Ráiteas ón bhFoireann Éigeandála Sláinte Poiblí Náisiúnta - Dé hAoine, an 26 Márta 2021

Cuireadh an tIonad Faireachais um Chosaint Sláinte ar an eolas inniu ar 20 bás breise a bhaineann le COVID-19.

Tharla 11 de na básanna seo i Márta, 3 bhás i bhFeabhra agus 6 bhás in Eanáir.

Ba é 73 bliain meánaois na ndaoine siúd a fuair bás, faoi seach. Ba é an raon aoise 57-91 bliain.

Tá 4,651 duine, ar an iomlán, tar éis bás a fháil in Éirinn go dtí seo a bhain le COVID-19.

Amhail meán oíche Déardaoin, an 25 Márta, cuireadh an IFCS ar an eolas ar 584 cás deimhnithe de COVID-19. Tá 233,327 cás deimhnithe, ar an iomlán, de COVID-19 ann anois in Éirinn.*

As na cásanna a cuireadh in iúl inniu:

• fir 297 díobh / mná 286 díobh
• tá 72% díobh faoi 45 bliain d’aois
• is é 34 bliain an mheánaois
• tá 222 cás i mBaile Átha Cliath, 44 i gCill Dara, 33 in Uíbh Fhailí, 31 sa Mhí, 29 san Iarmhí agus tá an fuílleach 225 cás leata i measc 19 gcontae eile**.

Amhail 8am inniu, tá 317 othar COVID-19 san ospidéal, agus tá 67 astu siúd san aonad dianchúraim. Tugadh 25 duine sa bhreis go dtí an t-ospidéal le 24 uair an chloig anuas.

Amhail an 23 Márta, tugadh 709,348 dáileog de vacsaín COVID-19 in Éirinn:

• tá a gcéad dáileog faighte ag 515,800 duine.
• tá a dara dáileog faighte ag 193,548 duine.

Cuirtear eolas cothrom le dáta ar fáil ar Chlár Eolais COVID-19 ar phríomhtháscairí COVID-19 sa phobal, sonraí laethúla san áireamh faoi Chlár Vacsaínithe COVID-19 na hÉireann.

• Mar thoradh ar bhailíochtú sonraí a rinne an IFCS, rinneadh 15 chás deimhnithe a dhífhógairt. Léirítear é seo san fhigiúr 233,327 cás deimhnithe.

**Ba cheart a mheas go bhfuil sonraí faoi chontae sealadach mar gheall gur córas dinimiciúil é an Córas Tuairiscithe Ríomhairithe Galar Tógálach (CIDR) náisiúnta agus tá sonraí faoi chásanna á mbailíochtú agus á nuashonrú go leanúnach.

~Cuireann meán gluaisteach 5 lá na gcásanna nua táscaire cuí ar fáil maidir le líonta na gcásanna reatha laethúla laistigh de chontae. Cuirtear san áireamh ann aon chásanna a dhéantar a bhailíochtú le haghaidh laethanta roimhe seo agus cuirtear san áireamh meán luaineacht laethúil/deireadh seachtaine na líonta cásanna.

• Ráta na dteagmhas 7 lá 85 cás

• Meán gluaisteach 5 lá 552 cás