Ráiteas ón bhFoireann Náisiúnta Éigeandála Sláinte Poiblí - Dé Domhnaigh an 01 Samhain 2020

Cuireadh in iúl don Ionad Faireachais um Chosaint Sláinte inniu go bhfuil beirt le COVID-19 tar éis bás a fháil.

Tá 1,915 san iomlán básaithe de thoradh COVID-19 in Éirinn.

Amhail meán oíche Dé Sathairn an 31 Deireadh Fómhair, cuireadh 552 cás nua deimhnithe de COVID-19 in iúl don HPSC. Tá 62,002* cás deimhnithe de COVID-19 in Éirinn go dtí seo.

(*Mar thoradh ar bhailíochtú sonraí ag an HPSC dí-fhógraíodh 6 chás deimhnithe. Léiríonn an figiúr 62,002 cás deimhnithe é seo.)

De na cásanna a cuireadh in iúl inniu:

• is fir iad 275 agus is mná iad 275 díobh
• tá 63% faoi bhun 45 bliana d’aois
• 36 aois airmheánach na ndaoine
• 173 i mBaile Átha Cliath, 86 i gCorcaigh, 40 i Luimneach, 30 i nDún na nGall agus tá 223 cás eile scaipthe ar fud na gcontaetha eile go léir

Amhail 2pm inniu tá 330 othar COVID-19 san ospidéal, agus tá 47 díobh sin san ICU. Cuireadh 17 in ospidéal le 24 uair an chloig anuas.

Soláthraíonn Deais COVID-19 faisnéis cothrom le dáta faoi phríomhtháscairí COVID-19 sa phobal.

CRÍOCH