Ráiteas ón bhFoireann Náisiúnta Éigeandála Sláinte Poiblí - Dé Luain an 13 Aibreán

Tugadh fógra don Lárionad Faire um Chosaint Sláinte inniu go bhfuil 31 othar in Éirinn ar diagnóisíodh go raibh COVID-19 orthu tar éis bás a fháil:

• tá 26 básaithe san oirthear, 3 san iarthuaisceart, 1 sa deisceart agus 1 in iarthar na tíre
• bhí 18 bean agus 13 fear san áireamh sna hothair
• 82 aois airmheánach na mbásanna a tuairiscíodh inniu
• tuairiscíodh go raibh fadhbanna eile sláinte ag 25 duine

Tá 365 básaithe de thoradh COVID-19 in Éirinn anois.

Léiríonn achoimre ar na 365 bás go léir a chuir an HPSC ar fáil an méid seo a leanas:

• fir ab ea 215 (59%) díobh siúd a fuair bás, mná ab ea 150 (41%)
• 82 aois airmheánach na mbásanna
• tógadh 247 de na cásanna seo isteach san ospidéal agus 37 isteach san ICU

Amhail 11.15am Dé Luain an 13 Aibreán, cuireadh na cásanna seo a leanas in iúl don HPSC:

• 527 cás deimhnithe breise de COVID-19 a thuairiscigh saotharlanna in Éirinn
• 465 cás deimhnithe breise de COVID-19 a thuairiscigh saotharlann sa Ghearmáin

Agus na figiúirí is déanaí ón nGearmáin san áireamh, tá 10,647 cás deimhnithe de COVID-19 in Éirinn anois.

Tá FSS ag obair chun aon teagmhálacha a d’fhéadfadh a bheith ag na hothair a aithint chun faisnéis agus comhairle a sholáthar dóibh chun scaipeadh breise a chosc.

Taispeánann taighde a rinneadh thar ceann na Roinne Sláinte go bhfuil an céatadán den daonra a bhraitheann go bhfuil an chuid is measa den phaindéim againn anois tar éis ardú go suntasach ó 11% an 16 Márta go 37% inniu, cé go mbraitheann 55% go bhfuil an chuid is measa fós romhainn.

Léiríonn an suirbhé ar líne ionadaíoch náisiúnta ar 1,270 duine fásta a rinneadh inniu, a dhéantar dhá uair sa tseachtain, an méid seo a leanas:

• leanann céatadán na ndaoine atá á n-iompar féin go sábháilte de bheith ag ardú maidir le hiompraíochtaí cosúil le lámha a ní (94%) díghalrán a úsáid (81%), ach tá sé tite maidir le suí scartha ó dhaoine eile (59%) rud a léiríonn níos mó ama á chaitheamh sa bhaile seans
• tá an formhór ag fanacht sa bhaile seachas dul amach: suas ó 78% an 16 Márta go 90% faoi láthair
• cé gur thuairiscigh cion suntasach den daonra mothúcháin mar imní (43%) agus buairt (38%), thuairiscigh cion comhchosúil mothúcháin mar aoibhneas (46%) agus sonas (36%) i suirbhé an lae inniu

Dúirt an Dr. Tony Holohan, Príomhoifigeach Leighis, an Roinn Sláinte:

"Tá an lá inniu suntasach ó thaobh thaithí na hÉireann ar COVID-19 mar a fheicimid go sáraíonn líon na gcásanna deimhnithe 10,000.

“Léiríonn líon na gcásanna pobail de COVID-19 an fáth go bhfuil gá leis na bearta sláinte poiblí atá i bhfeidhm againn faoi láthair. Tuigim go bhfuil na srianta reatha dian, go háirithe le linn deireadh seachtaine saoire bainc nuair a bhuaileann an chuid is mó dínn le teaghlaigh agus le cairde go hiondúil ach iarraim ar an bpobal leanúint ag obair linn agus na treoirlínte atá i bhfeidhm a leanúint.

“Beidh na trí seachtaine amach romhainn ríthábhachtach do scéal COVID-19 na hÉireann agus trí oibriú le chéile tugaimid an deis is fearr dúinn féin an scaipeadh a mhoilliú agus saol daoine a shábháil."

Léiríonn sonraí an HPSC inniu, amhail meán oíche, Dé Sathairn an 11 Aibreán (9,484 cás) – agus torthaí na Gearmáine a fuarthas go dtí sin san áireamh:

• is fir iad 45% agus is mná iad 54% díobh, agus baineann 1,795 cás le 401 cnuasach
• 48 aois airmheánach na gcásanna deimhnithe
• cuireadh 1,849 cás (20%) san ospidéal
• díobh siúd a cuireadh san ospidéal, tógadh 268 cás isteach san ICU
• bhain 2,489 cás le hoibrithe cúram sláinte
• tá an líon is mó cásanna i mBaile Átha Cliath le 5,006 cás (53% de na cásanna go léir) agus Corcaigh ina dhiaidh sin le 730 cás (8%)
• díobh siúd a bhfuil a stádas tarchuir ar eolas: is ionann tarchur pobail agus 66%, is ionann dlúth-theagmháil agus 27%, is ionann taisteal thar lear agus 7%

CRÍOCH

• Tomhaiseadh na staitisticí go léir ag meán oíche Dé Sathairn an 11 Aibreán.

• Tomhaiseadh na staitisticí go léir ag meán oíche Dé Sathairn an 11 Aibreán.

• Tomhaiseadh na staitisticí go léir ag meán oíche Dé Sathairn an 11 Aibreán.

• Tomhaiseadh na staitisticí go léir ag meán oíche Dé Sathairn an 11 Aibreán.

Tabhair ar aird:

Sa chás go bhfaigheann duine toradh deimhneach ar a dtástáil le haghaidh COVID-19 agus nach raibh sé/sí thar lear nó nach raibh teagmháil aige/aici le cás deimhnithe eile in Éirinn, tugtar tarchur pobail air sin.

Sa chás gur féidir duine toradh deimhneach do COVID-19 a nascadh le cás deimhnithe eile in Éirinn, tugtar tarchur logánta air sin.

• Tomhaiseadh na staitisticí go léir ag meán oíche Dé Sathairn an 11 Aibreán.

• Tomhaiseadh na staitisticí go léir ag meán oíche Dé Sathairn an 11 Aibreán.

Ciallaíonn ≤ 'níos lú ná nó cothrom le'.