Fáiltíonn an tAire Sláinte roimh fhoilsiú an Phlean Forbartha Náisiúnta (PFN) 2021 -2030

D’fháiltigh an tAire Sláinte, Stephen Donnelly, TD roimh fhoilsiú an Phlean Forbartha Náisiúnta (PFN) 2021 - 2030 inniu.

Rinneadh forbairt an PFN 2021 - 2030 chun go bhféadfar tionchar tosca mar Covid-19 agus an Breatimeacht a chur san áireamh agus chun an t-ailíniú leis an gCreat Náisiúnta Pleanála, an Plean Gníomhaithe ar son na hAeráide agus forbairtí eile a neartú ó seoladh Tionscadal Éireann 2040 in 2018.

Tugtar breac-chuntas ar na huasteorainneacha agus na leithdháiltí sa PFN d’infheistíocht phoiblí iomlán de €165 billiún thar an tréimhse 2021-2030. Sonraítear na huasteorainneacha caiteachais bliantúla in éineacht le miondealú ar na leithdháiltí comhaontaithe ar fud gach Roinne don tréimhse 2021-2025, agus cuirfear blianta ina dhiaidh sin leis ar bhonn rollach ó 2022.

Leagann an PFN amach clár comhtháite infheistíochta inár mbonneagar sláinte le leithdháileadh €5.7bn don earnáil sa tréimhse go 2025. Léiríonn an leibhéal infheistíochta seo tiomantas don infheistíocht leanúnach i mbonneagar agus in athchóiriú sláinte de réir Sláintecare agus is méadú os cionn 10% é sa mhaoiniú bliain i ndiaidh bliana go 2025.

Tá an Plean Forbartha Náisiúnta fós á ailíniú le seachadadh an Chreata Náisiúnta Pleanála agus a dheich Thoradh Straitéiseach Náisiúnta le Tionscadal Éireann 2040 a chur i gcrích. Ó seoladh Tionscadal Éireann 2040 in 2018, tá dul chun cinn suntasach déanta maidir le raon infheistíochtaí a sheachadadh ar fud na tíre a thacaíonn le pobail níos sláintiúla agus torthaí sláinte níos fearr agus iad ag déileáil freisin le tionchar ollmhór Covid -19.

Tá ról lárnach ag infheistíocht chaipitil maidir le soláthar seirbhíse a fheabhsú, seachadadh cúram sláinte agus sóisialta ar ardchaighdeán a chinntiú, agus na hathchóirithe atá leagtha amach i Sláintecare a chur chun cinn. Cuimsíonn sé seo infheistíocht chun athdhíriú an mhúnla cúraim i dtreo suíomhanna príomhúla agus pobail a éascú, aghaidh a thabhairt ar easnaimh acmhainne agus bonneagair agus infheistíocht i ríomhShláinte. Ciallóidh PFN 2021 - 2030 go mbeidh tionscadail a thacaíonn le hathchóiriú straitéiseach a sheachadadh in ann bogadh i dtreo cúram sláinte uilíoch agus tógfaidh sé ar na hathruithe dearfacha agus nuálacha a rinneadh go dtí seo. Leanfaidh treochtaí daonra, forbairtí i gcúram sláinte agus fócas láidir ar chóireáil a sholáthar sa suíomh is oiriúnaí, mar bhonn eolais don chlár infheistíochta.

Tá go leor tionscadal agus clár caipitil sláinte suntasach ar siúl agus ag céimeanna éagsúla forbartha. Áirítear iad seo a leanas orthu sin:

• An tOspidéal Nua do Leanaí
• Tionscadail chun acmhainn bhreise a sholáthar inár n-ospidéil agus in ionaid roghnacha
• Córais leictreonacha taifead sláinte a úsáid, infheistíocht i mbonneagar teicniúil agus cibear-chosaintí, tionscadail náisiúnta, réigiúnacha agus áitiúla.
• An Clár Oinceolaíochta Radaíochta i gCorcaigh, Baile Átha Cliath agus Gaillimh
• Tionscadail chun an Straitéis Náisiúnta Máithreachais a chur chun cinn
• Clár tógála an Ionaid Cúraim Phríomhúil
• An Clár Cúraim Pobail Feabhsaithe
• Aonaid altranais pobail a athsholáthar agus a athchóiriú do dhaoine aosta agus aonaid chúraim chónaithe fadtéarmacha agus tithíocht sa phobal do dhaoine faoi mhíchumas
• Tionscadail meabhairshláinte chun saoráidí a uasghrádú agus a leathnú ar fud na tíre
• An clár náisiúnta um athsholáthar trealaimh, athsholáthar flíteanna otharcharranna agus mionsholáthar caipitil chun déileáil le tosaíochtaí riosca bonneagair.

Agus é ag fáiltiú roimh an athbhreithniú dúirt an tAire Donnelly:

CRÍOCH