AthCeapachán Chathaoirleach an chuig Bord um Chlárlann Náisiúnta Ailse:

Tá an tAire Sláinte Jennifer Carroll MacNeal TD tar éis an duine seo a leanas, an Dr Robert O’Connor, a athcheapadh mar Chathaoirleach ar Bhord na Clárlainne Náisiúnta Ailse le héifeacht ón 15 Feabhra 2025 go dtí an 14 Feabhra 2029.

Tá Robert O’Connor Ph.D. ina chomhalta den Bhord um an gClárlann Náisiúnta Ailse ó bhí 2019 ann agus tá sé ina iar-stiúrthóir don Oifig Náisiúnta um Thrialacha Cliniciúla atá maoinithe ag an mBord Taighde Sláinte.

Tá taithí na mblianta aige ar thrialacha cliniciúla, ar an oinceolaíocht, agus ar thaighde aistritheach sláinte, agus ceapadh é ar go leor bord carthanachta, sláinte agus taighde.

Tar éis dó PhD a bhaint amach, dhírigh sé ina thaighde Iardhochtúireachta ar thaighde maidir le torthaí saotharlainne a thabhairt isteach i dtrialacha cliniciúla maidir le hailse luathchéime. Bhí sé ina chathaoirleach feidhmiúcháin ar an nGrúpa Éireannach um Thaighde ar Oinceolaíocht (ICORG) (ar a dtugtar Cancer Trials Ireland anois), mar a chothaigh sé naisc idir taighdeoirí saotharlainne agus taighdeoirí cliniciúla. Iar-léachtóir de chuid Ollscoil Chathair Bhaile Átha Cliath, ceapadh an Dr Robert O'Connor ina Stiúrthóir Taighde ar Chumann Ailse na hÉireann, áit a raibh de chúram air straitéis taighde na heagraíochta a sheachadadh, tacú le taighde a chuimsiú sa bheartas náisiúnta maidir le hailse a chóireáil agus tionscnaimh chomhpháirtíochta a fhorbairt le hothair.

Díríonn Robert ar an mbearna idir torthaí cúram sláinte sa taighde agus torthaí cúram sláinte sa chleachtas a laghdú agus ar thacaíocht a thabhairt do ghairmithe taighde sláinte maidir le gníomhaíochtaí taighde.