Impíonn an tAire Sláinte agus an Príomhoifigeach Leighis ar an bpobal a sláinte a chosaint le vacsaíní fliú agus COVID-19
- Foilsithe: 14 Samhain 2025
- An t-eolas is déanaí: 14 Samhain 2025
Tá an tAire Sláinte Jennifer Carroll MacNeill, TD, agus an Príomhoifigeach Leighis (CMO), an tOllamh Mary Horgan, ag meabhrú don phobal inniu a sláinte a chosaint trí vacsaíní fliú agus COVID-19 a fháil.
Is galar víreasach é an fliú, ar a dtugtar influenza freisin, a chuireann isteach ar scamhóga agus ar aerbhealaí uachtaracha an duine. Is féidir tinneas tromchúiseach agus ospidéalú a bheith mar thoradh air seo, go háirithe i measc grúpaí leochaileacha cosúil le daoine óga, daoine scothaosta, agus iad siúd a bhfuil riochtaí sláinte orthu.
Cuireann vacsaíní cosaint éifeachtach ar fáil. Ós rud é go nglacann sé thart ar choicís chun go dtiocfaidh an chosaint iomlán na vacsaíní fliú agus COVID-19 i bhfeidhm, moltar don phobal a gcuid vacsaíní a fháil a luaithe is féidir. Tríd scaipeadh an víris i rith an gheimhridh a laghdú, laghdófar líon na ndaoine a thagann chuig an Roinn Éigeandála agus maolóidh sé an t-ualach ar ospidéil i rith an gheimhridh.
Tá an dá vacsaín saor in aisce do ghrúpaí daoine incháilithe agus tá siad ar fáil trí dhochtúirí teaghlaigh, i gcógaslanna rannpháirteacha, i roinnt suíomhanna cúram sláinte agus i roinnt suíomhanna bunscoile.
Tá an vacsaín fliú do leanaí, a sheachadtar trí sprae sróine, ar fáil saor in aisce freisin do gach leanbh idir dhá agus seacht mbliana déag d'aois.
Dúirt an tAire Carroll MacNeill, a fuair a vacsaín fliú féin ag clinic vacsaínithe in Ospidéal Ollscoile Luimnigh:
“Is bealach den scoth agus éifeachtach iad vacsaíní chun scaipeadh víris a laghdú, chun ár seirbhísí cúram sláinte a chosaint.
"Ar thuras go Luimneach le déanaí, chuir mé le mo chosaint in aghaidh an fhliú ag clinic vacsaínithe UHL agus ag moladh do gach duine a vacsaín fliú a fháil chun iad féin agus a ndaoine muinteartha a chosaint.
"D’fhéadfadh fliú agus COVID-19 araon a bheith éagsúil - ó eispéireas gearrthéarmach míthaitneamhach go cúrsaí in aimhréidh, a chuireann duine i mbaol a mbáis agus iad san ospidéal. Tá tráthúlacht i gceist agus scaiptear na víris seo ag leibhéal níos airde le linn míonna an gheimhridh. Dá luaithe is a fhaigheann daoine vacsaíní, is amhlaidh is fearr do chách, mar sin déan coinne inniu ag áit atá áisiúil duit."
Dúirt an tOllamh Horgan, a fuair a vacsaíní fliú agus COVID-19 i gcógaslann phobail:
"Is bealach éifeachtach iad vacsaíní chun ár sláinte féin a chosaint, chomh maith lenár ndaoine muinteartha agus grúpaí leochaileacha timpeall orainn a chosaint.
"Táim ag iarraidh go háirithe ar thuismitheoirí leanaí atá dhá bhliain d'aois agus níos sine machnamh ceart a dhéanamh ar an vacsaín fliú a fháil dá leanaí. De réir mar a éiríonn laethanta níos fuaire, caithimid go léir tuilleadh ama laistigh, rud a fhágann go scaiptear víris an gheimhridh i bhfad níos fusa. Laghdaíonn an vacsaín an baol go mbeidh leanaí tinn agus laghdaíonn sé an baol freisin go scaiptear an ionfhabhtú chuig daoine eile, cosúil le seantuismitheoirí, a d'fhéadfadh a bheith níos leochailí.
“Is féidir le tuismitheoirí coinne a dhéanamh le dochtúirí teaghlaigh agus cógaslanna rannpháirteacha don vacsaín spraeála sróine saor in aisce do leanaí. Tá sé á chur ar fáil i roinnt suíomhanna scoile chomh maith.”
Nótaí
Tá tuilleadh eolais faoin 'vacsaín fliú ar fáil anseo
Tá tuilleadh eolais faoin 'vacsaín COVID-19 ar fáil anseo
Maidir le clár vacsaínithe fliú 2025/26, beidh an 'vacsaín fliú ar fáil saor in aisce do:
- Gach duine 60 bliain d'aois agus os a chionn
- Leanaí idir 2 agus 17 mbliana d'aois.
- Oibrithe cúram sláinte
- Daoine atá torrach
- Cónaitheoirí i dTithe Altranais agus áiteanna fadchónaitheacha eile.
- Daoine a bhíonn taobh le muca, héanlaith nó héin uisce go rialta
- Daoine a bhfuil riocht sláinte air/uirthi a chuireann i mbaol níos airde thú in aghaidh an fhliú (6 mhí d'aois agus níos sine)
- Daoine a chónaíonn le duine a bhfuil riocht sláinte air/uirthi a chuireann i mbaol níos airde iad in aghaidh an fhliú
- Cúramóirí do dhuine a bhfuil riocht sláinte air/uirthi a chuireann i mbaol níos airde iad in aghaidh an fhliú
- Daoine le riocht sláinte áirithe orthu – tá siadar fáil anseo.
Moltar é go bhfaigheann na daoine seo a leanas 'vacsaín COVID-19 saor in aisce:
- Daoine atá 60 bliain d'aois agus os a chionn
- Daoine atá 18 mbliana d'aois agus os a chionn agus atá ina gcónaí i saoráid cúraim fhadtéarmaigh
- Daoine atá 6 mhí d'aois agus níos sine le córas imdhíonachta lag acu
- Daoine atá 6 mhí d'aois agus níos sine le riocht sláinte a chuireann i mbaol mór do thinneas tromchúiseach iad ó COVID-19
Galar ainsealach croí, duáin, ae, néareolaíoch nó riospráide
- Ailse
- Diaibéiteas
- Deacrachtaí tromchúiseacha meabhairshláinte
- Innéacs Corpmhaise (BMI) níos airde ná 40
Tá vacsaíní COVID-19 ar fáil freisin d’oibrithe sláinte agus cúraim, daoine óga atá ag iompar clainne agus do gach duine fásta idir 18 agus 59 bliain d’aois, a roghnaíonn vacsaín tar éis plé a dhéanamh le soláthraí cúram sláinte.