Ráiteas ón bhFoireann Éigeandála Sláinte Poiblí Náisiúnta - Dé hAoine an 7 Lúnasa 2020

Cuireadh an tIonad Faireachais um Chosaint Sláinte (an IFCS) ar an eolas inniu go bhfuil bás faighte ag 4 othar ar diagnóisíodh go raibh COVID-19 orthu.

Tá 1,772 duine, ar an iomlán, tar éis bás a fháil in Éirinn go dtí seo a bhain le COVID-19.

Amhail meán oíche Déardaoin, an 6 Lúnasa, cuireadh an IFCS ar an eolas ar 98 cás nua deimhnithe de COVID-19. Tá 26,470 cás deimhnithe, ar an iomlán, de COVID-19 ann anois in Éirinn.

As na cásanna a cuireadh in iúl inniu:

• fir iad 57 díobh / mná iad 38 díobh
• tá 68% díobh faoi 45 bliain d’aois
• deimhníodh go mbaineann 67 cás le briseadh amach nó le daoine a rinne teagmháil dhlúth le cás deimhnithe
• sainaithníodh 4 chás mar chásanna a tarchuireadh sa phobal
• tá 35 cás suite i gCill Dara, tá 26 in Uíbh Fhailí, tá 6 i Loch Garman, tá 5 i Laois, tá 5 i mBaile Átha Cliath agus tá 21 cás leata i measc deich gcontae eile (Ceatharlach, an Cabhán, Dún na nGall, Cill Chainnigh, Luimneach, Lú, an Mhí, Muineachán, an Iarmhí agus Cill Mhantáin)

Tá FSS ag oibriú chun aon teagmhálacha a d’fhéadfadh go ndearna na hothair a shainaithint chun eolas agus comhairle a sholáthar dóibh chun cosc a chur ar an víreas a scaipeadh níos mó.

Cuirtear eolas cothrom le dáta ar fáil ar Dheais COVID-19 ar phríomhtháscairí COVID-19 sa phobal.

CRÍOCH

Nótaí don Eagarthóir:

Ba cheart go mbeadh na tosca baoil go dtiocfaidh COVID-19 orainn ar eolas ag gach duine:

• Fad – téann an baol go dtiocfaidh COVID-19 ort in airde de réir mar a thagann laghdú ar an bhfad idir tú féin agus daoine eile. Fan 2 mhéadar amach ó dhaoine eile, sa chás gur féidir
• Gníomhaíocht – Is féidir leis an mbealach a chaitheann tú am le daoine agus na rudaí a dhéanann tú leo an baol atá romhat a mhéadú. Cloígh le Treoirlínte Bí Sábháilte an rialtais nuair a bhíonn am á chaitheamh agat le daoine eile
• Am – Dá mhéid ama a chaitheann tú le teagmháil dhlúth a dhéanamh le daoine eile is airde an baol go dtiocfaidh COVID-19 ort. Coimeád cuntas ar na daoine a gcaitheann tú am leo agus ar conas a chaitheann tú am leo
• Timpeallacht – Tá sé níos sábháilte bheith taobh amuigh ná bheith taobh istigh. Cas le daoine eile taobh amuigh, sa chás gur féidir. Mura féidir seo a dhéanamh, coimeád fuinneoga agus doirse ar oscailt nuair a chasann tú le daoine eile taobh istigh
• Comharthaí – Bíodh eolas agat ar na comharthaí. Má tá na comharthaí ort, déan féinaonrú agus déan teagmháil le do dhochtúir ginearálta láithreach

Tá Comhairle Sláinte Poiblí do gach saoránach ar fáil anseo.

Bíodh eolas agat ar chomharthaí COVID-19

Is iad siúd:

• fiabhras (ardteocht - 38 céim Celsius nó os a cionn)
• casacht- is féidir le haon saghas casachta a bheith i gceist leis seo, seachas díreach casacht thirim
• gearranáilnó deacrachtaí anála
• caillteanas bolaidh nó má thagann athrú ar do bholadh nó do bhlas
• comharthaí ar nós fliú