Foilsíonn an tAire Sláinte Athbhreithniú ar Bheartas agus ar Sheirbhísí Diaibéiteas
- Foilsithe: 4 Meitheamh 2026
- An t-eolas is déanaí: 4 Meitheamh 2026
Sheol an tAire Sláinte, Jennifer Carroll MacNeill TD, an tAthbhreithniú ar Bheartas agus ar Sheirbhísí Diaibéiteas: Straitéis le haghaidh Cúram Feabhsaithe.
Seo í an chéad straitéis náisiúnta in Éirinn maidir le diaibéiteas agus leagann sí amach moltaí le haghaidh gníomhaíochta i ndáil le diaibéiteas cineál 1, diaibéiteas cineál 2, diaibéiteas le linn toirchis, agus diaibéiteas péidiatraice.
Bhí an méid seo a leana le rá ag an Aire Jennifer Carroll MacNeill:
“Tá dul chun cinn suntasach déanta i seachadadh cúram diaibéiteas le blianta beaga anuas, lena n-áirítear tabhairt isteach an Chreata Náisiúnta um Chosc agus Bainistiú Comhtháite Galar Ainsealach.”
"Chuir sé seo tacaíocht ar fáil do chur i bhfeidhm an Chláir um Bainistíocht Galar Ainsealach agus do bhunú foirne speisialtóireachta pobalbhunaithe do dhaoine atá ina gcónaí le diaibéiteas cineál 2."
"Tá sé mar aidhm ag an straitéis seo a chinntiú go mbeidh rochtain chothrom ag daoine atá ina gcónaí le gach cineál diaibéiteas, beag beann ar a suíomh, ar chaighdeán ard cúraim i gcónaí."
Tá gealltanas tugtha ag an Rialtas straitéis nua a fhorbairt do chúram diaibéiteas ina Chlár Rialtais, ‘Todhchaí na hÉireann a Dhaingniú'. Is cloch mhíle mhór í an straitéis i gcúram diaibéiteas in Éirinn, agus léiríonn sí forbairt cur chuige aontaithe i leith seachadadh cúram diaibéiteas.
Dúirt Príomhoifigeach Cliniciúil FSS Dr Colm Henry:
“Cuirim fáilte roimh chríochnú na tuarascála seo agus táim ag tnúth le bheith ag obair le comhghleacaithe chun a chinntiú go gcuirfear i bhfeidhm go héifeachtach í.”
“Is dúshlán mór é diaibéiteas dóibh siúd atá ina gcónaí leis an riocht agus má chinntítear cúram éifeachtach agus comhsheasmhach ar fud na tíre, déanfaidh sé difríocht shuntasach ina saol.”
“Cabhróidh sé freisin lena chinntiú go seachadtar cúram ar an leibhéal is éifeachtaí is féidir, rud a chinnteoidh go n-úsáidfear acmhainní an chórais sláinte ar an mbealach is éifeachtaí freisin.”
Dúirt an tOllamh Hilary Hoey, Cathaoirleach ar Diabetes Ireland:
“Tá áthas orm fáilte a chur roimh fhoilsiú na straitéise seo le haghaidh cúram diaibéiteas. Tá áthas ar Diaibéiteas Éireann comhoibriú leis an Roinn Sláinte agus leis an FSS chun an straitéis a fhorbairt; beidh difríocht i saol daoine atá ina gcónaí le diaibéiteas sa tír seo mar gheall ar chur i bhfeidhm a mholtaí.
“Táim ag tnúth le bheith ag obair leis an Roinn Sláinte agus leis an FSS chun a chinntiú go gcuirfear i bhfeidhm go héifeachtach é.”
Cuirfidh an FSS Creat Cur Chun Feidhme i gcrích go luath chun cur leis an Athbhreithniú ar Bheartas agus ar Sheirbhísí Diaibéiteas: Straitéis le haghaidh Cúraim Feabhsaithe agus chun a chinntiú go gcuirfear feabhas ar chúram diaibéiteas ar fud na réigiún ar bhonn comhsheasmhach.
Léigh an tAthbhreithniú ar Bheartas agus ar Sheirbhísí Diaibéiteas: Straitéis le haghaidh Cúraim Feabhsaithe.
NÓTAÍ:
Is gealltanas de chuid Chlár an Rialtais é straitéis nua a fhorbairt do chúram diaibéiteas.Tacaíonn sé freisin le fís Sláintecare maidir le cúram comhtháite, dírithe ar an duine.
Clúdaíonn na moltaí ceithre phríomhthéama:
Forbairt Seirbhíse - Áirítear ar na moltaí maidir le forbairt seirbhísí diaibéiteas gníomhartha chun cleachtais i seachadadh cúram diaibéiteas a chaighdeánú de réir treoirlínte Náisiúnta agus Idirnáisiúnta.
Inacmhainneacht agus Rochtain ar chúram - Gníomhartha molta chun rochtain ar theicneolaíocht diaibéiteas (amhail monatóir leanúnach glúcóis, caidéil inslin, agus pinn chliste) a fheabhsú bunaithe ar riachtanas cliniciúil. Baineann na moltaí seo le rochtain ar an teicneolaíocht féin, chomh maith le rochtain ar fhoireann diaibéiteas oilte chun tacú le húsáid na teicneolaíochta diaibéiteas.
Tacaíocht níos fearr do dhaoine atá ina gcónaí le diaibéiteas – Moltaí a bhaineann le feabhas a chur ar thacaíocht do dhaoine óga atá ag aistriú ó chúram diaibéiteas péidiatraice go cúram diaibéiteas do dhaoine fásta, tacaíocht sláinte meabhrach, tacaíocht do mhná a bhfuil diaibéiteas orthu le linn toirchis agus iar-toirchis, chomh maith le tacaíocht féinbhainistíochta diaibéiteas.