Ráiteas ón bhFoireann Náisiúnta Éigeandála Sláinte Poiblí - Dé Céadaoin, an 25 Márta
- Foilsithe: 25 Márta 2020
- An t-eolas is déanaí: 11 Aibreán 2025
- Staitisticí ospidéil
- Inscne na n-othar
- An t-aoisraon a ndeachthas i bhfeidhm air
- Conas a bhíonn COVID-19 á leathadh
- Oibrithe cúram sláinte
- Cásanna a cuireadh san ospidéal de réir aoisghrúpa
- Cásanna de réir contae
Tugadh fógra don Ionad Faireachais um Chosaint Sláinte inniu go bhfuil beirt othar in Éirinn ar diagnóisíodh go raibh COVID-19 orthu tar éis bás a fháil.
Is iad na hothair atá i gceist ná bean a chónaigh in oirthear na tíre agus a raibh bunriocht leighis uirthi agus fear a chónaigh in oirthear na tíre.
Tá naoi mbás a bhaineann le COVID-19 ann in Éirinn anois.
Tugadh fógra don Ionad Faireachais um Chosaint Sláinte faoi 235 chás dheimhnithe nua de COVID-19 in Éirinn amhail 1pm, Dé Céadaoin an 25 Márta.
Tá 1,564 chás dheimhnithe de COVID-19 ann in Éirinn anois.
Tá Feidhmeannacht na Seirbhíse Sláinte (FSS) ag obair anois chun aon daoine a bhféadfadh go raibh na hothair i dteagmháil leo a shainaithint chun faisnéis agus comhairle a thabhairt dóibh ar mhaithe le tuilleadh leata a chosc.
Nochtar an méid seo a leanas sna sonraí a d’eisigh an tIonad Faireachais um Chosaint Sláinte inniu, mar a bhí an scéal ag meán oíche, Dé Luain an 23 Márta (1,146 chás):
- baineann 55% de chásanna le fir agus baineann 45% díobh le mná, agus 63 bhraisle ann a chuimsíonn 289 gcás
- is é aois airmheánach na gcásanna deimhnithe ná 45 bliana d’aois
- cuireadh 305 chás (26%) san ospidéal
- díobh sin a cuireadh san ospidéal, ligeadh 39 gcás isteach san Aonad Dianchúraim
- baineann 283 chás (24%) le hoibrithe cúram sláinte
- ba i mBaile Átha Cliath a chonacthas an líon ab airde cásanna, agus é cothrom le 559 gcás (57% de na cásanna uile). Ba i gCorcaigh (133 chás) a chonacthas an dara líon ab airde cásanna (11% de na cásanna uile)
- maidir leis na cásanna sin a bhfuil a stádas tarchuir ar eolas: tá tarchur pobail freagrach as 49% díobh, tá dlúth-theagmháil freagrach as 23% díobh agus tá taisteal thar lear freagrach as 28% díobh
Dúirt an Dr Tony Holohan, Príomhoifigeach Míochaine sa Roinn Sláinte:
"Léiríodh sna sonraí a d’eisíomar inné nach raibh COVID-19 ach ar 6% de na daoine a tástáladh go dtí seo. Is é sin le rá, ní raibh COVID-19 ach ar sheisear as gach 100 duine a thástálamar. Ba ina fhianaise sin a d’athraíomar ár sainiú cáis.
"Athraítear an sainiú cáis mar ghnáthchleachtas agus paindéimí á mbainistiú. Ba mhaith linn ár ráta braite 6% a mhéadú agus an oiread daoine a bhfuil COVID-19 orthu agus is féidir a aimsiú agus a leithlisiú agus, ar an mbealach sin, an leathadh a shrianadh."
Dúirt an Dr Ronan Glynn, Leas-Phríomhoifigeach Míochaine sa Roinn Sláinte:
"Táimid ag féachaint leis na daoine sin atá le tástáil a chur in ord tosaíochta, agus sinn ag díriú sa ghearrthéarma ar dhaoine atá soghonta agus ar na daoine lena mbaineann an baol is mó go nochtfaí iad don víreas."
Dúirt an Dr Colm Henry, Príomhoifigeach Cliniciúil, Feidhmeannacht na Seirbhíse Sláinte:
"Bhíomar i dteagmháil leanúnach le lia-chleachtóirí ginearálta thar na 24 huaire seo a chuaigh thart. Tá lia-chleachtóirí ginearálta san áit is fearr chun a chur in iúl do dhaoine aonair a bhfuil siomptóim orthu cé acu a theastaíonn nó nach dteastaíonn tástáil uathu. Ar deireadh thiar, ní bheidh aon tionchar ag an tástáil ar chúrsa cliniciúil an ghalair seo. Mar sin, ba cheart d’aon daoine a bhfuil siomptóim orthu iad féin a leithlisiú."
Is féidir faisnéis a fháil ach cuairt a thabhairt ar [nasc seachtrach: www.HSE.ie | suíomh Gréasáin FSS ] nó glao a chur ar líne chabhrach FSS ar 1850 24 1850.
Tiocfaidh an Fhoireann Náisiúnta Éigeandála Sláinte Poiblí le chéile an athuair Déardaoin an 26 Márta chun athbhreithniú a dhéanamh ar ullmhacht leanúnach agus freagairt na hÉireann do COVID-19.
[nasc inmheánach: 71739 | Is féidir leat amharc ar Dheais Faisnéise COVID-19 na Roinne anseo. ]
CRÍOCH
Staitisticí ospidéil
- Tomhaiseadh na staitisticí uile ag meán oíche, Dé Luain an 23 Márta.
Inscne na n-othar
- Tomhaiseadh na staitisticí uile ag meán oíche, Dé Luain an 23 Márta.
An t-aoisraon a ndeachthas i bhfeidhm air
- Tomhaiseadh na staitisticí uile ag meán oíche, Dé Luain an 23 Márta.
Conas a bhíonn COVID-19 á leathadh
- Tomhaiseadh na staitisticí uile ag meán oíche, Dé Luain an 23 Márta.
Tabhair faoi deara:
I gcás go dtaispeánfaidh toradh tástála go bhfuil COVID-19 ar dhuine agus nach raibh an duine sin thar lear nó nach raibh aon teagmháil aige/aici le cás deimhnithe eile in Éirinn, cuirfear an cás i leith tarchur pobail.
I gcás go dtaispeánfaidh toradh tástála go bhfuil COVID-19 ar dhuine agus go mbeifear in ann é sin a nascadh le cás deimhnithe eile in Éirinn, cuirfear an cás i leith tarchur áitiúil.
Oibrithe cúram sláinte
- Tomhaiseadh na staitisticí uile ag meán oíche, Dé Luain an 23 Márta.
Cásanna a cuireadh san ospidéal de réir aoisghrúpa
- Tomhaiseadh na staitisticí uile ag meán oíche, Dé Luain an 23 Márta.
Cásanna de réir contae
- Tomhaiseadh na staitisticí uile ag meán oíche, Dé Luain an 23 Márta.
Ciallaíonn ≤ 'níos lú ná nó cothrom le'.