Ceapadh ar Bhord Clárúcháin Teiripeoirí Saothair

Tar éis don Aire Oideachais agus Scileanna é a ainmniú leis, rinne an tAire Sláinte, Simon Harris TD, an duine seo a leanas a athcheapadh mar bhall de chuid Bhord Clárúcháin na dTeiripeoirí Ceirde. Beidh éifeacht leis an athcheapachán seo ón 24 Lúnasa 2019 go dtí an 13 Feabhra 2023.

An tOllamh Catherine McCabe

Altra Ginearálta Cláraithe is í an tOllamh McCabe a bhfuil taithí os cionn 20 bliain aici sa chleachtadh altranais agus cúraim sláinte, agus san oideachas agus taighde freisin. Is Ollamh Comhlach í agus tá sí ag obair i gColáiste na Tríonóide, Baile Átha Cliath, i Scoil an Altranais agus an Chnáimhseachais ó bhí 2002 ann. I measc na spéiseanna taighde agus na réimsí saineolais atá aici, áirítear réimsí dála an chúraim chriticiúil / na géarmhíochaine (an bhainistíocht pian, an sepsis agus an chinnteoireacht chliniciúil), na sláinte digití (othair atá ag dul in olcas a chosc agus a bhainistiú go luath), an chúraim ailse agus na cumarsáide sa chúram sláinte.

Tá spéis ar leith ag an Ollamh McCabe sa chaoi ar féidir an teicneolaíocht a úsáid i gcomhthéacsanna an chúraim sláinte chun an chúraim, eispéiris othar i suíomhanna géarchúraim agus cáilíocht na beatha a fheabhsú agus d’oibrigh sé ar thionscadail éagsúla teicneolaíochta comhoibrithe idirdhisciplíneach i gcomhar le Intel, TRIL agus Ospidéal San Séamas ar úsáid TFC chun an meath a luathbhraith, rannpháirtíocht othar sa chúram sláinte, an neamhspleáchas, an féinbhainistiú agus cáilíocht na beatha a chur chun cinn.

Bhí an tOllamh McCabe i gceannas ar fhorbairt MSc idirdhisciplíneach sa tSláinte Pobail a thosaigh in 2016 agus atá faoi láthair mar an phríomh-mhodúil i modúl idirdhisciplíneach ar líne sa chúram néaltraithe.