Seolann an tAire Meabhairshláinte Samhail Chúraim do Shíciatracht Chomhairliúcháin agus Idirchaidrimh
- Foilsithe: 29 Bealtaine 2025
- An t-eolas is déanaí: 30 Bealtaine 2025
Sheol an tAire Meabhairshláinte, Mary Butler TD, an tSamhail Chúraim nua do Shíciatracht Chomhairliúcháin agus Idirchaidrimh, creat cuimsitheach chun forbairt seirbhísí de Shíciatracht Chomhairliúcháin agus Idirchaidrimh in ár n-ospidéil a threorú.
Cuireann Síciatracht Idirchaidrimh, ar a dtugtar Síciatracht Chomhairliúcháin agus Idirchaidrimh (CLP) air fosta, saineolas speisialaithe meabhairshláinte ar fáil i Rannóga Éigeandála agus i mbardaí ospidéil ginearálta. Tá ról ríthábhachtach ag Síciatracht Idirchaidrimh maidir le tacú le daoine a bhfuil riachtanais fhisiciúla agus meabhairshláinte acu araon, go háirithe daoine le neamhord itheacháin, iad siúd atá ag déanamh díobhála dóibh féin agus daoine a bhfuil féinmharú ar a n-intinn acu.
Ag labhairt ag an seoladh, dúirt an tAire Butler:
“Is cloch mhíle í an tSamhail Chúraim seo inár dturas athchóirithe Meabhairshláinte Náisiúnta. Déanann sé cinnte go gcaitear leis na daoine sin in ospidéal a bhfuil tacaíocht meabhairshláinte de dhíth orthu, leis an bpráinn, dínit agus ardchaighdeáin chéanna a bhíonn á dtaispeáint leis na daoine a bhfuil galar fisiciúil orthu. Is léiriú praiticiúil agus bríoch é seo de thiomantas na seirbhíse sláinte chun cúram duinelárnach, comhtháite a bhaint amach, atá ailínithe le spriocanna ár bpolasaí meabhairshláinte náisiúnta Comhfhís.
“Cuireann ár bhfoireann um Shíciatracht Idirchaidrimh seirbhís ríthábhachtach ar fáil do dhaoine a bhfuil riachtanais chasta agus go minic, éigeandála acu, ag obair gan liostaí feithimh agus gan bhacainní chun freastal ar na hothair a dteastaíonn siad uathu. Baineann buntáistí éagsúla le Síciatracht Idirchaidrimh fheabhsaithe inár n-ospidéil, lena n-áirítear strus laghdaithe agus ardú ar shásamh na n-othar, níos lú ama caite in ospidéal, caighdeán saoil feabhsaithe, tuilleadh tacaíochta do chúramóirí agus d’fhoirne agus naisc thráthúla le seirbhísí meabhairshláinte sa phobal."
Bhí an tSamhail Chúraim (MoC) forbartha go comhoibritheach ag Dámh um Shíciatracht Idirchaidrimh, Coláiste na Síciatrachta, Éire agus ag Feidhmeannacht na Seirbhíse Sláinte (HSE). Bhí a fhorbairt treoraithe ag moladh 60 de Comhfhís (2020) “ba chóir go dtarlódh leathnú leanúnach ar Sheirbhísí Meabhairshláinte Idirchaidrimh do gach aoisghrúpa i gcomhthéacs de Mhúnla Cúraim um Idirchaidreamh Meabhairshláinte comhtháite.”
Bunaíodh grúpa oibre náisiúnta chun an obair seo a chur chun cinn, lena n-áirítear geallsealbhóirí tábhachtacha, ag tagairt do dhea-chleachtas náisiúnta agus idirnáisiúnta.
Beidh cur i bhfeidhm céimnithe forbartha ag an FSS anois, ailínithe le hullmhacht seirbhíse agus pleanáil d’fhórsa saothair, chun tacú le rolladh amach inbhuanaithe agus comhordaithe den tSamhail Chúraim.
Mar fhocal scoir, dúirt an tAire Minister Butler:
“Tá na seirbhísí seo ina réimsí is gnóthaí agus is baolaí laistigh de sheirbhísí meabhairshláinte agus tá mé ag obair go crua faoi láthair chun roghanna malartacha ar Rannóga Éigeandála a fhorbairt do dhaoine atá ag fulaingt le fadhbanna meabhairshláinte. Mar sin féin, tá a fhios againn go mbeidh méid áirithe de dhaoine fós ag dul chuig na Rannóga Éigeandála agus go dteastaíonn freagairtí comhordaithe níos gasta agus níos fearr ó na daoine sin nuair a thagann siad chuige. Tá an tSamhail Chúraim seo ina cuid thábhachtach dár ngealltanas chun taithí an duine sa Roinn Éigeandála a fheabhsú, go sonrach daoine atá ann mar gheall ar ghéarchéim mheabhairshláinte.”