Ráiteas ón bhFoireann Náisiúnta Éigeandála Sláinte Poiblí - Dé hAoine an 23 Deireadh Fómhair 2020
- Foilsithe: 23 Deireadh Fómhair 2020
- An t-eolas is déanaí: 27 Deireadh Fómhair 2020
Cuireadh in iúl don Ionad Faireachais um Chosaint Sláinte inniu go bhfuil 7 duine le COVID-19 tar éis bás a fháil. Tharla gach ceann de na básanna a tuairiscíodh inniu i mí Dheireadh Fómhair.
Tá 1,878 san iomlán básaithe de thoradh COVID-19 in Éirinn.
Amhail meán oíche Déardaoin an 22 Deireadh Fómhair, cuireadh 777 cás nua deimhnithe de COVID-19 in iúl don HPSC. Tá 55,261* cás deimhnithe de COVID-19 in Éirinn go dtí seo.
De na cásanna a cuireadh in iúl inniu;
- Is fir iad 434 / is mná iad 340 díobh
- Tá 66% faoi bhun 45 bliana d’aois
- 33 aois airmheánach na ndaoine
- 182 i mBaile Átha Cliath, 81 i nGaillimh, 44 i Loch Garman, 42 sa Mhí, 41 i gCorcaigh agus tá 387 cás eile scaipthe ar fud na gcontaetha go léir atá fágtha.
Amhail 2pm inniu tá 319 othar COVID-19 san ospidéal, agus tá 37 díobh sin san ICU. Cuireadh 24 duine san ospidéal le 24 uair an chloig anuas.
Dúirt an Dr. Tony Holohan, Príomhoifigeach Leighis, an Roinn Sláinte;
“Rinneadh 15,000 duine a dhiagnóisiú le COVID-19 le 14 lá anuas. Tá sé ríthábhachtach do gach duine a ndearnadh diagnóis orthu le déanaí iad féin a aonrú ar feadh na 10 lá in iomlán chun na daoine a bhfuil cónaí orthu leo, na daoine a bhfuil grá acu dóibh agus daoine ina bpobail a chosaint ar an ngalar an-tógálach seo. Ciallaíonn féin-aonrú fanacht sa bhaile, fanacht i do sheomra oiread agus is féidir, fanacht amach ó dhaoine eile, lena n-áirítear daoine i do theaghlach.
“Má tá cónaí ort le duine a bhfuil COVID-19 air nó má dúradh leat gur dlúth-theagmháil tú, ní mór duit do ghluaiseachtaí a shrianadh ar feadh 14 lá san iomlán. Fan sa bhaile - ná téigh ag obair, ná téigh ar scoil.
“Iarraim ar gach duine é féin a iompar amhail is gur dlúth-theagmhálaí é. Fan sa bhaile, seachas le haghaidh cúiseanna riachtanacha. Anois an t-am chun dianiarracht a dhéanamh an chomhairle sláinte poiblí a leanúint - coinnigh amach ó dhaoine eile, nigh do lámha agus caith clúdach aghaidhe. Déan do chuid chun na slabhraí tarchuir a bhriseadh ar fud teaghlaigh, comharsana agus an phobail."
Soláthraíonn Deais COVID-19Deais COVID-19 faisnéis cothrom le dáta faoi phríomhtháscairí COVID-19 sa phobal.
CRÍOCH
- Mar thoradh ar bhailíochtú sonraí ag an HPSC dí-fhógraíodh 8 gcás deimhnithe. Léiríonn an figiúr de 55,261 cás deimhnithe é seo.
Cásanna an lae inniu, ráta minicíochta 14 lá in aghaidh gach 100,000 den daonra agus cásanna nua le 14 lá anuas (amhail meán oíche an 22 Deireadh Fómhair 2020) (ráta minicíochta bunaithe ar dhaonra contae Dhaonáireamh 2016)
Nóta d'Eagarthóirí:
Bhí an ráta minicíochta náisiúnta 14 lá is ísle an 3 Iúil 2020 nuair a bhí an ráta 2.98 cás in aghaidh gach 100,000 den daonra.