Athdhearbhaíonn an tAire Sláinte go dtabharfar tacaíocht do chontaetha ar imir bearta sláinte poiblí a cuireadh i bhfeidhm le déanaí tionchar orthu
- Foilsithe: 9 Lúnasa 2020
- An t-eolas is déanaí: 12 Lúnasa 2020
I ndiaidh gur tháinig méadú ar chásanna COVID-19 i gCill Dara, Laois agus Uíbh Fhailí le roinnt laethanta anuas, agus i ndiaidh gur fógraíodh bearta sláinte poiblí breise Dé hAoine, cuireadh réimse tacaíochtaí i bhfeidhm le cabhair a thabhairt chun srian a chur ar tharchur breise agus chun tacaíocht a thabhairt dóibh siúd a ndéantar difear dóibh.
Áirítear leo seo:
- Tá go leor tástála ar bun i measc na saoráidí go léir a bhaineann le briseadh amach agus gach duine a ndearna na daoine a bhain tástáil dhearfach amach teagmháil dhlúth leo.
- Tá ionaid tástála áitiúla ar oscailt agus chuir an tSeirbhís Náisiúnta Otharcharranna prabionaid bhreise i bhfeidhm.
- Tá cumarsáid agus aon tacaíocht riachtanach á gcur ar fáil ag Foirne Freagartha Pobail réigiúnacha FSS do shaoráidí Cúram Cónaithe Fadtéarmach i Laois, Uíbh Fhailí agus Cill Dara, agus do gach teach altranais san áireamh, idir tithe altranais poiblí agus príobháideacha. Tá cumarsáid leanúnach á déanamh le DGanna sa cheantar.
- Tá saoráidí aonraithe á gcur ar fáil dóibh siúd nach féidir leo féinaonrú a dhéanamh ina dtithe nó ina suíomhanna pobail.
- Tá foirne áitiúla briste amach atá faoi stiúir Shláinte Phoiblí FSS i bhfeidhm i gcás gach briste amach agus tá teagmháil agus comhordú gníomhach á ndéanamh acu leis na gníomhaireachtaí ábhartha agus le bainistíocht na saoráidí.
- Leanfar le clár réamhghníomhach de thástáil shrathach a dhéanamh i dtithe altranais fud fad na tíre an tseachtain seo agus leanfar lena mhacasamhail de chlár tástála go luath i láithreacha comhchónaithe eile, ar nós soláthar díreach.
- Bunaíodh Buanchoiste Náisiúnta chun maoirseacht a dhéanamh ar chásanna agus briseadh amach COVID-19 in Ionaid Phróiseála Bia agus sa Tionscal Tógála Dé hAoine, an 7 Lúnasa 2020 agus chas siad le chéile an lá céanna. Scrúdóidh sé prótacail agus bearta comhlíonta reatha chun aon bhearta rialaithe breise a shainaithint agus déanfaidh é breithniú freisin ar bheartas tástála amach anseo d’oibrithe sa dá thionscal seo chomh maith le moladh a dhéanamh ina thaobh.
- Tá tacaíochtaí um chosaint shóisialta COVID-19 ar fáil dóibh siúd ar gá dóibh aonrú nó srian a chur ar ghluaiseachtaí.
Dúirt an tAire Sláinte, Stephen Donnelly, T.D.;
“Thug an Rialtas bearta breise sláinte poiblí a thabhairt isteach i gCill Dara, Laois agus Uíbh Fhailí i ndiaidh gur mhol an FÉSPN amhlaidh a dhéanamh Dé hAoine. Tuigim go hiomlán an díomá agus an frustrachas a bhfuil daoine sna réigiúin seo thíos leis an deireadh seachtaine seo. Bhí sé ina ríthábhacht go rachaimis i mbun gnímh anois sular scaip an víreas ní ba mhó isteach sa phobal – chun sláinte phoiblí a chosaint, chun grúpaí leochaileacha a chosaint, iad siúd ina measc i dtithe altranais, agus chun athoscailt scoileanna agus atosú seirbhísí sláinte agus cúraim shóisialta a dhéanamh faoi mar a bhí beartaithe.
“Chuir FSS réimse tacaíochtaí breise i bhfeidhm don réigiún do na seachtainí amach romhainn, acmhainn bhreise tástála agus sláinte poiblí, agus cóiríocht aonraithe ina measc, dóibh siúd óna dteastaíonn sé. Tá foirne rialaithe briste amach i bhfeidhm do gach briseadh amach. Bhunaigh FSS Buanchoiste Náisiúnta freisin chun breithniú a dhéanamh ar agus dul i ngleic le ceisteanna a bhaineann leis na tionscail phróiseála bia agus tógála i gcoitinne nuair a chuirtear san áireamh an patrún cásanna le déanaí.”
Dúirt an tAire Donnelly mar fhocal scoir:
“Leanfaidh mé ag oibriú le comhghleacaithe ar fud an Rialtais lena chinntiú go dtéitear i mbun na mbeart go léir chun tacú le muintir Chill Dara, Laoise agus Uíbh Fhailí sna laethanta agus seachtainí amach romhainn.”
CRÍOCH