinte Stephen Donnelly T.D. ar an mBord Árachais Sláinte Shaorálaigh le héifeacht ón 4ú Samhain 2022 go dtí an 3ú Samhain 2027.

Paul Zollinger-Read

Thosaigh Paul ag obair mar dhochtúir ginearálta i Braintree i 1991 agus níorbh fhada gur musclaíodh a shuim i bhfeabhsú cáilíochta. Mar thoradh air seo bhí slí bheatha eile aige ag an am céanna i mbainistíocht NHS. Ba é an chéad éacht a rinne sé ná ceann de na chéad Iontaobhais Chúraim sa tír a bhunú agus ansin a rith, ag tabhairt le chéile sláinte agus cúram sóisialta in aon eagraíocht amháin. Chuaigh sé ar aghaidh ansin le hIontaobhais Cúraim Phríomhúil éagsúla (Eagraíochtaí Coimisiúnaithe NHS) a reáchtáil ar feadh na deich mbliana ina dhiaidh sin agus mar thoradh air sin bhí sé ina Phríomhfheidhmeannach ar NHS Cambridgeshire i mí Eanáir 2010 agus ag ionchorprú NHS Peterborough i mí Iúil 2010. I mí Iúil 2010, iarradh ar Paul a bheith i gceannas ar an bhforbairt de ghrúpaí coimisiúnaithe cliniciúla DG in Oirthear Shasana. I mí Feabhra 2011, chuaigh sé isteach i gCiste an Rí mar Chomhairleoir Leighis. Chuaigh Paul isteach i Bupa mar Phríomhoifigeach Leighis i mí Iúil 2012. Is maoinitheoir cúram sláinte é Bupa agus tá gnó soláthair domhanda suntasach aige, lena n-áirítear ospidéil, clinicí, cúram príomhúil, cúram fiacla, agus cúram do sheanóirí. Bhí sé freagrach as sábháilteacht agus cáilíocht an chúraim ar bhonn domhanda agus bhí sé ina bhall den fhoireann fheidhmiúcháin, agus bhí dlúthbhaint aige le straitéis agus feidhmíocht. D’fhág se i Nollaig 2019 chun tús a chur le gairm ilréimseach. Tá baint anois aige le tacú le fás cuideachta íomháithe diagnóisigh, grúpa a fhorbraíonn seirbhísí só-chúraim do sheanóirí, gnó clinic siúlach san Araib Shádach, soláthar ASS in Éirinn, agus Doctor Care Anywhere. Le linn na paindéime chuaigh sé faoi athoiliúint mar dhochtúir ginearálta, agus tá sé fós ag obair mar dhochtúir ginearálta.