Tionólann an tAire Butler Grúpa Nua Tras-Rialtais chun Beartas Meabhairshláinte a Chomhordú
- Foilsithe: 15 Lúnasa 2025
- An t-eolas is déanaí: 15 Lúnasa 2025
Céim shuntasach i dtreo beartas meabhairshláinte comhtháite í nuair a thionóil an tAire Meabhairshláinte agus Príomh-Aoire Rialtais, Mary Butler an cruinniú tionscnaimh de "Ghrúpa Stiúrtha Idir-Rannach don Mheabhairshláinte" nua-chruthaithe.
Thug an cruinniú ionadaithe as 14 ranna rialtais le chéile, in éineacht le Feidhmeannacht na Seirbhíse Sláinte (FSS), an Coimisiún Meabhairshláinte agus Oifig na nOibreacha Poiblí (OOP). Siobhán McArdle Rúnaí Cúnta do Chúram Sóisialta, Meabhairshláinte agus Cúram Neamhsceidealaithe ag an Roinn Sláinte a bhí ina cathaoirleach ar an seisiún.
Bunaíodh an Grúpa Stiúrtha chun comhar tras-rialtais a fheabhsú maidir leis an meabhairshláinte agus chun a chinntiú go bhfuil an mheabhairshláinte san áireamh trasna gach réimse den bheartas poiblí. Tá an tionscnamh ailínithe go dlúth le Comhroinnt na Físe – Beartas Meabhairshláinte do Chách, straitéis náisiúnta mheabhairshláinte na hÉireann, a éilíonn gníomhaíocht chomhordaithe trasna earnálacha amhail tithíocht, oideachas agus cosaint shóisialta.
I dteannta tacú le Comhroinnt na Físe, a chur chun feidhme, táthar ag súil go mbeidh ról suntasach ag an nGrúpa chun dhá thionscnamh náisiúnta beartais atá ar na bacáin a mhúnlú, forbairt an bheartais a thiocfaidh in áit na straitéise chun féinmharú a laghdú Nascadh ar feadh an tSaoil, agus cur chun feidhme an phlean chun an mheabhairshláinte a chur chun feidhme Bealaí i dtreo na Folláine.
Dúirt an tAire Butler:
“Tá fhios ag cách go bhfuil an mheabhairshláinte fite fuaite leis an tsláinte - agus ní bhaineann dul chun cinn leis an Roinn Sláinte amháin - is saincheist uileshochaíoch í. Má tá an rialtas ar fad d'aon ghuth, tá mé cinnte gur féidir folláine mheabhrach a chur san áireamh i ngach beartas, idir iompar agus oideachas, fostaíocht agus cosaint shóisialta. Céim shuntasach atá sa Ghrúpa Stiúrtha seo chun cur chuige níos comhordaithe, níos tuisceanaí agus níos éifeachtaí a fhorbairt maidir le meabhairshláinte do chách in Éirinn.
Le linn an chruinnithe, fuair a raibh i láthair cuir i láthair mhionsonraithe maidir le gach ceann de na beartais seo agus phléigh siad an bealach is fearr chun an mheabhairshláinte a chomhtháthú mar thosaíocht straitéiseach ina ranna faoi seach. Bhailchríochnaigh agus chomhaontaigh an Grúpa a Théarmaí Tagartha, lena leagtar síos an bunús don chomhar amach anseo.
Beidh an chéad chruinniú eile ar siúl i mí na Samhna 2025.
|
Ainm |
Roinn |
|
Siobhán McArdle |
An Roinn Sláinte (Cathaoirleach) |
|
Siobhán Hargis |
An Roinn Sláinte (an tAonad Meabhairshláinte) |
|
Philip Dodd |
An Roinn Sláinte(Leas-Phríomhoifigeach Leighis) |
|
John Farrelly |
An Coimisiún Meabhairshláinte |
|
Claire O’Reilly |
Talmhaíocht, Bia agus Muirí |
|
Ronan Mulhall |
Oideachas agus an Óige |
|
Fiona Kilcullen |
Fiontar, Trádála agus Fostaíocht |
|
Mary Doyle |
Airgeadas |
|
Sinéad Mahon |
Breisoideachais agus Ardoideachais, Taighde, Nuálaíocht agus Eolaíocht |
|
Mary O'Regan |
Dlí |
|
Niamh O’Reilly |
Caiteachas poiblí, Seachadadh agus Athchóiriú NDP |
|
Deirdre Kelly |
Forbairt Tuaithe agus Pobail |
|
Lorraine Danaher |
Coimirce Sóisialaí |
|
Emma Sambrooks |
Taoiseach |
|
Michelle Ruddy |
Turasóireacht, Cultúr, Ealaíona, Gaeltacht, Spórt agus Meáin |
|
Eoin Keehan |
Iompar |
|
Peter Collins |
OOP |
|
Aleisha Clarke |
FSS |
|
Ronan Mulhall |
Cosanta |