Ráiteas ón bhFoireann Náisiúnta Éigeandála Sláinte Poiblí - Dé Máirt an 14 Aibreán

Tugadh fógra don Lárionad Faire um Chosaint Sláinte inniu go bhfuil 41 othar in Éirinn ar diagnóisíodh go raibh COVID-19 orthu tar éis bás a fháil.

• bhásaigh 36 duine san oirthear, 4 san iarthar, 1 i ndeisceart na tíre
• bhí 16 bean agus 25 fear i measc na ndaoine
• 85 aois airmheánach na mbásanna a tuairiscíodh inniu
• tuairiscíodh go raibh fadhbanna eile sláinte ag 31 duine

Tá 406 básaithe de thoradh COVID-19 in Éirinn anois.

Amhail 1pm Dé Máirt an 14 Aibreán, cuireadh an HPSC ar an eolas faoi na cásanna seo a leanas:

• 548 cás deimhnithe breise de COVID-19 a thuairiscigh saotharlanna in Éirinn
• 284 cás deimhnithe breise de COVID-19 a thuairiscigh saotharlann sa Ghearmáin

Agus na figiúirí is déanaí ón nGearmáin san áireamh, tá 11,479 cás deimhnithe de COVID-19 in Éirinn anois.

Tá FSS ag obair chun aon teagmhálacha a d’fhéadfadh a bheith ag na hothair a aithint chun faisnéis agus comhairle a sholáthar dóibh chun scaipeadh breise a chosc.

Amhail meán oíche Dé Luain an 13 Aibreán, tá 90,646 tástáil curtha i gcrích.

As na tástálacha sin:

• tá 62,952 curtha i gcrích i saotharlanna na hÉireann
• tá 27,694 curtha i gcrích i saotharlann sa Ghearmáin

Le seachtain anuas, rinneadh 20,468 tástáil i saotharlanna in Éirinn agus astu sin bhí 4,233 dearfach, rud a thug ráta dearfachta 21%.

Dúirt an Dr. Cillian De Gascun, Cathaoirleach Shainghrúpa Comhairleach NPHET:

"Tar éis cúpla seachtain dhúshlánach a bhaint amach, tá an cumas tástála neartaithe againn go suntasach agus leanfaimid orainn ag déanamh amhlaidh sa tseachtain amach romhainn, ionas go mbeidh sé de chumas orainn an víreas a aithint agus a chur faoi chois."

Seo a leanas mar a léiríonn sonraí an HPSC inniu, amhail meán oíche, Dé Domhnaigh an 12 Aibreán (10,385 cás):

• is mná iad 54% agus is fir iad 45% díobh, agus bhain 1,999 cás le 408 cnuasach
• 48 aois airmheánach na gcásanna deimhnithe
• cuireadh 1,903 cás díobh (18%) san ospidéal
• díobh siúd a cuireadh san ospidéal, tógadh 275 cás isteach san icu
• bhain 2,707 cás le hoibrithe cúram sláinte
• tá an líon is mó cásanna i mBaile Átha Cliath le 5,438 cás (52% de na cásanna go léir) agus Corcaigh ina dhiaidh sin le 780 cás (8%)

Tháinig an Fhoireann Náisiúnta Éigeandála Sláinte Poiblí le chéile inniu (Dé Máirt an 14 Aibreán) chun leanúint lena n-athbhreithniú leanúnach ar fhreagairt na hÉireann ar COVID-19.

Pléadh ag cruinniú an lae inniu:

• suíomhanna cúraim chónaithe: Chomh maith leis na bearta cosanta agus na tacaíochtaí airgeadais atá ann cheana féin, cuirfidh FSS próiseas náisiúnta comhordaithe i bhfeidhm chun leitheadúlacht COVID-19 a aithint ar fud tithe altranais agus suíomhanna cúraim sláinte chónaithe eile; mar a mhol an ECDC
• tástáil: HPSC chun straitéis a fhorbairt chun staidéar ar shéirealeitheadúlacht a dhéanamh a aithneoidh céatadán an daonra a raibh COVID-19 orthu riamh, beag beann ar thástáil

Dúirt an Dr. Tony Holohan, Príomhoifigeach Leighis, an Roinn Sláinte:

"Tá imní orainn i gcónaí faoi leitheadúlacht COVID-19 i dtithe altranais agus i suíomhanna cúraim chónaithe.

“Tá an Fhoireann Náisiúnta Éigeandála Sláinte Poiblí ag déanamh monatóireachta ar fhorbairtí sna saoráidí seo agus leanann sí ag cur tacaíochtaí agus gníomhartha chun cinn nuair is gá.

“Ón tús, bhí a fhios againn go bhfuil grúpaí leochaileacha, lena n-áirítear daoine scothaosta, i mbaol níos mó ón víreas seo. Leanfaidh na grúpaí seo de bheith mar thosaíocht againn."

Dúirt an Dr. Colm Henry, Príomhoifigeach Cliniciúil, FSS:

"Nílimid ag feiceáil méadú suntasach ar líon na gcásanna dearfacha COVID-19 inár n-ospidéil nó inár ICUanna le roinnt laethanta anuas, a bhuíochas sin d'iarrachtaí gach duine a lean na comhairle fanacht óna chéile agus scaipeadh an víris a mhoilliú. Tá an tseirbhís sláinte buíoch do gach duine atá ag glacadh páirte. "

Féach ar Deais COVID-19 (Coróinvíreas) a léiríonn na staitisticí agus an fhaisnéis is déanaí.

CRÍOCH

• Tomhaiseadh na staitisticí go léir ag meán oíche Dé Domhnaigh an 12 Aibreán

• Tomhaiseadh na staitisticí go léir ag meán oíche Dé Domhnaigh an 12 Aibreán.

• Tomhaiseadh na staitisticí go léir ag meán oíche Dé Domhnaigh an 12 Aibreán.

• Tomhaiseadh na staitisticí go léir ag meán oíche Dé Domhnaigh an 12 Aibreán.

Tabhair ar aird:

Sa chás go bhfaigheann duine toradh deimhneach ar a dtástáil le haghaidh COVID-19 agus nach raibh sé/sí thar lear nó nach raibh teagmháil aige/aici le cás deimhnithe eile in Éirinn, tugtar tarchur pobail air sin.

Sa chás gur féidir duine toradh deimhneach do COVID-19 a nascadh le cás deimhnithe eile in Éirinn, tugtar tarchur logánta air sin.

• Tomhaiseadh na staitisticí go léir ag meán oíche Dé Domhnaigh an 12 Aibreán.

• Tomhaiseadh na staitisticí go léir ag meán oíche Dé Domhnaigh an 12 Aibreán.

Ciallaíonn ≤ 'níos lú ná nó cothrom le'.