Ráiteas ón bhFoireann Náisiúnta Éigeandála Sláinte Poiblí - Dé Luain an 23 Márta
- Foilsithe: 23 Márta 2020
- An t-eolas is déanaí: 11 Aibreán 2025
Tugadh fógra don Ionad Faireachais um Chosaint Sláinte inniu go bhfuil beirt othar in Éirinn ar diagnóisíodh go raibh COVID-19 orthu tar éis bás a fháil. B’fhir ó oirthear na tíre iad an bheirt othar. Tá sé bhás a bhaineann le COVID-19 ann in Éirinn anois.
Tugadh fógra don Ionad Faireachais um Chosaint Sláinte faoi 219 gcás dheimhnithe nua de COVID-19 in Éirinn amhail 1pm, Dé Luain an 23 Márta. Tá 1,125 chás dheimhnithe de COVID-19 ann in Éirinn anois.
Tá Feidhmeannacht na Seirbhíse Sláinte (FSS) ag obair anois chun aon daoine a bhféadfadh go raibh na hothair i dteagmháil leo a shainaithint chun faisnéis agus comhairle a thabhairt dóibh ar mhaithe le tuilleadh leata a chosc.
Nochtar an méid seo a leanas sna sonraí a d’eisigh an tIonad Faireachais um Chosaint Sláinte inniu, mar a bhí an scéal ag meán oíche, Dé Sathairn an 21 Márta (836 chás):
- baineann 55% de chásanna le fir agus baineann 44% díobh le mná, agus 37 mbraisle ann a chuimsíonn 210 gcás
- is é aois airmheánach na gcásanna deimhnithe ná 44 bliana d’aois
- cuireadh 239 gcás (29%) san ospidéal
- díobh sin a cuireadh san ospidéal, ligeadh 25 chás isteach san Aonad Dianchúraim
- baineann 208 gcás (25%) le hoibrithe cúram sláinte
- ba i mBaile Átha Cliath a chonacthas an líon ab airde cásanna, agus é cothrom le 471 chás (56% de na cásanna uile). Ba i gCorcaigh (104 chás) a chonacthas an dara líon ab airde cásanna (12% de na cásanna uile)
- maidir leis na cásanna sin a bhfuil a stádas tarchuir ar eolas: tá tarchur pobail freagrach as 45% díobh, tá dlúth-theagmháil freagrach as 23% díobh agus tá taisteal thar lear freagrach as 31% díobh
Léirítear i dtaighde a rinneadh thar ceann na Roinne Sláinte go mbíonn a lámha á nglanadh níos minice ag breis agus 93% den daonra mar thoradh ar Choróinvíreas.
Déanfar suirbhé ar líne atá ionadaíoch don tír ar fad ar 1,270 aosach dhá uair in aghaidh na seachtaine agus nochtar an méid seo a leanas sna torthaí ón suirbhé a rinneadh inniu:
- bíonn 88% de dhaoine ag fanacht sa bhaile, seachas ag dul amach
- bíonn 84% de dhaoine ag cloí le scaradh sóisialta agus iad ag ciúáil
- bíonn 71% de dhaoine ag suí níos faide ar shiúl ó dhaoine eile anois
- tá muinín ag 75% de dhaoine gurb eol dóibh na bearta a bheidh le déanamh acu i gcás go dtiocfaidh siomptóim orthu agus is eol do 90% de dhaoine an dá shiomptóm is coitianta (fiabhras agus casacht)
Má tá siomptóim amhail fiabhras agus casacht ort, féinleithlisigh agus cuir glao ar do lia-chleachtóir ginearálta, a thabharfaidh treoir duit ansin.
Dúirt an Dr Tony Holohan, Príomhoifigeach Míochaine sa Roinn Sláinte:
"Tuigimid an imní atá ag teacht ar dhaoine mar thoradh ar an ráig seo. Bíonn na gnéithe uile dár gcomhairle sláinte poiblí á n-athbhreithniú go seasta ag an bhFoireann Náisiúnta Éigeandála Sláinte Poiblí agus ní bheidh aon drogall ar bith orainn tuilleadh beart a dhéanamh nuair is gá, ar bearta iad a bheidh bunaithe ar fhianaise eipidéimeolaíochta agus a bheidh i gcomhréir le heispéireas na hÉireann ar an ráig seo.
"Tiocfaidh an Fhoireann Náisiúnta Éigeandála Sláinte Poiblí le chéile an athuair maidin amárach, áit a leanfaimid le freagairt na hÉireann a athbhreithniú agus le tuilleadh moltaí a dhéanamh de réir mar is cuí."
Dúirt an Dr Ronan Glynn, Leas-Phríomhoifigeach Míochaine sa Roinn Sláinte:
"Is é féinleithlisiú an rud is tábhachtaí is féidir le daoine a dhéanamh nuair atá siomptóim orthu. Cé go leanfaimid le tástáil a mhéadú in Éirinn ar aon dul leis na treoirlínte ón Eagraíocht Dhomhanda Sláinte, tá leithlisiú agus scaradh sóisialta ar na gníomhartha is tábhachtaí is féidir linn a dhéanamh in aghaidh an víris seo."
CRÍOCH
Staitisticí ospidéil
| An líon iomlán cásanna | 836 | |
| An líon iomlán daoine a cuireadh san ospidéal | 239 | |
| An líon iomlán daoine a ligeadh isteach san Aonad Dianchúraim | 25 | |
| An líon iomlán básanna | 6 | |
| An ráta báis i measc na gcásanna | 0.7 | |
| An líon iomlán oibrithe cúram sláinte | 208 | |
| An líon braislí ar tugadh fógra fúthu | 37 | |
| Aois airmheánach | 44 |
- Tomhaiseadh na staitisticí uile ag meán oíche, Dé Sathairn an 21 Márta.
Inscne na n-othar
| Inscne | Líon | % den Iomlán |
| Bean | 369 | 44 |
| Fear | 460 | 55 |
| Níl an inscne ar eolas | 7 | 1 |
| Iomlán | 836 |
- Tomhaiseadh na staitisticí uile ag meán oíche, Dé Sathairn an 21 Márta.
An t-aoisraon a ndeachthas i bhfeidhm air
| Aoisghrúpa | Líon | % den Iomlán |
| <1 | 3 | 0 |
| 1 - 4 | 2 | 0 |
| 5 - 14 | 16 | 2 |
| 15 - 24 | 69 | 8 |
| 25 - 34 | 166 | 20 |
| 35 - 44 | 165 | 20 |
| 45 - 54 | 158 | 19 |
| 55 - 64 | 117 | 14 |
| 65+ | 139 | 17 |
| Níl an aois ar eolas | 1 | 0 |
| Iomlán | 836 |
- Tomhaiseadh na staitisticí uile ag meán oíche, Dé Sathairn an 21 Márta.
Conas a bhíonn COVID-19 á leathadh
| Tarchur pobail | 43% |
| Dlúth-theagmháil le cás deimhnithe | 24% |
| Taisteal thar lear | 33% |
- Tomhaiseadh na staitisticí uile ag meán oíche, Dé Sathairn an 21 Márta.
Tabhair faoi deara:
I gcás go dtaispeánfaidh toradh tástála go bhfuil COVID-19 ar dhuine agus nach raibh an duine sin thar lear nó nach raibh aon teagmháil aige/aici le cás deimhnithe eile in Éirinn, cuirfear an cás i leith tarchur pobail.
I gcás go dtaispeánfaidh toradh tástála go bhfuil COVID-19 ar dhuine agus go mbeifear in ann é sin a nascadh le cás deimhnithe eile in Éirinn, cuirfear an cás i leith tarchur áitiúil.
Oibrithe cúram sláinte
| Taisteal thar lear | 55 | 26% |
| Ní bhaineann an cás le haon taisteal thar lear | 133 | 64% |
| Tá an cás fós á imscrúdú | 20 | 10% |
| Iomlán | 208 |
- Tomhaiseadh na staitisticí uile ag meán oíche, Dé Sathairn an 21 Márta.
Cásanna a cuireadh san ospidéal de réir aoisghrúpa
| <5 | 2 | 1% |
| 5 - 14 | 2 | 1% |
| 15 - 24 | 14 | 6% |
| 25 - 34 | 31 | 13% |
| 35 - 44 | 26 | 11% |
| 45 - 54 | 42 | 18% |
| 55 - 64 | 37 | 16% |
| 65+ | 85 | 36% |
- Tomhaiseadh na staitisticí uile ag meán oíche, Dé Sathairn an 21 Márta.
Cásanna de réir contae
| Ceatharlach | ≤5 | 0% |
| An Cabhán | ≤5 | 1% |
| An Clár | 9 | 1% |
| Corcaigh | 104 | 12% |
| Dún na nGall | 8 | 1% |
| Baile Átha Cliath | 471 | 56% |
| Gaillimh | 33 | 4% |
| Ciarraí | 12 | 1% |
| Cill Dara | 23 | 3% |
| Cill Chainnigh | 15 | 2% |
| Laois | 6 | 1% |
| Liatroim | ≤5 | 0% |
| Luimneach | 18 | 2% |
| An Longford | ≤5 | 1% |
| Lú | 13 | 2% |
| Maigh Eo | 6 | 1% |
| An Mhí | 13 | 2% |
| Muineachán | ≤5 | 0% |
| Uíbh Fhailí | 10 | 1% |
| Ros Comáin | ≤5 | 0% |
| Sligeach | 8 | 1% |
| Tiobraid Árann | 20 | 2% |
| Port Láirge | 9 | 1% |
| An Iarmhí | 20 | 2% |
| Loch Garman | ≤5 | 0% |
| Cill Mhantáin | 22 | 3% |
- Tomhaiseadh na staitisticí uile ag meán oíche, Dé Sathairn an 21 Márta.
Ciallaíonn ≤ 'níos lú ná nó cothrom le'.