Cuardaigh ar fad gov.ie

Preasráitis

Fógraíonn an tAire Sláinte nuashonruithe ar liosta na Stát ainmnithe

  • Ó: An Roinn Sláinte

  • Foilsithe: 4 Meitheamh 2021
  • An t-eolas is déanaí: 15 Aibreán 2025

D’fhógair an tAire Sláinte, Stephen Donnelly TD, go mbeartaíonn sé cúig Stát bhreise a chur leis an liosta Stát Ainmnithe. Caithfidh daoine a thagann isteach in Éirinn tar éis dóibh bheith sna Stáit seo nó idirthuras a dhéanamh tríothu le 14 lá anuas tréimhse de Choraintín Éigeantach a chaitheamh in Óstán.

Is iad na tíortha breise atá le cur leis an liosta:

  • An Afganastáin
  • an Éigipt
  • Srí Lanca
  • an tSúdáin
  • Oileán na Tríonóide agus Tobága

Cuirfear stáit atá á gcur leis an liosta stát ainmnithe san áireamh go luath ar an gcóras áirithinte le haghaidh Coraintín Éigeantach Óstáin, agus cuirfidh paisinéirí ó na Stáit seo tús le coraintín ó 04.00 Dé Máirt, an 8 Meitheamh. Is féidir teacht ar eolas breise ar Choraintín Éigeantach Óstáin ag www.gov.ie/quarantine.

Ceanglas dlíthiúil é go mbaineann gach duine atá ag taisteal go hÉirinn toradh diúltach ‘neamhbhraite’ amach ó thástáil RT-PCR faoinar tugadh tráth nach faide ná 72 uair an chloig sula dtagann siad go hÉirinn.

Anuas air sin, ceanglas dlíthiúil é freisin go ndéanann iad siúd ó thíortha nach bhfuil ainmnithe Coraintín sa Bhaile ar feadh 14 lá. Ní féidir an tréimhse seo de Choraintín sa Bhaile ar feadh 14 lá a ghiorrú ach má bhaineann tú toradh tástála neamhbhraite amach i dtástáil RT-PCR tráth nach giorra ná cúig lá i ndiaidh duit teacht go hÉirinn.

Níl costas ar bith ar thástáil agus is féidir é a chur in áirithe trí www.gov.ie/test.

Mar gheall ar buarthaí faoin athraitheach nua de COVID-19, moltar go mór do dhaoine atá ag taisteal ón mBreatain Mhór tabhairt faoi thástáil saor in aisce cúig lá i ndiaidh dóibh teacht go hÉirinn, agus chun cloí go dian leis na ceanglais dhlíthiúla maidir le coraintín baile.

Féach liosta iomlán na Stát ainmnithe.

Is ann don fhoirm seo d’aiseolas, agus sin amháin, a bhaineann leis an leathanach reatha.

Ná cuir faisnéis phearsanta ná airgeadais san áireamh.

Chun gov.ie a fheabhsú, déanfar anailís ar an bhfaisnéis a chuireann tú isteach agus ní thabharfar freagra uirthi ar bhonn indibhidiúil.

Conas mar a bhí d’eispéireas ar an leathanach reatha? (ag teastáil)

Tá 400 carachtar fágtha agat