Ráiteas ón bhFoireann Náisiúnta Éigeandála Sláinte Poiblí - Dé Luain an 08 Samhain 2021

‘‘Inniu táimid ag tuairisciú 3,161 cás COVID-19, le 498 in ospidéil agus 78 othar in aonaid dianchúraim. Tá a fhios againn go soláthraíonn an vacsaíniú an chosaint is láidre atá againn i gcoinne trombreoiteachta. Molaim d’éinne nach bhfuil vacsaínithe go fóill é sin a dhéanamh. Níl sé ró-dhéanach a bheith vacsaínithe agus cuirfear fáilte roimh do rannpháirtíocht i gclár vacsaíne COVID-19.

"Anois táimid ag tairiscint an tríú dáileog den vacsaín d’oibrithe cúraim sláinte agus do dhaoine os cionn 60 bliain d’aois. Táimid ag feideáil laghdaithe ionfhabhtaithe i measc na n-aoisghrúpaí sin a fuair teanndáileog. Ní féidir róbhéim a leagan ar an tábhacht a bhaineann le vacsaín a fháil. Má tá sé in am duit an teanndáileog a fháil, tar chun tosaigh agus faigh do theanndáileog.

"Mar fhocal scoir, ba mhaith liom a thabhairt ar aird deara go bhfuil clár vacsaíne don fhliú oscailte faoi láthair agus tugaim spreagadh do dhaoine de gach aois leas a bhaint as. Tá seans níos mó ann go bhfaighidh leanaí an fliú ná daoine fásta. Tá seans níos mó ann go mbeidh deacrachtaí tromchúiseacha ag leanaí ná daoine fásta leis an bhfliú. Cuideoidh an vacsaín fliú le do leanbh a chosaint ar an bhfliú agus é a scaipeadh chuig daoine eile cosúil le siblíní, tuismitheoirí agus seantuismitheoirí. Is féidir le leanaí agus daoine óga idir 2 agus 17 mbliana d’aois an vacsaín fliú sróine a fháil saor in aisce.

"Lean ort ag cleachtadh idirghabhálacha bunúsacha sláinte poiblí le do thoil chun scaipeadh galair a laghdú an geimhreadh seo - lámha a ní, fuinneoga a oscailt, maisc a chaitheamh agus, an rud is tábhachtaí, fanacht sa bhaile nuair a bhíonn siomptóim againn. Éiríonn go maith leis na bearta simplí seo chun slabhraí tarchuir an ghalair seo a bhriseadh."