Déanann an tAire McGrath Lá Idirnáisiúnta na nDaoine faoi Mhíchumas a cheiliúradh
- Foilsithe: 3 Nollaig 2018
- An t-eolas is déanaí: 11 Aibreán 2025
Rinne an tAire Stáit le freagracht speisialta as míchumais, Finian McGrath TD, Lá Idirnáisiúnta na nDaoine faoi Mhíchumas a cheiliúradh inniu.
Ó 1992, breathnaíodh go bliantúil an 3 Nollaig mar Lá Idirnáisiúnta na nDaoine faoi Mhíchumas. Is é téama lá na bliana seo “Cumhacht a thabhairt do dhaoine faoi mhíchumas agus cuimsitheacht agus comhionannas a chinntiú”.
Dúirt an tAire:
“Tá téama an lae ag teacht le Coinbhinsiún na Náisiún Aontaithe um Chearta Daoine faoi Mhíchumas."
Dúirt sé:
“Bhí an daingniú ina phríomhthiomantas sa Chlár Rialtais agus bhí áthas orm a bheith in ann an tiomantas sin a chomhlíonadh níos luaithe i mbliana."
Tá lá an cheiliúrtha á mharcáil ag an dath corcra agus casfaidh go leor foirgneamh poiblí agus sainchomharthaí corcra inniu. Déanfaidh an tAire McGrath an lá a cheiliúradh trí fhreastal ar imeachtaí sa Lár-Chlinic Feabhais i Firhouse áit a lainseálfaidh sé ribín corcra chun an lá a cheiliúradh chomh maith le freastal ar imeachtaí in Ollscoil Chathair Bhaile Átha Cliath agus i gColáiste na Tríonóide.
Chríochnaigh an tAire:
“Is lá iontach é an lá inniu agus spreagaim gach duine a bheith páirteach agus an lá a mholadh le bród corcra."
CRÍOCH