Ráiteas ón bhFoireann Náisiúnta Éigeandála Sláinte Poiblí - Dé Céadaoin, an 18 Márta
- Foilsithe: 18 Márta 2020
- An t-eolas is déanaí: 11 Aibreán 2025
Tugadh fógra don Ionad Faireachais um Chosaint Sláinte faoi 74 chás dheimhnithe nua de COVID-19 in Éirinn.
Tá na cásanna comhdhéanta de 29 mbean agus de 45 fhear.
Tá dhá bhás a bhaineann le COVID-19 ann in Éirinn.
Tá 366 chás dheimhnithe de COVID-19 ann in Éirinn anois.
Tá Feidhmeannacht na Seirbhíse Sláinte (FSS) ag obair go tapa anois chun aon daoine a bhféadfadh go raibh na hothair i dteagmháil leo a shainaithint chun faisnéis agus comhairle a thabhairt dóibh ar mhaithe le tuilleadh leata a chosc.
Chuir an Fhoireann Náisiúnta Éigeandála Sláinte Poiblí anailís ar fáil ar an 271 chás ar tugadh fógra dó fúthu amhail meán oíche, Dé Luain an 16 Márta 2020:
- den 271 chás ar tugadh fógra fúthu, baineann 40% le fir agus baineann 59% le mná, agus 23 bhraisle ann
- de na cásanna a tháinig chun cinn go dtí seo, baineann 42% leis an taisteal, baineann 22% le tarchur pobail, tháinig 17% as tarchur áitiúil agus tá 20% fós á n-imscrúdú
- tá dhá dtrian de na hothair níos óige ná 55 bliana, agus beagnach duine amháin as gach ceathrar idir 35 bliana d’aois agus 44 bliana d’aois
- is oibrí cúram sláinte atá i nduine amháin as gach cúigear othar, agus taisteal i gceist le 37% de na cásanna sin
- ba i mBaile Átha Cliath a chonacthas an líon ab airde cásanna, agus é cothrom le 129 gcás. Ba i gCorcaigh (48 gcás) agus i Luimneach (14 chás) a chonacthas an dara agus an tríú líon ab airde cásanna faoi seach
Dúirt an Dr Tony Holohan, Príomhoifigeach Míochaine sa Roinn Sláinte:
"Tá méadú eile ar an líon cásanna le feiceáil arís inniu. Níor cheart an tábhacht a bhaineann le scaradh sóisialta a ghannmheas. Is gá do gach duine a gcuid féin a dhéanamh.
"Is gá dúinn leanúint lenár seacht ndícheall a dhéanamh cur isteach ar shlabhraí nua tarchuir agus braislí a choinneáil faoi smacht.
"Ná bíodh teagmháil shóisialta agat le haon duine seachas do gharghaolta. Cloígh le scaradh sóisialta. Ná croith lámha agus ná tabhair barróg nuair a bheannaíonn tú do dhuine."
CRÍOCH
Staitisticí ospidéil
| Foinse: HSPC | An líon daoine | *% den iomlán |
| An líon iomlán daoine a cuireadh san ospidéal | 84 | 31 |
| An líon iomlán daoine a ligeadh isteach san Aonad Dianchúraim | 6 | 2 |
| An líon iomlán básanna | 2 | 0.7 |
| An ráta báis i measc na gcásanna | 2 | 0.7 |
| An líon iomlán oibrithe cúram sláinte | 59 | 22 |
| An líon braislí ar tugadh fógra fúthu | 23 |
- Tomhaiseadh na staitisticí uile an 16 Márta.
An t-aoisraon a ndeachthas i bhfeidhm air
| Aoisghrúpa | An líon daoine | % den iomlán |
| <1 | 1 | 0 |
| 1 - 4 | 0 | 0 |
| 5 - 14 | 4 | 1 |
| 15 - 24 | 28 | 10 |
| 25 - 34 | 48 | 18 |
| 35 - 44 | 62 | 23 |
| 45 - 54 | 40 | 15 |
| 55 - 64 | 46 | 17 |
| 65+ | 42 | 15 |
- Tomhaiseadh na staitisticí uile an 16 Márta.
Conas a bhíonn COVID-19 á leathadh
| Aicmiú tarchuir | An líon daoine | % den iomlán |
| Tarchur pobail | 60 | 22 |
| Teagmháil le cás deimhnithe | 45 | 17 |
| Taisteal thar lear | 113 | 42 |
| Tá an cás fós á imscrúdú | 53 | 20 |
- Tomhaiseadh na staitisticí uile an 16 Márta.
Tabhair faoi deara:
I gcás go dtaispeánfaidh toradh tástála go bhfuil COVID-19 ar dhuine agus nach raibh an duine sin thar lear nó nach raibh aon teagmháil aige/aici le cás deimhnithe eile in Éirinn, cuirfear an cás i leith tarchur pobail.
I gcás go dtaispeánfaidh toradh tástála go bhfuil COVID-19 ar dhuine agus go mbeifear in ann é sin a nascadh le cás deimhnithe eile in Éirinn, cuirfear an cás i leith tarchur áitiúil.
Oibrithe cúram sláinte
| Baineann an cás leis an taisteal | 22 | 37% |
| Ní bhaineann an cás le haon taisteal thar lear | 36 | 61% |
| Tá an cás fós á imscrúdú | 1 | 2% |
| Iomlán | 59 | 100% |
- Tomhaiseadh na staitisticí uile an 16 Márta.
Cásanna de réir contae
| Contae | An líon cásanna | |
| Ceatharlach | ≤ 5 | |
| An Cabhán | ≤ 5 | |
| An Clár | ≤ 5 | |
| Dún na nGall | ≤ 5 | |
| Cill Dara | ≤ 5 | |
| Cill Chainnigh | ≤ 5 | |
| An Longfort | ≤ 5 | |
| Lú | ≤ 5 | |
| Maigh Eo | ≤ 5 | |
| An Mhí | ≤ 5 | |
| Uíbh Fhailí | ≤ 5 | |
| Ros Comáin | ≤ 5 | |
| Sligeach | ≤ 5 | |
| Tiobraid Árann | ≤ 5 | |
| Loch Garman | ≤ 5 | |
| Ciarraí | 6 | |
| Port Láirge | 7 | |
| An Iarmhí | 7 | |
| Cill Mhantáin | 9 | |
| Gaillimh | 12 | |
| Luimneach | 14 | |
| Corcaigh | 48 | |
| Baile Átha Cliath | 129 |
- Tomhaiseadh na staitisticí uile an 16 Márta.
Ciallaíonn < 'níos lú ná'.
Ciallaíonn ≤ 'níos lú ná nó cothrom le'.