An t-eolas is déanaí faoi sheachadtaí vacsaíní COVID-19 - Déardaoin an 25 Márta 2021

Is é straitéis chlár vacsaínithe COVID-19 na hÉireann gach vacsaín atá ar fáil a dháileadh chomh tapa agus is féidir ó thaobh oibríochta de, ag tabhairt tosaíochta dóibh siúd is leochailí ó COVID-19.

Tá an clár bunaithe ar phrionsabail na sábháilteachta, na héifeachtúlachta agus na cothroime, agus é mar aidhm aige drochthinneas, líon na ndaoine san ospidéal agus básanna ó ionfhabhtú COVID-19 a laghdú.

Seo a leanas nuashonrú ar líon iomlán na vacsaíní a seachadadh go hÉirinn, suas go dtí Dé hAoine an 19 Márta 2021 agus an lá sin san áireamh.

Amhail Dé Domhnaigh an 21 Márta, bhí 680,015 dáileog den vacsaín tugtha in Éirinn.

Cuireadh vacsaíniú le AstraZeneca ar athló i rith an chuid is mó de Sheachtain 11.

D'iarr Moderna Inc go gcoinneofaí 50% dá vacsaín siar don dara dáileog. Ar an gcaoi chéanna, déantar méid maolánach iomchuí a thiomsú agus a choinneáil siar i gcás gach vacsaín lena chinntiú go bhfuil an dara dáileog ar fáil an tseachtain dar gcionn. Faoi láthair, déantar thart ar 95% de na vacsaíní atá ar fáil a riar laistigh de sheacht lá tar éis dóibh teacht go hÉirinn.